Isaia 30:10 - Iaai Bible 1901 (New Caledonia)

¹⁰ tavat adre me ha ka tavat wâ, ka habe, Ca wâ ju; me ha ka ta je perofeta, ka habe, Ca omanenâ kohmun wisa, ha bi thö kohmun ûnyi ae menyik, perofeta thö tang iyawo:

Isaia 30:10 ပူးပေါင်းရင်းမြစ်များ

I. Je Than 21:20

Haba Ahaba ame ha kö Elia, ka habe, E, iwahnaihmiony mönya, u je ō nya bi? Haingen, ka habe, Oge hia but ō u: anyin a u je ûcû u bi he ka ânyâ hulö hnyi hnyimakö Iehova.

I. Je Than 22:27

me ha, ka habe, Walang hna ha hnen than, ka habe, Ip dö at ang hnyi uma ceat, me han ge aretoiny vec me köien vec, ke ne o but oge me o me hnahic.

II. Man Ûlabainy Je Than. 16:10

Me ame hmonyin Asa ka at wâ, me ip hnyi uma ceat; anyin a e ame hmonyin kâu can hofuc e. Ke Asa ame ovecâ keihen tavat hnyi ûen eling.

II. Man Ûlabainy Je Than. 25:16

Ke e ame tiga fuc kâu, me haingen than kâu, ka habe, Hawa, ohmun e hia but otilö u he ka hnyi hanen ûhnenamö anyin than? soju anyin a ieû adre me he ka hlingö u? Me haba perofeta ame um ju, me ha, ka habe, Oge me wâ but a Khong ame ûnykûme he ka ohiö u, can u je hia but ânyâ ûnyi eling, me ca long hnok hna nö u.

Jobu 41:3

E ame he ka osehia khöû köu? Kʼ ame he ka ha je hofuc ae menyik köu?

Isaia 28:15

Anyin a öbun e ha, ka habe, Öhmun e hia but ûhihinyköu me mok, ke öhmun e tha hien me hedis; e ka o thö okongon ae: bahihingölö, ame ca he ka o kohmun; anyin a öhmun e hia but wia thoi me hnân anyihmun hnabâ, ke öhmun e hia but ikhölö hmelen iyawo:

Isaia 29:10

Anyin a hia but Iehova hingâlâ hubun hanuiny mokut hnying, me ömûki öbun, wale ta je perofeta; ke ame tube je böbun, wale tavat wâ.

Isaia 5:20

Ekölö gadra adre me ha ûnyi ae kong, me so; ke haba so, me kong; me ip menekholom hnyi hnen lany, ke lany hnyi hnen menekholom; me ip hiny hnyi hnen hnebwia, ke hnebwia hnyi hnen hiny!

Jeremia 11:21

Anyin a wale, walang hna ha hnö Iehova ge aten Anathoth, tavat adre me elâm he ka hlingö u, ka habe, U me ca he ka perofeta hnyi iö Iehova, wâ u nye mok ut gahmun:

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 26:11

Me haba tavat bihut, me je perofeta, adre me ha ka je taben me tavat hia, ka habe, E ûcû but at ang he ka mok, anyin a e ame perofeta ûcon taun ang, helâ me hna long hnen je hnyikönyöbun.

Jeremia 29:27

Ke walang ang anyin a ieû u je ca thao Jeremia at Anathoth, at ame wia e bi hnân perofeta köbun,

Jeremia 36:29

Ke u me he ka ha ga Jehoiakama than Juda, ka habe, Walang hna ha hnö Iehova, ka habe, U je hia but thong tusi ang, haingâm, Anyin a ieû u je sihnalimen hnyin e, ka habe, Ame he ka o than Babulona me okongoâ hnyei ang, me ohia hnyin e at me meno?

Jeremia 38:4

Me ame ha je taben ka than, ka habe, E so adre me hlingâ but at ang; anyin a helâe e ame osenyinâ je hnyamen tavat vat a ta je kolon hnyi taun ang me tavat hia, hnyi hnen hna ha je hofuc helâe: anyin a haba at ang, e ame ca elâm he ka osoâ bi tavat ang, ke e ame okongoâ bi.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Amosa 2:12

Ke öbun e habelen je Nazeri ge waina, ke öbun e hûna ka je perofeta, ka habe, Ca he öbun ka perofeta.

Amosa 7:13

ke ca perofeta hmetu bi hnyi Beth-ela: anyin a dok e ae kap anyin than, ke hnyaban e than.

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Mika 2:6

Haingodra ka habe, Ca perofeta thö. Adre me ca he ka perofeta ka hnyat eling; ame ca he ka hia bi ta je hna haikongoâ.

Ioane 7:7

E ca khana bi hmeledrany he ka hûköti öbun; ke so bi ame hûkötiö nya, anyin a oge me ohnathoâ ae kong ta je huliwainy.

Ioane 8:45

Ke can anyin oge me ha hnathu, me öbun e ca labageju könya.

Ta je huliwa 4:17

Ke so bi me me ca lung igigiloâ bi ka aten hnyei, e so ate me he ka hûna wia ködru, he ka ca fuc hmetu bi ka ke at hnyi ien e.

Ta je huliwa 5:28

Ohmun e hûna wia köbun, mʼ öbun e ca he ka ûne hnyi ien e: ke wâ bi, öbun e ounöngötâ Jerusalema ge hnobun hna ûne, ke öbun e ûnykûme he ka jönihmun dren at e.

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

Galatia 4:16

Hawa, iny iwahnaihmiony mʼ öbun, anyin oge me ha hnathu köbun?

II. Timoteo 4:3

Anyin ame he ka o but ûen adre me ca he ka kap hna ûne hnân melen; ke so bi, adre me he ka ûkhöûnâ tavat he ka ûne kodra hoton ta je wedra ae monu, anyin ae hölök ta je hnyikönyödra;

II. Timoteo 4:4

ke adre me he ka wia ta je hnyikönyödra ûnyi hnyi hnathu, me saû but ka hnyi ta je vekhet.

Hna Omanenâ 11:7

Kʼ ödru ka hia but umo hnödru hna ohnatho, me ame he meno at ame o but ûnyi hnyin hmonop ae dit hmonyin ka vat mʼ ödru, me ton hudru, me hlingʼ ödru.

I. Samuela 9:9

(Haba ehac hnyi Isaraela, e ka he at ka hnö unyin Khong, e ame ha, ka habe, Otin e he ka he ka at ame wâ: anyin a haba perofeta walang ang, adre hwenyi ien ehac, ka habe, At ame Wâ.)