Isaia 3:5 - Iaai Bible 1901 (New Caledonia)

⁵ Ke ame he tavat ka ûöveciköu, ke at me ke at: ame he wanakat ka bi gan ka hingat, me hoûmonu ka je than.

Isaia 3:5 ပူးပေါင်းရင်းမြစ်များ

II. Je Than 2:23

Ke e ame he ûheny e Beth-ela ai; ke ame he eû hnyi gethen, me ame o je wainda ûnyi hnyi taun, me hluma e, me ha, ka habe, Hadroû, ölö thö; hadroû, ölö thö.

Isaia 1:4

Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Isaia 11:13

Ke ame he ka hia ciâ anyi Eferaima, ke adre me he ka subâ degecâ tavat adre me oveci Juda: ame ca he Eferaima ka ciâ ga Juda, kʼ ame ca he Juda ka oveci Eferaima.

Isaia 19:2

Ke oge me he ka obwebwelâ at Aigupito ka tot metâ bi ka at Aigupito; kʼ adre me he ka ve vat, a ke at me liamekeiny mē, ke ke at me at ame laba hakekeny kâu; ke ke taun me ke taun, ke ke dokhu me ke dokhu.

Isaia 9:18

Anyin a haba hwakecin ae kong ame han helâ me meic; ke ame an je iwadekong me watetaföcö: eke, e ame möt hnyi je nedronginy hnyot, ke adre me sâ khekhenyi goranyai hainy e.

Jeremia 22:17

Ke haba li emâkâm me hnyekom hobi kâu hnâm hna behnyekon, me he ka hingâlâ dra ae ba hnyikongon, me hobi kâu hna okongâo, me ûokonguny, me me ânyâ thö.

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Levitiko 19:32

U me he ka köûö hnyi hnyimakan at ae hûen ban, me ogânâ hnyimakan hingat, me u me he ka outen Khongom: Inya Iekova.

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Zakaria 11:6

Anyin oge me ca he hmetu ka betenge ge tavat adre me labâ hnyei, haingö Iehova: ke wâ bi oge me he ka ve hna tavat ka hnyi hnyamen je lahanödra, ke ka hnyi hnyamen tuhan: me adre me he ka kot hnyei, ke oge me ca he ka omeli ödra ûnyi hnyi je hnyamödrin.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Mataio 26:67

Me adre me hangöjâ hnyimakan me khaû e: ke haba keihen adre me kolop e,

Mareko 14:65

Ke haba keihen adre me hwân he ka hangöjâ e, me lan hnyimakan, me khaû e, me ha kâu, ka habe, Perofeta thö: ke haba ta je athnyaba adre me hom e me khaû.

Luka 22:64

Ke adre me tube li emakan, me hnö e, ka habe, Perofeta thö, ia khöû u?

Iakobo 2:6

Ke öbun e oûnyûkongo ta je theduoc. Hawa, ame ca okongu öbun hnen tavat tren omjeû, kʼ adre me lili öbun ka hnyi taben owisa?

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.