Isaia 30:22 - Iaai Bible 1901 (New Caledonia)

²² Ke öbun e he ka oikikiâ sileva tubwiny anyibun je hnatheat, me gol adre okoiâ hmanenanginy anyibun je idola: u me he ka degec helâ me ecmano ae ikiki; u me he ka ha kâu, ka habe, Kec dö u.

Isaia 30:22 ပူးပေါင်းရင်းမြစ်များ

II. Man Ûlabainy Je Than. 31:1

KE a um dö ûnyi hia eling, me ame he Isaraela hia, wale tavat adre me mwi e, ka hnyi je tauniny Juda, me oamamâ je veto ame tot, me sö degecâ je Aseira, me hagutâ je dok ae gorany, me je taben hut hnyi hnyei Juda hia, me Beniamina, me Eferaima, me Manase, ke ne o but adre me ohia hia thithö. Me haba lakon Isaraela hia adre me ve he ka hnyi je idrin hnyi anyidrin je taun.

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Isaia 31:7

Anyin a hnyi bong eling adre me he ka ve degec anyidra je idola sileva, me anyidra je idola gol, waleji ame tibet je hing hnyamöbun me me hulo bi.

Isaia 40:19

Haba at huliwa ame okoiâ hnatheat, kʼ ame tube e ge gol hnen at ame huliwan gol, kʼ ame le je tö sileva hobi kâu e.

Isaia 46:6

Haba tavat adre me hingâlâ gol ûnyi hnyi tang, ke tuluto sileva hnyi tulut, me adre me hawâ at ame huliwan gol, me e ame ânyâ e me me khong; adre me ta ju hnyikânâi, eke, adre me khudrung.

Je tenge anyi Jeremi 1:17

Ziona ame lau li hnyamen; e ba at he ka otubwelâ; Iehova ame hia but ha ga Jekob, a gʼ adre me he ka iwahnaihmiony më tavat igigilo e: E ikiki Jerusalema unyidra.

Ezekiela 14:6

Anyin a wale, ha thö ka lap anyi Isaraela, ka habe, Walang hna ha hnen Than Iehova, ka habe, Hmetu ju, hmetu ju öbun ûnyi hnyi anyibun je idola; me wia thö je hnyimaköbun, ûnyi hnyi anyibun ta je ûnyi ae ikiki hia.

Ezekiela 18:6

kʼ ame ne ca munyi han hon je bucen, kʼ ame ca bwela göranyai ka je idolainy lap anyi Isaraela, kʼ ame ca hia but okongoâ âiân ke at, kʼ ame ca kâlâ momo hnyi ûen ae ca ûcû;

Ezekiela 36:31

Ke öbun e he ka ûnykûme ta je hwakecibun ae kong, me hnobun je hna ânyâ ae ca so; ke öbun e he ka hûköti öbun bi hnyi hnyimaköbun bi can anyibun ta je hulo me hwakecibun ae ikiki.

Ezekiela 7:19

Adre me he ka khûâ eû hnyi gethen anyidra sileva, ke ame he ka helâ me ûnyi ae ikiki anyidra gol: e ca khana anyidra sileva me gol he ka omeli ödra hnyi bonginy hmonyin anyi Iehova; ame ca he ka sekudra, me öunöngötâ je hnyekudra; anyin a wale hulo at ame ohaûʼ ödra.

Ezekiela 7:20

Ke haba mecin anyin hmanenang, e ame otilâ e hnyi bongon than: ke adre me otilâ bi je idola ae ikiki me hnân hûkotiâ hnyin e: anyin a wale oge hia but hna e kodra hnân ûnyi ae ikiki.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Levitiko 13:52

Ke e ame he ka thong ûkhaû, ame ne tö adre otilâ, ame ne tö adre omokulec, ame ne leûnen mamoe, ame ne lino, ame ne ke ûnyi bi a unen meno ae hu mok hnyin: anyin a wale ke lepera ae han; kʼ adre me he ka thong degecâ ge meic.

Zakaria 13:2

Ke hnyi bong eling haingö Iehova tuhan sabaoth, me oge me he ka ohia ta je ien je idola hnyi hnyei, mʼ adre me ca he hmetu ka ûnykûme ködrin: ke haba khaca oge me he ka obâ ta je perofeta me ta je hanu ae ikiki hnyi hnyei.

Mataio 4:10

Ke haba Iesu ame ha kâu, ka habe, Satana lö, kec dö: anyin adre hia but sihnalimen, ka habe, U ma he ka khudrung ka Than a Khongom, me bi athnyabainy thibi.

Deuteronomi 7:25

Ke öbun e he ka thong degecâ ge meic ta je hnatheatiny anyidra je khong: ke u me ca he bi ka behnyekon sileva me gol wale adre tube kâu, me hom e me ânyâm bi, wâ e nye nuc u hnen ûnyi eling: anyin a haba ûnyi e me ûnyi ae ikiki kö Iehova Khongom:

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio: