Isaia 3:19 - Iaai Bible 1901 (New Caledonia)

¹⁹ me je ûnyi adre ohima, me je waen, mē je ûnyi hnân tubi hnyimak;

Isaia 3:19 ပူးပေါင်းရင်းမြစ်များ

Genese 24:22

Ke a um dö ic je kamela, haba at ame hom otu gol haf sekel ihmakiny me li waen gol hobi kâu li hnyamen a libenyita ta sekel ihmakiny;

Genese 24:30

Ke e ame wâ otu, me li waen hnyi hnyamen haniny, kʼ ame löng ut ho Rebeka a haniny, ka habe, Ame ha helâe könya at; me e ame o ka at; ke wâ bi e ame tot unyin je kamela hnyi an.

Genese 24:53

Ke haba athnyaba ame hom ta je omjeû a sileva, me je omjeû a gol, me je ûkhaû, me ham kö Rebeka: e ame ham minya ta je ûnyi ae ûnyi hnathu hmönyin ka haniny, me hinyen.

Genese 35:4

Ke ödrin e ham kö Jekob ta je hnatheat kanyua hia unyidra, me je wen ûnyi hnyi ta je hnyikonyödrin; ke Jekob ame ikhâlâ je ûnyi e hmelen iwajo hnyi haten Sekema.

Genese 38:18

Ke haingen, ka habe, Ieû haten oge me he ka ham köu? Ke haingen, ka habe, Wale hnân ohmâ haten gam me nyingen, me uci hnyi hnyamâm. Me e ame ham kâu, me he kâu, me ame erkin dut.

Genese 38:25

Kʼ adre hia but hom momo, me e ame ûkhûnöng ka ha ka ûngon, ka habe, Oge erkin hnen at a anyin ta je ûnyi eang: ke haingen minya, ka habe, Wâhmakhmeto ju u, anyi ia ta je ûnyi eang, wale ûnyi hnân bi haten, me nyingen, me uci.

Esodo 32:2

Ke haingö Arona ködra, ka habe, Uny jut je anen hnyikönyen a gol hnyi je hnyikönyen laöiöbun me je lakubun baga me hlu, ke hö jem könya.

Esodo 32:3

Ke haba tavat hia adre me uny jut je anen hnyikönyen gol hnyi ta je hnyikönyidra me hom kö Arona.

Esodo 35:22

Kʼ adre o but, obaga me omomo, tavat hia adre me weny, me hom but ta je ohmâiny nyin ae mec, me je anen hnyikönyen, me je wen banyen hnân bi haten, me je waen, wale ta je hmanenanginy gol hia; haba tavat hia adre me bi bwihlany, me adre me ham ta je ûnyi a gol kö Iehova.

Isaia 3:18

Ke haba hnyi bong eling, me ame he than ka hûgûnâ je mecin je ohmakhnainy je cadra, me je boert, me je omjehedrin e ûcû me ong tehi;

Isaia 3:20

me je hnabecin, me je omjehen li cadra, me je wen hnyok, me je kaia hnân hnulâ, me je ong khong;

Ezekiela 16:11

Ke oge me otheibi u ge je omecin, me inâ li waen hnyi li benyâm, me ovekinyi u ge ong sacen.

Ezekiela 16:12

Ke oge me ip otru hnyi hnyingoiâm, me li theibiny hnyiköny hnyi li hnyikönyâm, me obicö u ge korona ae hmanenang.

Numera 31:50

Ke ohmun e hom jem hut kö Iehova, a je ûnyi ohmun e ve hûgûnâ, je hmanenanginy gol, je wen can, me je wen benyin, me je wen banyen, me je anen hnyikonyen, me ta je waen, hnân he ka bi hwaban anyihmun möt hnyi hnyimakö Iehova.