Isaia 28:3 - Iaai Bible 1901 (New Caledonia)

³ Adre me he ka ututo ge ta je hnyeûca koronainy biganiny tavat adre me monu ge grâg hnyi Eferaima:

Isaia 28:3 ပူးပေါင်းရင်းမြစ်များ

II. Je Than 9:33

Me e ame ha, ka habe, Khûâ but momo hnyikânâi. Me ödrin e khûâ hnyikânâi, me ame fifile thö dren ka hnyi hon haginy veto, me hon je hors: me e ame uto momo ge li can.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 26:6

Kʼ adre me he ka ututo e ge ca; a je can tavat ae theduoc, a je can tavat ae ba ta ûnyi.

Isaia 28:1

EKÖLÖ ge koronainy bigan anyin tavat adre me monu ge grâg hnyi hnyei Eferaima, me vongon ame meleca ge hmainy ae hmanenang, wale hnyi ban hnyigöulen bucen ae pipikhenya anyin tavat adre me ngâ ge waina.

Isaia 28:18

Ke ame he ka ûnyi baû hnobun hna ûhihinyköu me mok, kʼ ame ca he ka tethmâ hnobun hna tha hien me hedis; ke e ka o thö okongon ae bahihingölö, me adre me he ka utiti öbun.

Isaia 5:11

Ekölö ge tavat adre me vesâkong hnyi hnyomakatu he ka hnu hoton grâg; ke adre me laba ke ne o but hnyi hnyinghet mʼ adre me monu ge waina!

Isaia 63:3

Inya oge hia but hake hlic vine; ke ba at unyik ûnyi hnyi ta je hnyei: eke, oge me hlic ödra hnyi anyik hmonyin, ke ututi ödra hnyi anyik wathethot; me ame kong anyik je ûkhaû ge drödra, ke oge hia but okongoâ hia anyik ûkhaû.

Isaia 9:9

Ke ame he ka khana hnen tavat hia, wale Eferaima, me tavat adre me laba hnyi Samaria, tavat adre me ha ge hnyok bi gan me begörany, ka habe,

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Daniela 8:13

Ke inya oge me löng ke at ae kap ame fuc; ke ame fuc minya ke at ae kap ka at eji a bân ka fuc, ka habe, Ke ne o but kehö hna omanenâ ge hudiny leû adre me hudo bala, ke hna hanyâûâ wale at ame öba wan, a gʼ adre hna dok ae kap me utbavat minya, mʼ adre me uto ju?

Heberu 10:29

hawa, öbun e ûnykûme ae ca ûcû bi hwaban ae gan hmâ hon e ka at ame uto hnyikânâi Nokon Khong, me ûnykûme a ûnyi ae ca kap dren ûhihinyköu hnân okabâ e, me okongoâ Hanon ibetengiö baû?

Hna Omanenâ 11:2

Ke haba hnyeule hoton uma kap, hnen ju, ca ke ka tuluto; anyin adre hia but ham e ka ta je hnyei: ke adre me he ka uto taun ae kap hnyi ta je tehi a fâte tu.