Isaia 3:24 - Iaai Bible 1901 (New Caledonia)

²⁴ Ke ame he ka hu bebong hwaban bo so; ke tö ae gan nân, hwaban wen hnyok; ke hadreû, hwaban hna theibâ ban; ke hnamöc a mano ae gan nân, hwaban ûkhaû ae laû; ke delâ, hwaban hmainy hnyimak.

Isaia 3:24 ပူးပေါင်းရင်းမြစ်များ

Esetera 2:12

Ke a o but ûen je hlu he ka ve he kö Asueru than, hwaban twelv ta tehi adre me ânyâ kâu hnyin hoton hnanyibu ge omomo, (anyin adre me ohwâdâ ta je bong bongon obosoi ödrin, a siks ta tehi ge wakaco muro, ke siks ta tehi ge je ûnyi ae bo so, me ke je ûnyi hnân obosoâ omomo,)

Jobu 16:15

Oge hia but tibet hon unyik mano ae gan nân, Ke oge hia but ip anyik faoiny meno eû hnyi kânâ.

Ta je Vejec 31:24

E momo ame tibet je ûkhaû lino me ûco Kʼ ame hna je wen hnyok ka at ûcû.

Ta je Vejec 7:17

Oge hia but hû hnok hna mokut Ge muro, me aloe, me kinamo.

Isaia 15:2

Me e ame ölö ka hnyi uma kap, me Dibona, ka hnyi je dok ae gorany he ka tenge: Moaba ame kuku tenge ge Nebo, me Medeba: ame hadreû je bödra hia, kʼ adre me sö degecâ je waidra hia thithö.

Isaia 15:3

Hnyi dedra je gethen adre me weikâ ecmano ae gan nân: ödra hia adre me kuku tenge, me tenge gan hmâ hon ban umödra je uma, ke hnyi je hnaudrâ.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Isaia 3:23

me je ong uselat, me je lino ae ûhnyûkong nân, me telenuiny ban, me je ûkhaû ae halelöû.

Isaia 4:4

e ka hia but Than hneû ikikiny wahluiny Ziona, me kot degecâ dren Jerusalema ûnyi hnyi wanben e hnen homenâiny owisa, me homenâiny kahwa.

Isaia 57:9

Ke u je hom wakaco ka than, me osehia ânyâm je ûnyi ae bo so, ke u je kunâ ânyâm je uthumetu sâkâû ai, me ohnyikânâi u bi ke ne o but hnyi hedis.

Jeremia 4:8

Can e, weikâ ju öbun mano ae gan nân, tenge thö me kuku; anyin ame ca hmetu gata hmonyin ae gan hmâ anyi Iehova.

Jeremia 48:37

Ke hadreû je hodra hia, ke adre giâ je waidra hia: e hu hwadeny hna kave hon je hnyam hia, ke ecmano ae gan nân hon je nyidra.

Jeremia 49:3

Kuku tenge thö, Hesebona, anyin ae kong ut Ai; hongot dö goranyai wahlu laku Raba, oweikʼ öbun ju ge ec mano ae gan nân: tenge thungaû thö, me he monu hnyi je hak; anyin ame he ka bâ Malekama, tha e me anyin tavat bihut, me anyin ta je taben.

Jeremia 6:26

Nokon ik hnyei a hlu lö, oweikö u ju ge mano ae gan nân, seset ju hnyi hnabadröu: tenge thungaû thö helâ me at ame tenge ge nokon a khaca, ame tenge thungaû hwege; anyin ame he ka ie o köta at sei.

Je tenge anyi Jeremi 2:10

Haba wahingatin hlu Ziona adre me laba hnyi kânâ, adre me hnyibû; Adre hia but konâm je bödra ge kânâ; adre hia but weikâ ecmano ae gan nân: Je wahluiny Jerusalema adre me nom hnyikânâi.

Ezekiela 27:31

ke adre me he ka ohadreûâ je bödra gam, me weikâ mano ae gan nân, me tenge me hnyok as vec gam, me tenge hwege.

Ezekiela 7:18

Adre me he minya ka weikâ ecmano ae gan nân, ke adre me he ka tubi ödra ge öbubuny: ke ame he ka hmehma ta je hnyimak hia, me hadreû hia ta je bödra.

Joela 1:8

Tenge thö, helâ me hlu ame weikâ ecmano ae gan nân can âiân hlu a e.

Levitiko 26:16

me oge me he bi nya ka ânyâ köbun eang; oge me he ka kunâ köbun ot, me delâ, me kahwa unyin, me me dit je emaköbun, me aû but unyibun; kʼ ame he ka ûnyi baû hnöbun hna cekön, anyin ame he ka han e hnen je iwahnaihmiony möbun.

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Mika 1:16

Ohia but leûnen bâm ke giâ bi; can lakom u me betenge gadrin: ogânâ but dok ae ba leûnen helâ me aeto; anyin adre me he but ka bâ ûhedra unyâm.

Deuteronomi 28:22

Ame he Iehova ka kuc u ge delâ, me kahwa unyin, me hngihngidra, me kahwainy meic, me hele vat, me meleca, me om; kʼ adre me he ka hnu u ke ne o but u me mokcu.

Deuteronomi 32:24

Adre me he ka delâ ge mekihnânem, me aû ge kahwainy unyidra, Me mok ae hiny; Ke oge me he ka kunâ ködra je meno ae ûhûlû, Me je oniny kânâ adre me mekiny.

I. Peteru 3:3

Haba theibibun, me so e me ca theibâ unyin, wale he ka hûle bät me theibâ gol, me khavâ je ûkhaû;

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.

Hna Omanenâ 16:9

Me ame hlâ tavat hnen kahwa ae gan: me adre me haikongoâ ien Khong wale at ae hu man hon ta je mok e; ke adre me ca ietra bi me he ka ogânâ e.

Hna Omanenâ 18:9

Ke ame he je thaniny hmeledrany tavat adre me bi ûnyi monu me tha senyin më ka tenge thungaû can ödrin ka wâ hainy hna thong e,