Isaia 30:1 - Iaai Bible 1901 (New Caledonia)

¹ EKÖLÖ ge tavat adre me ûkhin fuc, ame ha Iehova, tavat adre me elâm bongon, ke ca ûnyi bi gak; adre me tube hnen ûnyi hnân tube, ke ca ûnyi bi ge hanuk, mʼ adre me he ka bi hanen hulo ka hulo:

Isaia 30:1 ပူးပေါင်းရင်းမြစ်များ

II. Je Than 18:21

Wâ bi, u me bi cem ka uci hlowe ae hmetru, a Aigupito; ke e ka hlec hnyiban e ge at me ame he ka dâ oâ hnyamen: helâe Faroa than Aigupito ködrin hia adre me labageju kâu.

II. Je Than 18:24

Ke ieû gam me u me ohmeto ke taben vat ae ûhnyûkong hmonyin anyin tuhök, mʼ u me labageju ka Aigupito ge je kariota me tavat tabö hors?

Salamo 61:4

Oge me he ka laba hnyin umâm uma menâ nyiele balua: Oge me he ka lubaduöng hnyi hmenon li labenyâm. [Sela.

Isaia 1:2

Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 1:4

Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Isaia 28:15

Anyin a öbun e ha, ka habe, Öhmun e hia but ûhihinyköu me mok, ke öhmun e tha hien me hedis; e ka o thö okongon ae: bahihingölö, ame ca he ka o kohmun; anyin a öhmun e hia but wia thoi me hnân anyihmun hnabâ, ke öhmun e hia but ikhölö hmelen iyawo:

Isaia 28:20

Anyin ae okhulit hna mokut, me me ca khana bi at he ka hlöhlöu hnyin; ke ûhnyûkong aven kubö, me ca ûcû bi e ka tube e.

Isaia 29:15

Ekölö gadra tavat adre me elâm eû hnyin he ka ikhâlâ ga Iehova anyidra ta je ûhnenamö, ke e bi hnyi menekholom anyidra ta je huliwa, me ha, ka habe, Ia ame ō ʼta? ia ae khana öta?

Isaia 30:9

Anyin a ödra tavat ûkhin fuc, tavat thoi, tavat höcö long hnanyibu anyi Iehova:

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 4:5

Kʼ ame he Iehova ka op hnyi ta je hnyaban hia hnyi bucen Ziona, me hnyi je ûkhaca-köuiny e, ûlâ me hai hnyi lany, ke bâhlân meic ame ubâhlâ hnyi hnyinghet: anyin ame he ka hu ûnyi hnân tube hon hmanenang hia.

Isaia 5:18

Ekölö gadra adre me lelö monu ge je toiny thoi, ke lelö hulo ge toiny kat:

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Isaia 65:2

Oge hia but lau li hnyamok hnyi je bong hia ka tavat adre me ca ûling, waleji adre me vheno gethen ae ca so hoton je ûnykûmenödra bi;

Isaia 8:11

Anyin a walang hna ha hnö Iehova könya me man ae hwege, me nö nya mʼ inye ca he ka vheno gethen deny tavat ang, me ha, ka habe,

Isaia 8:12

Ca he öbun ka hnyi ha, ka habe, Ame sihnân, hnyi ta je ûnyi hia thithö ame he tavat ang, ka ha hnyin ka habe, Ame sihnân; ke haba khaca, ca ot bi helâ me iotidra, ke ca öbubuny bi.

Isaia 8:19

Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?

Jeremia 17:5

Walang hna ha hnö Iehova, ka habe, E ka mok at ama labageju ka at, me wia at me me hnân hnyamen, ke haba hnyekon ame hota degeci Iehova.

Jeremia 2:18

Ke walang ang ieû u me ânyâ hnyi gethen ûheny Aigupito, he ka ijem köiöiny Sihora? ke ieû u me ânyâ hnyi gethen ûheny Asuria, he ka ijem köiöiny Wagewe?

