Isaia 3:9 - Iaai Bible 1901 (New Caledonia)

⁹ Ame omanenʼ ödra hnen ta je hnyimakodra; ke adre me omanenâ anyidra hulo helâ me Sodoma, adre ca ikhâlâ bi. Ekölö ge hanudrin! anyin adre me hia but bi hwaban hulo kodra bi.

Isaia 3:9 ပူးပေါင်းရင်းမြစ်များ

Genese 13:13

Ke e kong at Sodoma, ke beönua anyidra monu hnyi hnyimakö Iehova.

Genese 19:34

Ke nyi, haingen atö ka wakeiat, ka habe, Wâ bi, et hnyinghet oge tha mokut me cica: ötu me he ka habelen hmetu aû ge waina hnyinghet; me u me he ka tha mokut më, me me hu mâtrânitu ûnyi ga cica.

Genese 4:5

kʼ ame ca oûnyihnathu Kaina me anyin hut. Me Kaina ame hmönyin gan hmâ, me khöt ut hnyimakan.

II. Je Than 9:30

Ke ame o but Jehu hnyi Jezerela, me haba Jezebela ame long; me e ame bi hnalimen li emakan, me omecâ ban, me selat hnyi mamalama.

Salamo 10:4

Haba at ae kong, ûnyi hnyi bi ganiny hnyimakan, ame ha, ka habe, E ame ca he ka elâm e. Ke haba hnen je hna ûnykûme hia, ka habe, E ba bi Khong.

Ta je Vejec 15:32

Haba at ame hmiân hna ûne me ame ka hmiân e bi: Ke haba at ame long hna nâ, me ame he ka hu ûne gan.

Ta je Vejec 30:13

E hu dö ae gorany hmonyin je emakodra, Ke ti gorany dö je bademaködra.

Ta je Vejec 8:36

Ke haba at ame haû bi gak, me e ame okongoâ hanon bi: Ke haba tavat adre me hûkötiö nya, me adre me hnyok mok.

Isaia 1:10

Öbun je taben hnyi Sodoma lö, long ju hofuc ho Iehova; at Gomora lö, tevehlong ju ka hnanyibu anyin Khonguta.

Isaia 3:16

Ke ame ha Iehova, ka habe, Can anyin ame hop wahluiny Ziona, kʼ adre me he me obeûâ je nyidra, ke iyawo li ecmak, ke he hop, ke ocuha je omakhmâiny cadra:

Isaia 57:20

Ke haba tavat ae kong, me ödra tha ûcû me köiö ame bwebwet; anyin ae ca khana he ka menâ, ke ame khûkhûâ goranyai hmudra me thatûnyi hnen je wakö-iöiny.

Isaia 59:12

Anyin ae se hia hnöhmun je hna hanyâûâ hnyi hnyimâkâm, ke ame hai öhmun anyihmun je hulo: anyin a e bi unyihmun hnöhmun je hna hanyâûâ, ke e khanʼ öhmun dut anyihmun ta je monu:

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Je tenge anyi Jeremi 5:16

Ame kolu but korona ûnyi hnyi hon ta je böhmun: Ekölö gahmun walang ang! anyin ae kong ut hwakecihmun.

Ezekiela 16:30

Nakaem ge sënyin hnyi hnyekom, haingen Than; Iehova, anyin u me ânyâ ta je ûnyi hia eling, huliwa anyin momo ae hwege hnyimen, at ame bi ûnyi monu;

Ezekiela 16:49

Wâ bi, walang hulo anyi Sodoma a liamekeiny möu; haba eû hnyin e me lakon wahlu, bi gan, me gan hmâ jeû, me laba monu me sot; ke e ame ca hadruâ je hna ovecâ me tavat theduoc.

Ezekiela 23:16

Ke e ame ō ʼdra me ie betenge kodra, me kunâ je ûthumetu kodra Kaledaia ai,

Daniela 7:20

ke hawa ge je faoinyʼ a ten hnyi ban, ke fao ame o kʼ ame ta ju kun ta faoiny hnyi hnyimakan; wale fao ae hu je ecmak, ke hnyem, at ame ha ta je ûnyi ae gan, ke gan hmâ unyin hon je lahanen.

Hosea 13:9

Isaraela lö, walang hna hangö u, a gʼ ame ve u mönya, at hadruo u.

Hosea 5:5

Ke haba bi gan anyin Isaraela ame ohnathoâ hnyi hnyimakan: anyin a wale ame he ka tha ta Isaraela me Eferaima hnyi anyidru hulo; kʼ ame he minya Juda ka ta unyidru.

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

Hna Omanenâ 11:8

Ke haba li unyidru ame mokut hnyi getheniny taun ae gan, haba ien hoton hanu, me Sodoma, me Aigupito, waleji adre osatauroâ hnyin Tuhödru.

I. Samuela 15:32

Me ame ha Samuela, ka habe, Hum Agaga thö jem könya, thaniny at Amaleka. Ke Agaga ame he hmecik kâu. Ke haingö Agaga E hnathu e hia but hinyin mok.