Isaia 3:11 - Iaai Bible 1901 (New Caledonia)

¹¹ Ekölö ge at ae monu! ame he ka hu kong gan; anyin adre me he ka ham kâu hwaban li hnyamen.

Isaia 3:11 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

II. Samuela 3:39

Ke iny sēnyin dut hnyi bong ang, eja ke ne adre me hia but hû nya hnân than; ke ti hmak könya li at ang a li laku Zeriua: e so Iehova ame he ka bi hwaban ka at a ânyâ hwakecin ae kong hoton anyin bi monu.

I. Je Than 21:21

Wâ bi, oge me he ka oâ köu ûnyi ae kong, me aba degeci u, me subâ degecâ ga Ahaba je wainda hia, me at adre ca, me at ame he baû hnyi Isaraela:

II. Man Ûlabainy Je Than. 6:23

awe, ö u long ju hnyi drany, me ânyâ, me owisa ka lathnyabaem, me bi hwaban ka at ae kong, me oâ ka hnyi hon ban hwakecin ae kong; me owisa ka at ae wisa, me hna kâu hoton hwakecin ae wisa.

Jobu 10:15

Og ne at ae kong, ekölö gak! Ke oge ne at ae wisa hwakecin, me oge me ca he ka ogöranyâ bök; E gan hmâ anyik hmehma, Me oge me wâ anyik vec.

Salamo 28:4

Ham but kodra e ûcû me hwakecidra, me anyidra je huliwa ae kong: Ham but kodra hoton huliwa anyin li hnyamödra; Ke bi hwaban hwakecidra.

Salamo 62:12

Than lö, e unyâm thibi minya ibetengiö: Anyin a u je bi hwaban ka tavat hia e ûcû me anyidra huliwa.

Ta je Vejec 1:31

Anyin a wale adre me be ka an wan hwakecidra bi, Kʼ ame he ka sekudra hnen anyidra bi bihihwakecin.

Ta je Vejec 11:31

Wâ bi adre me he ka bi hwaban eang hmeledrany ka at ae wisa: Ke hawa bi ge at ae monu me at ae kong!

Ta je Vejec 12:14

Ame he at ka sekon ge so hnen wan hnyimen bi: Ke haba troban li hnyamen at, me ame he ka hmetu kâu.

Ta je Vejec 26:27

Haba at ame hiny thop me ame he ka ta kâû ka hnyin: Ke haba at tetebulo veto, me ame ka tetebulo hmetu bi kâu.

At Khet 8:13

ke ame ca he bi ka so at ae keng, kʼ adre me ca he ka osehia bongon je bong, ke helâ me hmenu; anyin a e ame ca ot hnyi hnyimakan Khong.

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 48:22

Haingö Iehova, ka habe, E ba hnahic ge tavat ae kong.

Isaia 65:20

Ame he ka ba hmetu inma adre me konâm hnyi je bong a tep thibi, ke hingat ae ca bekhot bongon je bong: anyin ame he wanakat ka mok a khaca haded ta je hunainy, ke haba at ae kong a khaca haded hunainy, me ame he bi ka hnaûhango.

Isaia 65:6

Wâ bi, a sihnalimen dut hnyi hnyimakök: oge me ca he ka laba hnyibû, ke oge me he ka bi hwaban, eke, oge me he ka bi hwaban ka hnyi je ûlaidra,

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Jeremia 21:14

Ke oge me he ka bi hwaban köbun, e ûcû me wan anybun ta je huliwa, haingö Iehova: ke oge me he ka hû meic hnyi je hnyeuten, ke e ame he ka an igigilo ehele.

Jeremia 31:30

Ke ame he ka ve mok tavat can hwakecidra ae kong; ke haba at ama ijem wan vine ae but, ame he bi ka miminy nyon.

Ezekiela 16:59

Anyin a walang hna ha hnen Than Iehova, ka habe, Oge me he bi nya ka ânyâ köu helâ me hnâm hna ânyâ, anyin a u je hûkotiâ hna khemanyin me thamuâ ûhihinyköu.

Ezekiela 18:20

Haba at ame ânyâ hulo, me ame he bi ka mok; kʼ adre me ca he ka bi hwaban hulo auyin kamen ka nokon, kʼ adre me ca he ka bi hwaban hulo anyin nokon ka kamen; ke haba hwakecin ae wisa anyin at ae wisa me ame ka he bi ka mokut hon, ke haba hwakecin ae kong anyin at ae kong me ame he bi ka mokut hon.

Ezekiela 2:10

ke e ame ulolo e hnyi hnyimakök; ke adre me tha sihnalimen li ke keihen: ke adre me sihnalimen hnyin e tenge, ke tenge thungaû, ke vec hnyok.

Ezekiela 24:14

Inya Iehova at ame ha: ame he ka o, ke inya oge me he ka ânyâ; oge me ca he ka hmetu, ke oge me ca he ka betenge, ke oge me ca he ka ietra; adre me he ka bi hwaban köu hoton dem je gethen, ke hnâm je hna ânyâ, haingen Than Iehova.

Ezekiela 33:8

Iny ka ha ka at ae kong, ka habe, At ae kong lö, u me he ka mok, ke u me ca he bi ka fuc me koû ka at ae kong hnyi deny gethen; awe, ame he at eling ae kong ka mekiny hwakecin ae kong, ke oge me he bi nya ka elâm dren gam.

Mika 3:4

Me adre me he ka tenge kö Iehova, ke e ame ca he ka thu kodra; eke, e ame he ka ikhâlâ hnyimakan gadra hnyi ûen eling, hoton ûkonginy anyidra ta je huliwa.

Mika 7:13

Ke ame be ka ba wan hnyei can hulo anyin tavat adre me labâ e, me wale troban anyidra ta je huliwa.

Numera 32:23

Ke öbun e ne ca ânyâ e, me wâ bi, öbun tavat hulö kö Iehova: ke wâhmakhmeto ju öbun, a gʼ ame he ka omanenʼ öbun ge anyibun hulö.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Owisa 9:57

ke haba ta je hulö hia thithö anyin tavat Sekema, me, Khong ame bi hwaban ka hnyi je bödrin: me ame hwâdâ ködrin hnaûhango hnö Jo tha m nöku Jerubaala.