Jeremia 37:7

Walang hna ha hnö Iehova, Khongu Isaraela, ka habe, Ha thʼ öbu ka than Juda, at a kunʼ öbu könya ka hnei nya, ka habe, Wâ bi, haba utbavat anyi Farao tavat adre me o he ka hadruʼ öbun, adre me he ka hmetu Aigupito ai ka hnyi idra.

Jeremia 4:17

Adre me he ka tot igigilo e, helâ me tavat hmâkâ ta hnyei; anyin a e ame ûkhin fuc mönya, haingö Iehova.

Jeremia 42:19

A hia but Iehova ha gabun, je kolon hnyi Juda, ka habe, Ca he öbun Aigupito ai: wâhmakhmeto ju a oge me ha hwegiâ köbun hnyi bong ang.

Jeremia 5:23

Ke haba tavat ang e hu gadra hnyok ae ûjöng, me ûkhin fuc; adre me thu musi me he but.

Ezekiela 11:2

Ke e ame ha könya, ka habe, Nokon at lö, wale tavat adre me vak hulo, me ûhnenamö iyawi; hnyi taun ang:

Ezekiela 2:3

Ke e ame ha könya, ka habe, Nokon at lö, inya oge me kunö u ka lakon Isaraela, ka je hnyei adre me ûkhin fuc, waleji tavat adre me thu anyik musi: ödra me lakamödra adre hia but ânyâ hwakecin ae kong könya ke ne o but hnyi bong ang.

Ezekiela 24:3

Ke ha thö ûhöûcû ka lap ûkhin fuc, me ha kodra, ka habe, Walang hna ha hnen Than Iehova, ka habe, Ip ju öt hon meic, ip ju, ke hingölö köiö but minya ka hnyin:

Ezekiela 29:16

Ke ame ca he hmetu ka hnân labageju kâu hnen lap anyi Isaraela, hnân oûnykûmeâ je hulo, ödra ka hwio kodra: ke adre me he ka wâ a inya Iehova.

Ezekiela 3:9

Oge hia but wia barem me me helâ me samira ae hwege hon oût: ca ot bi gadra, ke ca öbubuny ge je hnyimakodra, anyin a lap ûkhin fuc.

Hosea 11:6

Me ame he ka nyikâ hele vat hnyi anyin je taun, me ohia je venyâiny, me ön ödra, can hnödra je hna ûhnenamö.

Hosea 13:2

Ke walang ang adre me kong tot, kʼ adre me ânyâ je idola hobi kodra adre me okoiâ ge anyidra sileva, a je idola hoton anyidra metâ, huliwa anyin at tretrao hia: kʼ adre me ha ge je ûnyi e, ka habe, E so ame he tavat adre me he ka hudo hut ka drem je nokon kau.

Hosea 7:13

Ekölö gadra! anyin adre hia but he monu gak; hangʼ ödra but! anyin adre hia but hanyâûâ gak: oge me beûcû melidra, ke adre me sit hofuc thoi bi gak.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Numera 32:14

Ke wâ bi, öbun e o biju hwaban lakamöbun, a hanen tavat ae kong, he ka ogânâ hmönyin ae gan anyi Iehova kö Isaraela.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Deuteronomi 29:19

ke e ka löng hofucin ûhangö eang, me e ame he ka hahnahicâ e bi hnyi hnyekon me ha, ka habe, Eja ke ne oge ne vheno weny hnyekuk, he ka bi hnen ûnyi ae kukuba ge ûnyi ae mada, me oge me he ka so but:

Deuteronomi 9:24

Öbun e hia but ûkhin fuc me Iehova hwân hnyi bong oge ibi iouny möbun hnyin.

Deuteronomi 9:7

Ûnykûme ju, me ca he ka hnying hi ge hnâm hna ohmönyini Iehova Khongom hnyi hnyebuba: hwân hnyi bong u je hna but hnyin hnyei Aigupito, ke ne o but iöbun ang, me öbun e labö ûkhin fuc me Iehova.

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

Josua 9:14

Me ame kop ödrin hnen tavat ge je kamejidrin, ke ödrin e ca hnö unyi Iehova.