Isaia 31:2 - Iaai Bible 1901 (New Caledonia)

² Ke so bi e metâ, ke e at ame oâ ûnyi ae kong, ke ame ca he ka ohmeto hwan je hofuc: ke e ame he ka tot metâ ka lap anyin tavat ae kong, me ka singiny tavat adre me ânyâ monu.

Isaia 31:2 ပူးပေါင်းရင်းမြစ်များ

Jobu 12:13

E unyin bi metâ me tang hwege; E unyin bi uhnenamö me wâhmakhmeto.

Jobu 12:16

E unyin hwege me metâ ae hnathu; E ame tren at omono, tha e me at adre omono.

Jobu 5:13

E ame ohnokâ tavat ae metâ hnyi anyi drin je bibihwakeoin: Me ologotâ ûhnenamö anyin tavat adre me bigan.

Isaia 1:4

Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Isaia 14:20

U me ca he, ka ûkhacaköu mödra hnyi erkemok, anyin a u je okongoâ em hnyei, me hlingâ lakem; adre me ca he bi ka ha nyiele balua mâtrâniny tavat ae kong.

Isaia 21:17

ke haba kolon ûseiny tavat hlic fana, a tavat hwege unyin lakon Kedara, me adre me e ka wakhalet ut: anyin a hia but ha Iehova Khongu Isaraela.

Isaia 22:14

Ke haba Iehova tuhan sabaoth ame omamenâ ka hnyi li hnyikönyök, ka habe, E hnathu adre me ca he ka hna köbun hulo eang ke ne o but öbun e mokcu, ame ha Iehova tuhan sabaoth.

Isaia 28:21

Anyin ame he Iehova ka todrö helâji me hnyi bucen Farez, kʼ ame he ka hmonyin helâji me hnyi hnyigöulen Gibeona; me me ânyâ anyin huliwa, wale anyin huliwa ae ke bongon bi, me oâ hnen hna ânyâ, wale hnen hna ânyâ ae ke bongon bi.

Isaia 28:29

Ame o minya ûnyi ga Iehova tuhan sabaoth, at ae khana bongon hnân lâiâ, ke e gan hmâ anyin metâ.

Isaia 30:3

Anyin a wale ame he tang hwegiö Farao ka hnân ohmehmai öbun, ke haba hna labageju ka hmenon Aigupito ame he ka hnân ohmaki öbun.

Isaia 30:7

Ke ca ûnyi hnathu, ke ûnyi baû ûhadruo ge Aigupito: anyin a wale oge me hwenyi ien e, Rahaba, at ame laba thibi.

Isaia 31:3

Ke ta je at thibi at Aigupito, ke ca Khong bi; ke je viny haledra je hors, ke ca je hanu bi; ke e ka he Iehova ka hai hnyamen, me ame he ka tha ta, a at ame hadruâ me at hok ûhadruo, mʼ ödru me he ka tha hia! but.

Isaia 32:6

Anyin ame he at ae monu ka ha hofuc ae monu, kʼ ame he hnyekon ka ânyâ hulo, wale he ka ânyâ hwakecin ae ca ûcû, me ha monu ga Iehova, me oba jeû ka at ae mekihnânem, me ohmö köiö belen at ae beic.

Isaia 45:7

Oge me op lany ke oâ lit; oge me ânyâ ûsoköu, ke oâ hulo; inya Iehova at ame ânyâ ta je ûnyi hia thithö eling.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Jeremia 10:12

E thibi at a op kânâ ge maniny man, e ame otilâ hmâ hmeledrany ge anyin metâ, me ulolo drany ge anyin wâhmakhmeto:

Jeremia 10:7

Ie at ame ca he ka outö u, Tuhan ta je hnyei? anyin ae ûcû u: ke haba khaca, me ba ju ke at ae ûcû möu unyin tavat ae metâ hia hnyi ta je hnyei me hnyi ta je dökhudra hia.

Jeremia 36:32

Me Jeremia ame hom ke tusi me ham e kö Baruka at sihnalimen, nöku Neria; me e ame sihnalimen hnyin e ûnyi hnyi hnyimö Jeremia ta je hofucin tusi hia waleji a thong degecâ Jehoiakima than Juda hnyi meic: ke adre me bi hanen ke je hofuc ae se minya ka hnyin a helâe.

Ezekiela 29:6

Ke ame he aten Aigupito hia ka wâ a inya Iehova, anyin a ödra uci hlowe ka lap anyi Isaraela.

Amosa 3:6

Hawa, adre me he ka tûâ trutru hnyi taun, ke ame ca he ka ot tavat? hawa, ame he ka hu ûnyi ae kong hnyi taun ke a ca ânyâ bi Iehova?

Zefania 3:8

Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.

Zakaria 1:6

Ke haba hok je hofuc ke anyik je hnanyibu, waleji oge me hûna ka lathnyabaik a je perofeta, hawa, ödrin e ca khaû lakamöbun? me adre me hmetu me ha, ka habe, Haba Iehova tuhan sabaoth ame ûnykûme he ka ânyâ kohmun, hoton dehmun je gethen, ke anyihmun je huliwa, ke helâe e ame hia but ânyâ kohmun.

Numera 10:35

Ke haba hnyi ûen ame hwân tang ka he, haba Mose ame ha, ka habe, Iehova lö, todrö, me me ve se but je iwahnaihmiony mou; me kec gam tavat adre me hukötiö u.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Roma 16:27

e so he ka ogânâ Khong, a hake e thibi at ae metâ, nyiele balua, a deny Iesu Keriso. Amen.

Josua 23:15

Ke e hwâdâ köbun ta je ûnyi hia ae so a ha köbun Iehova Khongubun, awe, helâe ame he Iehova ka oātâ köbun ta je ûnyi hia ae kong, ke ne o but e ame hiʼ öbun hia but ûnyi hnyi hnyei eang ae so a ham köbun Iehova Khongubun.

Juda 1:25

e so e unyin Khong a khaca, At a omeliʼ öta a deny Iesu Keriso a Tuhöta, hmanenang, me mec, me musi, me man, hwan adrem balua, me walang ang, me nyiele balua. Amen.

I. Samuela 2:3

Ca he hmetu bi ka ha hofuc ae bi gan; Ke so ame ca gâ hofuc bi gan ûnyi hnyi je hnyimöbun; Anyin a Iehova, me e Khongon metâ, Ke e ame tuluto je hna ânyâ.