Isaia 30:18 - Iaai Bible 1901 (New Caledonia)

¹⁸ Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 30:18 ပူးပေါင်းရင်းမြစ်များ

Jobu 35:14

Ke ti ca ûcû eling, u je ne ha, ka habe, u je ca wâ e, E bi hna owisa unyin, ke u je halubahingen!

Salamo 2:12

Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.

Salamo 27:14

Halubahing Iehova ju: Hwege ju, ke so ame he hnyekom he ka hwege; Eke, e so u ma halubahing Iehova.

Salamo 34:8

Öbun na drem cubecâ ju me wâ a at ibetengiö Iehova: Hnahic hnen at ame labageju kâu.

Salamo 84:12

Iehova tuhan sabaoth lö, Hnahic hnen at ame labageju köu.

Salamo 99:4

Ke haba hwegien than me ame hnyok ka hna owisa; U je otethmâ hnathu, U je mâdrâ hna owisa me wisa unyi Jekob.

Esodo 34:6

Ke haba Iehova ame he hnyi hnyimakan, me ha, ka habe, Iehova, Iehova, Khong a at ame kölu me betenge, at ame bec ka hmönyin ke gan hmâ anyin so me hnathu;

Ta je Vejec 16:20

Haba at ame long hoton hofuc me ame he ka wâ so: Ke hnahic bi at ame labageju kö Iehova.

Isaia 18:4

Anyin a walang hna ba hnö Iehova könya, ka habe, Oge me he ka laba wia, me wâ hnyi hnyabak; helâ me hlöng ae gan e ka o seuno, ke helâ me hauiny ûlâ e ka hlöng hnyi ûen menu.

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 28:17

Ke oge me he ka ânyâ hna owisa hnân tulut, ke hwakecin ae wisa hnân tulut ûhni; kʼ ame he we wahma ka aba degecâ hna-bâiny thoi, kʼ ame he ka bahihingölö ta je köiö ka hnyi dok adre me lubaduöng hnyin.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 33:5

Adre me oganö Iehova; anyin a e ame laba ethö: e ame hia but ounöngötâ Ziona ge hna owisa me hwakecin ae wisa.

Isaia 40:31

ke ame he tavat adre me halubahing Iehova ka ohâtâ tang hwegiödra; adre me he ka gâ goranyai ge je labenyidra helâ me aeto; adre me he ka wadring, ke adre me ca he ka mat; adre me he ka he, me ca he bi ka sēnyin.

Isaia 42:14

E beû but hnok hna laba hnyibu; oge hia but laba wia me hokhnyokâ: ke walang ang oge me he ka kuku helâ me momo ame hnokoâ; oge me he ka mâng me momokhon.

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 48:9

Can iök bi, oge me he ka obecâ anyik hmonyin, ke can hna oganö nya oge me he ka hokhnyok gam, mʼ o ge me ca he ka subâ degeci u.

Isaia 5:16

ke adre me oganö Iehova tuhan sabaoth ge hna owisa, kʼ adre me okabâ Khong at ae Kap ge hwakecin ae wisa.

Isaia 55:8

Ke haba ta je ûnykûmenök, me ca ta je ûnykûmenöbun bi, ke haba debun je gethen, me ca dek bi, haingö Iehova.

Isaia 57:16

Anyin oge me ca he ka ivino ke ne o but nyiele balua, ke oge me ca he bala ka hmonyin: anyin ame he ka ta sēnyin hnyok hnyi hnyimakök, me hanu o ge op.

Isaia 61:8

Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

Isaia 64:4

Anyin a haba hwân kâû adrem, ame ca löng bi hnen tavat, me ca tevehlöng bi, ke ame ca wâ hnen ecmak ke Khong, ke hake u ke thibi, at ame huliwa kodra adre me halubahingen e.

Isaia 8:17

Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Jeremia 17:7

Hnahic hnen at ame labageju kö Iehova, at ame ip Iehova hnân jekhon.

Jeremia 42:7

Ke hwaban je bong a ten ame o but hofuc ho Iehova kö Jeremia.

Daniela 12:12

Hnahic hnen at ame lubahingen ke ne o but hnyi je bong a wan thauzan ke theri haded ke thote faiv.

Hosea 1:7

Ke so bi, oge me he ka betenge ge lap anyi Juda me omeli ödra a deny Iehova Khongudrin, ke oge me he ka omeli ödra ge cefana, me hele vat, me vat, me je hors, me tavat tabô hors.

Hosea 2:14

Anyin a wale, wâ bi oge me he ka lelö e me hom e hnyebuba ai, me ita hofuc kâu.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Malaki 2:17

Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

Luka 15:20

Me e ame tot, me he ka kamen. Ke kamen ame wâ, ke tiga sâkâû, me e ame betenge gan, me wadring, me ta ju hon nyin, me ûcimhnyimak mē.

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Ta je huliwa 5:31

E thibi at Khong ame ogöranyâ hnen hnyamen a metân hnân Than me At ûhomeli, me me he ka ham ka at Isaraela ietra, me hna thang ta je hulo.

Roma 5:20

Ke ame o but minya hnanyibu, me ame se hia but monu; ke haba dok ame gan monu hnyin, me wale gan hmâ but ibetengiö baû:

Roma 9:22

A ne beomanenâ tang hmonyin Khong, me olungâ maniny man, me ame hokhnyokâ beû hmâ ta je utkaiainy hmonyin waleji adre penapena hobi kâu hnaûhango:

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Efeso 1:8

waleji e ame ham gânâ köta hnyi metâ hia, me wâ wia hia,

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Iakobo 5:11

Wâ bi, ate me ûnykûme hnödra hnahic adre me hokhnyok: öbun e hia but löng ge hokhnyok anyi Jobu, ke öbun e hia but wâ hna bi obiny Than, a gʼ ame seōn Than, kʼ ame betenge gan hmâ.

II. Peteru 3:15

Ke ûnykûme ju öbun a haba hok hnyok beû hmâ anyin Tuhöta me wale möt, helâ me hna sihnalimen köbun ga Paulo liamekeiny mʼ öta a oûnykûmita, hoton metâ adre ham kâu;

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.

I. Samuela 2:3

Ca he hmetu bi ka ha hofuc ae bi gan; Ke so ame ca gâ hofuc bi gan ûnyi hnyi je hnyimöbun; Anyin a Iehova, me e Khongon metâ, Ke e ame tuluto je hna ânyâ.