Isaia 31:1 - Iaai Bible 1901 (New Caledonia)

¹ EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 31:1 ပူးပေါင်းရင်းမြစ်များ

Genese 47:17

Ke adre me hom kö Josefa haledrin ta je meno: ke Josefa ame ham ködra areto hwaban ta je hors, me je mamoe, me kâu, me je asina: ke e ame ha ödra ge areto hnyi huna eling hwaban haledra je meno.

II. Man Ûlabainy Je Than. 16:7

Haba hnyi ûen eling ame o but Hanani at wâ kö Asa than Juda me ha kâu, ka habe, Anyin a u je hia but labageju ka than Suria, me ca labageju kö Iehova Khongom, anyin a wale a haûhaû but gam utbavat anyin than Suria.

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

Jobu 39:11

U me he ka labageju kâu anyin ae gan hmâ hwegien? Ke u me he ka hna ânyâm huliwa kâu?

Salamo 20:7

Haba keihen adre me labageju ka ta je kariota, ke haba keihen ka ta je hors: Ke ate me he bi ka ha iö Iehova Khonguta.

Isaia 10:17

Ke haba melaminy Isaraela ame he ka hnân meic, ke haba anyin Kap hnân bâhlân: ke ame he ka thong me an anyin je iwatetaföcö me iwadekong hnyi bong a khaca.

Isaia 2:7

Ke unöngöt idra hnyei ge sileva me gol, ke ca hnân bi aû omjehedra ta je omjeû; ke unöngötö idra hnyei ge ta je hors, ke ca hnân bi aû anyidra je kariota.

Isaia 20:5

Ke adre me be ka ot me hmehma can at Aithiope wale adre me geju kodra, me can at Aigupito wale adre me hobeluâ.

Isaia 22:11

Öbun e op minya an wanben li hna up veto hobi kâu köiöiny an a kâû adrem: ke öbun e ca ûnykûme ge at a ânyâ, me ca ûnykûme wia ge at tibet e kâû adrem.

Isaia 30:16

Ke haingöbun, ka habe, E ba, anyin öhmun e he ka tabö hors me kec; awe, öbun e he ka kec: ke haingöbun, Öhmun e he ka tabâ je meno ae logot; awe ame he bi ka logot tavat hnu öbun.

Isaia 36:6

Wâ bi, u me labageju ka uci hlowe ae mita eû, wale Aigupito; ke e ka hlec hnyiban e ge at, me ame he ka dâoâ hnyamen: ke helâe Farao than Aigupito kodra hia adre me labageju kâu.

Isaia 36:9

Ke u me he ka kâmâu ka ohmeto ke taben vat ae ûhnyûkong hmonyin unyin lathnyabainy tuhok, me labageju kö Aigupito hobi kâu je kariota me tavat tabö hors?

Isaia 43:15

Inya Iehova, Kabibun, at a Up Isaraela, ke Tuhöbun.

Isaia 5:12

Ke e bi kitara me nabeli, me bwinybet, me utkowi, me waina, hnyi anyidra je bijeû: ke adre me ca ûnykûme ge huliwa anyi Iehova, kʼ adre ca hia but ûnykûme bi huliwa anyin li hnyamen.

Isaia 57:9

Ke u je hom wakaco ka than, me osehia ânyâm je ûnyi ae bo so, ke u je kunâ ânyâm je uthumetu sâkâû ai, me ohnyikânâi u bi ke ne o but hnyi hedis.

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Isaia 9:12

at Suria hnyi hnyimakodra, me at Filisiti hotudra ai; ke adre me he ka uto Isaraela ge hnyem ae memang. Ke hnyi ta je ûnyi e hia, e ame ca hwio hnyi anyin hmonyin, ke ame lau bala bi hnyamen.

Isaia 9:13

Ke so bi ame ca hwio tavat kâu at ame kuc ödra, ke haba khaca adre me ca elom Iehova tuhan sabaoth.

Jeremia 17:5

Walang hna ha hnö Iehova, ka habe, E ka mok at ama labageju ka at, me wia at me me hnân hnyamen, ke haba hnyekon ame hota degeci Iehova.

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 37:7

Walang hna ha hnö Iehova, Khongu Isaraela, ka habe, Ha thʼ öbu ka than Juda, at a kunʼ öbu könya ka hnei nya, ka habe, Wâ bi, haba utbavat anyi Farao tavat adre me o he ka hadruʼ öbun, adre me he ka hmetu Aigupito ai ka hnyi idra.

Jeremia 42:14

me ha, ka habe, Ohe, ohmun e he ka he ka hnyi hnyei Aigupito, me ohmun e ca he ka löng vat eling, me löng ifucin trutru, ke ame ca he bi ka hmiâ jeû; ke ohmun e he ka laba eling:

Ezekiela 17:15

Ke e ame ûkhin fuc mē, me kunâ anyin je ûthumetu Aigupito ai, mʼ adre me he ka ham kâu je hors me tavat ae se hia. Hawa, e ame he ka hnahic? ame he at ame ânyâ ta je ûnyi e ka möt? hawa e ame he ka thamuâ ûhihinyköu, ke möt bi?

Ezekiela 29:16

Ke ame ca he hmetu ka hnân labageju kâu hnen lap anyi Isaraela, hnân oûnykûmeâ je hulo, ödra ka hwio kodra: ke adre me he ka wâ a inya Iehova.

Daniela 9:13

Ke ame aat kohmun ta je ûnyi hia ae kong eang, helâ me hna sihnalimen hnyi hnanyibu anyi Mose: ke so bi öhmun e ca hia but sumâtâ betenge anyi Iehova Khonguhmun, me öhmun e hmetu ju ûnyi hnyi ta je hwakecihmun ae kong, me wâ ûnykûme ânyâm hnathu.

Hosea 11:5

E ame ca he bi ka hmetu ka hnyi hnyei Aigupito; kʼ ame he bi at Asuria ka tuhan, anyin adre me höcö he ka hmetu.

Hosea 11:9

Ke oge me ca he bi ka ohwâdâ anyik hmonyin ae gan, ke oge me ca he hmetu bi ka ohiö Eferaima: anyin a inya Khong, ke ca at bi; At ae Kap hnyi wanbâm: me oge me ca he ka delec taun.

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Hosea 7:7

Ödra kahwa hia but helâ me wahnainyâ, ke adre me ohia tavat owisʼ ödra; a ta but anyidra je than: e ba ke at gadra ame hongot könya.

Habakuka 1:12

Iehova lö, Khonguk, me Kapik, hawa, u ca at kâû adrem bala? ohmun e ca he ka mok. Iehova lö, u je otilâ e me hnân owisa, Kicik lö, oâ e me hnân nâ.

Habakuka 3:3

Ame o but Khong ûheny Temana, Ke At ae Kap ûheny hnyi bucen Parana. [Sela. Ame khavâ drany hnen anyin hmanenang, Kʼ ame unöngötö hmeledrany ge hna ogânâ e.

Zakaria 10:5

Ke adre me he ka helâ me tavat hwege, tavat adre me uto je iwahnaihmiony hnyi hmudrainy gethen hnyi vat; ke adre me he ka vat, anyin a e unyidra Iehova: ke ame he tavat tabö hors ka hlohlo.

Deuteronomi 17:16

Ke so bi e ca so e ame osehia je hors hobi kâu, me ohmeto tavat Aigupito ai, me me he ka osehia haleny je hors: anyin a hia but ha Iehova köbun, ka habe, Öbun e ca he ka hmetu hnyi gethen eling.

Deuteronomi 20:1

U KA he ka vat me je iwahnaihmiony mou, me wâ je hors, me je kariota, me tavat ae se hia hom, me u me ca he ka outʼ ödra: anyin a e unyâm Iehova Khongom, a at ame hum u ûheny hnyi hnyei Aigupito.