Isaia 28:16 - Iaai Bible 1901 (New Caledonia)

¹⁶ anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Isaia 28:16 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Genese 49:24

Ke hwege balua anyin cafana, Kʼ adre ohwegiâ li hnyamen me li benyin, Unyi ge li hnyamen thani Jekob, (Ûheny e at tuö mamoe, wale veto anyi Isaraela,)

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

Salamo 118:22

Haba veto waleji a degec hnen tavat up uma, Wale thibi e hnân ban bahebet.

Salamo 87:1

ETHÖ hnyi je bucen ae kap taben.

Isaia 14:32

Ke ieû hnân thu ka je ûthumetuiny je hnyei? ame ha, ka habe, A hia but Iehova bi taben Ziona, ke ame he ta je aten adre me vec ka lubaduöng hnyin e.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 54:11

At ae vec lö, a tûâ weneû, ke adre ca otubwelâ, wâ bi, oge me he ka ohmâ ânyâm je veto hnyi je ve makan, me bi tabâm ge je safairo.

Daniela 2:45

Anyin a u je wâ a gʼ adre sö veto ûnyi hnyi bucen, ke ca hnen hnyam, me e ame kot omomono fao, me bras, me kânâ ae kece, me sileva, me gol; haba Khong ae gan ame omanenâ ka than ta je ûnyi ame he ka o nyiele: ke e hnathu bwi, ke hmâ bi hna ha bongon.

Zakaria 10:4

Ame he ka o ûnyi gan veto hnân kopiny, ke ûnyi gan minya matalafi, me cafanainy vat, ûnyi gan ame he tavat musi hia.

Zakaria 3:9

Anyin a wâ bi veto oge hia but ip hnyi hnyimakö Josua; seven je ecmak hnyi veto a khaca: wâ bi oge me he ka kave hna kave e, haingö Iehova tuhan sabaoth, ke oge me he ka ohia hulöiny hnyei eling hnyi bong a khaca.

Mataio 21:42

Haba Iesu ame ha ködrin, ka habe, Öbun e ca aû hna sihnalimen, ka habe, Haba veto ame degec hnen tavat bi uma, Me adre me ânyâ me hnân ban kopiny: Ûnyi ge Than eling, Ke ate me wâ me lâiâ?

Mareko 12:10

Öbun e ca munyi aû hna sihnalimen, ka habe, Haba veto ame degec ge tavat bi uma, Me adre hia but ânyâ eling me hnân kopiny bahebet:

Roma 10:11

Anyin a haingen hna sihnalimen, ka habe, Ame ca he ka hmehma at ame labageju kâu.

Roma 9:33

helâ me hna sihnalimen, ka habe, Wâ bi, inya oge me ip hnyi Ziona veto hnân othöâ me kic hnân öüo: Ke ame ca he bi ka hmehma at ame labageju kâu.

I. Korinito 3:11

Anyin ae ca khana bi ke at he ka ip hmetu ke taben, ke so bi hnödra hna ip, wale Iesu Keriso.

Efeso 2:20

ke adre me up öbun hon taben ta je aposetolo me ta je perofeta, ke haba vetoiny ban kopiny, me Iesu Keriso;

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.