Isaia 30:7 - Iaai Bible 1901 (New Caledonia)

⁷ Ke ca ûnyi hnathu, ke ûnyi baû ûhadruo ge Aigupito: anyin a wale oge me hwenyi ien e, Rahaba, at ame laba thibi.

Isaia 30:7 ပူးပေါင်းရင်းမြစ်များ

Jobu 9:13

Khong ame ca he ka ohmeto anyin hmonyin; Ame he ta je hnyok bi gan hia ka khudrung kâu.

Salamo 87:4

Oge me he ka haiö Rahaba, me Babulona a unyin tavat ae khanʼ ödra inya: Wâ bi Filisiti me Turo, tha ödru me Aithiop; Walang at adre hnokoâ eling.

Salamo 89:10

U je hia but thuthu omomonu Rahaba, helâ me at adre hia but hlingâ; U je hia but oveseâ je iwahnaihmiöny möu ge hnyamâm ae hwege.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Ta je Vejec 25:19

Nyu ae hmetru, ke ca a khikhin, He ka geju ka at ae ca hnathu hnyi ûen vec.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 2:22

Soju öbun labageju ka at, ame menâ ge li hnyingöiny: anyin a hnân eû he ka ûnykûme kaû?

Isaia 20:6

Ke ame he tavat adre laba hnyi hobat köiö ka tha ha hnyi bong eling, ka habe, Wâ bi, wale hnöta hna geju kâu, mʼ ate me kec kâu me me hadruʼ öta mʼ ate me möt ûnyi ge than Asuria: ke haba öta ate ma hawa ka kec?

Isaia 28:12

walegi e ame ha kodra, ka habe, Walang hna menâ, omenâ ju at ae sēnyin; ke walang hnahic: ke so bi ödra höcö bi long.

Isaia 30:15

Anyin a walang hna ha hnen Than Iehova, Kabi Isaraela, ka habe, Adre me he ka omeli öbun, öbun ka hmetu me menâ; ke haba tang hwegiöbun, me ame he ka e bi hnyi labawia me labageju: ke so bi e ca webun.

Isaia 30:5

Ödra hia thithö adre me he ka hihmehma tavat ae ba troban kodra, ke ca hnân ûhadruo me troban, ke hnân hmehma me haikongoâ minya.

Isaia 36:9

Ke u me he ka kâmâu ka ohmeto ke taben vat ae ûhnyûkong hmonyin unyin lathnyabainy tuhok, me labageju kö Aigupito hobi kâu je kariota me tavat tabö hors?

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Jeremia 37:7

Walang hna ha hnö Iehova, Khongu Isaraela, ka habe, Ha thʼ öbu ka than Juda, at a kunʼ öbu könya ka hnei nya, ka habe, Wâ bi, haba utbavat anyi Farao tavat adre me o he ka hadruʼ öbun, adre me he ka hmetu Aigupito ai ka hnyi idra.

Je tenge anyi Jeremi 3:26

E so he ka gejon me halubahingen ûhömeli anyi Iehova.

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.