Isaia 3:14 - Iaai Bible 1901 (New Caledonia)

¹⁴ Ame he Iehova ka he me owisa ka wahingatiny lakeiny, me latuhödra; ka habe, Öbun e hia but an hia hnyei vine; ke eio hnyi umöbun je uma ta je ûnyi adre hûgûnâ ge tavat ae theduoc:

Isaia 3:14 ပူးပေါင်းရင်းမြစ်များ

Jobu 22:4

Hawa, e ame û u can hnâm hna outen, Me e ame tha he möu ka hnyi hna owisa?

Jobu 24:14

Ame vesâ hnyi hnyomakatu at ublingö, me hlingâ at ae theduoc me at ae ba omjeû; Ke haba hnyi hnyinghet e ûcû e me at venöu.

Jobu 24:9

E hu keihen tavat ödrin e hûgûnâ nakahme ûnyi hnyi ûlainy at, Me hom hnân haten ûnyi hnyi unyin at ae theduoc:

Jobu 34:23

Anyin ae ca ûnyi hnathu kâu he ka olo ûnykûme ka at, Me me he hnyi hnyimakan Khong he ka ûhnei.

Salamo 10:9

E ame laba hnyi dok ae nuong helâ me liona hnyi umen op: E ame mokut duöng he ka kât at adre ovecâ: E ame kât at adre ovecâ, me lelö e hnyi ûten ert.

Salamo 14:4

Hawa, e ba hnyekudra tavat hia adre ânyâ hulö? A tavat adre me an lakeik helâke me hna an jeû, Kʼ adre me ca hongot bi kö Iehova.

Salamo 143:2

Ke u me ca he ka ûhnei me athnyabaem; Anyin ae ba at ae möt ae wisa hnyi hnyimâkâm.

Ta je Vejec 30:14

E hu dö ke hele vat je nyudra, ke je hele vat je wehûlûsinaidra, He ka an tavat ae theduoc hnyi hnyei, ke tavat ae ba ta unyi unyin tavat.

Isaia 10:1

EKÖLÖ ge tavat adre me otilö hnanyibu ae ca wisa, me tavat adre me sihnalimen ûnyi ae hwali:

Isaia 10:2

he ka wia at ae theduoc hnyi hna owisa, me ohia wisa ûnyi ge lakeik adre me vec, mʼ adre me söh ta je safac, me hûgûnâ ta je ûnyi anyin tavat ae ba kamödra!

Isaia 11:4

ke e ame he ka owisa ka ta je theduoc hnyi hwakecin ae wisa, me nâ hnyi tulut ae ûcû ka tavat ae menyik eang hmeledrany: ke e ame he ka kot hmeledrany ge osöiny hnyimen, me hlingâ tavat ae kong ge homenâ ûnyi hnyi hnyimen.

Isaia 14:30

Ke ame he nokon a bân at ae theduoc ka han, kʼ ame he tavat ae ba ta ûnyi ka mokut khötkic: ke oge me he ka hlingâ ânyâm wân ge mekihnânem, ke adre me he ka hlingâ ânyâm je kolon.

Isaia 26:6

Kʼ adre me he ka ututo e ge ca; a je can tavat ae theduoc, a je can tavat ae ba ta ûnyi.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 30:12

Anyin a wale, walang hna ha hnen Kabi Isaraela, ka habe, Anyin a öbun e hna degecâ hofuc ang, me geju bi ka ûöveci me hwakecin ae hwali, me labageju kâu;

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Isaia 58:4

Wâ bi, öbun e ânyâ ca han mʼ öbun e he ka iwatretra me ivino, me ûkhulup ge hnyam adre vhec a hulo: kʼ öbun e ca ânyâ ca han hnyi bong ang mʼ adre me long ethö ifucibun.

Jeremia 12:10

Haba tavat tuö mamoe ae se hia, adre hia but ohia ik hnyei vine, adre hia but ututo jekhöûk, me wia jekhöûk ae kese hnân hnyebuba ae ba wan.

Jeremia 5:27

E unöngötö umödra je uma ge thoi, helâ me tangen ame unöngöt ge je meno ame gâ: anyin a wale ödra gan hmâ me tren omjeû.

Ezekiela 18:12

ke a hia but iyawâ at ae vec me at ae theduoc, ke hûgûnâ omjeû, ke ame ca ohmeto haten, ke ame hia but bwele göranyai ka je idola, me ânyâ ûnyi ae ikiki,

Ezekiela 20:35

ke oge me he ka hum öbun ka hnyebuba anyin je hnyei, me ivino eling möbun otin ka iohnyimak dö.

Ezekiela 20:36

Oge ivinö me lakamöbun hnyi hnyebubainy hnyei Aigupito, helâe oge me he minya ka ivinö möbun, haingen Than Iehova.

Levitiko 25:14

Ke u je ne ûûcûköu me at ame laba hakekenyi u, me ca he öbun ka ûkongunyköu:

Levitiko 25:17

Ca he öbun ka ûkongunyköu; ke so bi u me he ka outen Khongom: anyin a inya Iehova Khongubun.

Amosa 2:7

tavat adre me behnyekudra kânâ a e hon ban tavat ae theduoc, kʼ adre me wia gethen deny tavat ae menyik: kʼ ame he at me kamen unyin hlu a khaca, me okongoâ iök ae kap:

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Mika 2:1

EKÖLÖ ge tavat adre me ûnykûme monu, me ânyâ hulo hon hnödra je hna mokut, adre me ânyâ e hnyi haolany anyin ae metâ kodra.

Mika 2:2

Ke adre me behnyekudra ta hnyei me hûgûnâ; ke ta je uma, me hom bi: ke adre me ovecâ at me anyin lap, wale at me iny hnyei.

Mika 3:3

tavat adre me an minya unyin lakeik; kʼ adre me uja unen unyidra, ke thu je jeiödra: eke, adre me susubʼ ödra helâke me hnân öt, ke helâke me je uthmeno hnân öt ae gan.

Mika 6:10

Hawa, e bala bi tang omjeû a hwaban hulo eio hnyin uma umen at ae kong, ke efa ae hâhâ a ûnyi ae kong?

Mataio 21:33

Long ju ke ûhöûcû; Wale at tuhan uma ame belökö vine, me bi haginy igigilo, me hin thop hnân hlic vine, me otilâ tap ae beû goranyai, me hna ka tavat belök, me e ame he but ka hnyi ke hnyei bi.

Iakobo 2:6

Ke öbun e oûnyûkongo ta je theduoc. Hawa, ame ca okongu öbun hnen tavat tren omjeû, kʼ adre me lili öbun ka hnyi taben owisa?