Isaia 3:10 - Iaai Bible 1901 (New Caledonia)

¹⁰ Ha thö ka at ae wisa hwakeciu, ka habe, ame he ka hu so gan; anyin adre me he ka an wan anyidra huliwa.

Isaia 3:10 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Salamo 58:11

Me me be bi tavat ka ha, ka habe, E hnathu e hu troban hobi kâu at ae wisa: E hnathu e hu Khong at ame owisa eang hmeledrany.

Esodo 1:20

Ke Khong ame ohnahicâ li at tuö erkin: kʼ ame dudu but tavat, me ti se hia hmönyin.

Ta je Vejec 10:6

Ame laba je hnahic hon ban at ae wisa: Ke haba hnyimen at ae kong ame ikhâlâ ûkongun.

Ta je Vejec 12:14

Ame he at ka sekon ge so hnen wan hnyimen bi: Ke haba troban li hnyamen at, me ame he ka hmetu kâu.

Ta je Vejec 13:21

Ame he hulo ka he hoton tavat ae kong: Ke adre me he ka bi hwaban so ka tavat ae wisa.

Ta je Vejec 18:21

Haba mok me möt, me ame muso hnen bohmen; Ke haba tavat adre me betenge gan, me adre me he ka an wan.

At Khet 8:12

Eja ke ne a ne khaca haded hna ânyâ hulo hnen at ae kong, kʼ adre osehia bongon je bong, ke so bi, oge me wâ but a gʼ ame he ka so ka tavat adre me outen Khong, a tavat ot hnyi hnyimakan:

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Jeremia 15:11

Haingö Iehova, ka habe, E hnathu, oge me he ka sihwegiö u hnyi so; e hnathu, oge me he ka kunâ iwahnaihmiony he ka khöû köu hnyi ûen ae kong me ûen ae vec.

Jeremia 21:14

Ke oge me he ka bi hwaban köbun, e ûcû me wan anybun ta je huliwa, haingö Iehova: ke oge me he ka hû meic hnyi je hnyeuten, ke e ame he ka an igigilo ehele.

Jeremia 22:15

Hawa, u me he ka musi, anyin a u me bebeönua hnyi arasi? hawa, a ca han kâmâm, me ic, me ânyâ wisa, me ûnyi ae ûcû? me e ame so but.

Jeremia 7:23

ke wale bi ang ûnyi oge hûna kodra, ka habe, Long ju öbun hok hofuc, ke oge me he ka Khongubun, ke Öbun e he ka lakeik: ke tha vheno thʼ öbun gethen oge hûna, mʼ öbun e so.

Ezekiela 18:20

Haba at ame ânyâ hulo, me ame he bi ka mok; kʼ adre me ca he ka bi hwaban hulo auyin kamen ka nokon, kʼ adre me ca he ka bi hwaban hulo anyin nokon ka kamen; ke haba hwakecin ae wisa anyin at ae wisa me ame ka he bi ka mokut hon, ke haba hwakecin ae kong anyin at ae kong me ame he bi ka mokut hon.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Mika 7:13

Ke ame be ka ba wan hnyei can hulo anyin tavat adre me labâ e, me wale troban anyidra ta je huliwa.

Zefania 2:3

Elöm Iehova thʼ öbun hia tavat ae ilemuk hnyi hnyei, tavat adre ânyâ hnen hna owisa; elâm dö hwakecin ae wisa, elâm dö menyik: adre me ne he ka ikhölʼ öbun hnyi bonginy hmonyin anyi Iehova.

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Luka 19:19

Ke e ame ha minya kâu, ka habe, Muso minya ju je taun a thabûng.

Deuteronomi 12:25

U me ca he ka ban e; mʼ u me so bi, me lakom hwabâm, u ka ânyâ wisa hnyi hnyimakö Iehova.

Heberu 6:10

anyin a ca hwakecin ae ca wisa Khong, me me he ka hnying anyibun huliwa, me ibetengiö öbun e omanenâ ka hnyi ien, wale hnyi hnobun hna bi athnyabainy wakap, me labö bi athnyabaidra.