Isaia 30:13 - Iaai Bible 1901 (New Caledonia)

¹³ anyin a wale ame he hulo ang ka helâ me hmouca köbun, ame he ka ta, ae dua hnyi hna up veto ae beû goranyai, ame he ka ie bobot helâ me thuthubademak.

Isaia 30:13 ပူးပေါင်းရင်းမြစ်များ

I. Je Than 20:30

Ke ame kec dö je kolon Afeka ai ka hnyi taun; me ame ta takoû je kolon ge hak veto, a ödrin twente seven thauzan. Ke ame kec dö Ben-adada ka hnyi taun ka hnyeule eiö hnyin.

Jobu 36:18

Ke haba khaca, e hu hmonyin, wâ eâu, wâ adre nye he ka hum u ge hnâm hna sekunâ; Ke so ame ca he ûganiny hna omeli he ka osaûö u.

Salamo 62:3

Ke ne o but kehö öbun e he ka utut ha at, Mʼ öbun e he ka hlingâ e, wale öbun, hia, Helâ me hak veto ame ihnyöng, ke hak ae memeny?

Salamo 62:4

Adre me vhök ûhnenamö he ka hagutâ e ûnyi hnyi anyin so; Adre me senyinâ je thoi: Adre me haisoâ ge je hnyimödra, ke ûhangö bi eû hnyi hnyok. [Sela.

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

Ta je Vejec 6:15

Anyin a wale ame he ka ie o ûokonguny kâu; E ame he ka ie oamamâ but, ke ba eny.

Isaia 22:14

Ke haba Iehova tuhan sabaoth ame omamenâ ka hnyi li hnyikönyök, ka habe, E hnathu adre me ca he ka hna köbun hulo eang ke ne o but öbun e mokcu, ame ha Iehova tuhan sabaoth.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Isaia 29:5

Ke ame he ka ûcû me sesâ ame gâ ûganiny je iwahnaihmiony möu, ke ame he ka helâ me unen hwit ame oû ang ûseiny tavat ae hwege hnyimakodra: eke, e ame he ka ie o helâ me thuthubademak.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 47:11

Anyin a wale ame he ka o köu ûnyi ae kong, ke u me ca he ka wâ deny ame he ka o hnyin: ke ame he ka o köu ûokonguny ke ca khanö u he ka onua: ke ame he ka ie o köu hnaûhango ke ca khanö u bi.

Isaia 48:3

Oge me bok ka ha ta je hofuc kâû adrem: eke, ame he but ûnyi hnyi hnyimök, me oge me omanenâ: oge me ie ânyâ, me adre me ohwâdâ bi.

Isaia 58:12

Ke ame he ke je lahanâm ka op je dok ae ba wan kâû adrem: u me he ka otilâ je taben ta je dö ae se hia; ke adre me he ka hwenyi iâm, At ame op hmetu dok ae hmouca, me at ame ânyâwia je gethen mʼ adre me laba hnyin.

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Mataio 7:27

ke ame ta but we, me o but di, ke hwege but ang, me kot uma e; me ame û but: ke gan hmâ ûtainy uma e.

Luka 6:49

Ke haba at ame long, kʼ ame ca mâdrâ bi, me ûcû me at ame hötilö uma hon kânâ ke ba taben; ke ame patrutrua bi di kâu, me logot û but e; ke gan hmâ hnaûhango uma e.