Isaia 28:12 - Iaai Bible 1901 (New Caledonia)

¹² walegi e ame ha kodra, ka habe, Walang hna menâ, omenâ ju at ae sēnyin; ke walang hnahic: ke so bi ödra höcö bi long.

Isaia 28:12 ပူးပေါင်းရင်းမြစ်များ

II. Man Ûlabainy Je Than. 14:11

Haba Asa ame tenge kö Iehova Khongon me ha, ka habe, Iehova lö, e ba at ke u thibi he ka hadruâ, wanben at ae hwege, me at ae ba maniny: Iehova lö, Khonguhmun, hadruʼ ohmun; anyin ohmun e labageju köu, ke ûnyi hnyi iâm ohmun e hia but o ka tavat ang ae se. Iehova lö, u thibi Khonguhmun; e so e ca he at ka hwege hom.

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 29:12

ke adre ham tusi ka at ae ca khana tusi, me ha, ka habe, Öu aû thö ang: ke haingen, ka habe, E ca khanö nya tusi.

Isaia 30:15

Anyin a walang hna ha hnen Than Iehova, Kabi Isaraela, ka habe, Adre me he ka omeli öbun, öbun ka hmetu me menâ; ke haba tang hwegiöbun, me ame he ka e bi hnyi labawia me labageju: ke so bi e ca webun.

Isaia 32:17

Ke haba troban hwakecin ae wisa, wale ûsoköu, ke haba obiny hwakecin ae wisa wale laba hnahic me laba khötkic nyiele balua.

Isaia 32:18

Ke ame he lakeik ka laba hnyi dok ae ûsoköu, me je uma adre me laba khötkic hnyin, me je hna menâ wale je dok adre me laba wia hnyin.

Jeremia 44:16

Haba hofuc u je hia but ha kohmun hnyi iö Iehova, ohmun e ca he ka löng köu.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Zakaria 7:11

Ke ödra höcö long, me behânâ bajebenyidra, kʼ adre me hlöng je hnyikönyödra, mʼ adre me ca long bi.

Zakaria 7:14

ke oge me he ka ovesei ödra ge höu ka hnyi je hnyei hia waleji ae ca khanʼ ödra. Me ba wan hnyei hwabödra, ke ba at ame he ehele me hmetu: anyin adre me öba wan hnyei ae hmanenang.

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany: