Isaia 28:1 - Iaai Bible 1901 (New Caledonia)

¹ EKÖLÖ ge koronainy bigan anyin tavat adre me monu ge grâg hnyi hnyei Eferaima, me vongon ame meleca ge hmainy ae hmanenang, wale hnyi ban hnyigöulen bucen ae pipikhenya anyin tavat adre me ngâ ge waina.

Isaia 28:1 ပူးပေါင်းရင်းမြစ်များ

II. Je Than 15:29

Ke haba hnyi je bong bongu Peka than Isaraela ame o but Tigelathe-pilesera than Asuria, me hûgûnâ Ijon, me Abela-bethemaka, me Janoa, me Kadesi, me Hazora, me Gileada, me Galilaia, hnyei hia Nafatali; me e ame hum ödrin hia a je hwenbâ Asuria ai.

II. Man Ûlabainy Je Than. 28:6

Anyin a haba Peka nöku Remalia ame hlingâ hnyi Juda tavat a wan haded ke twente thauzan hnyi bong a khaca, ödrin hnyat ae hwege hia; anyin a ödrin e hia but hna degeci Jehova Khongon lakamödrin.

Ta je Vejec 23:29

Ie at ame hloûhloû? ie at ame vec? ie at ame iwatretra? Ie at ame fufuc? ie at ame aat baû? Ie at ae hngihngidra li emakan?

Isaia 28:7

Ke a hia but minya tavat ang he hwali ge waina, me he monu ge grâg; ame he hwali at bi hut me perofeta ge grâg, ame utʼ ödra ge waina, ke adre me he monu ge grâg; adre me haû hnyi hnödra hna wâ, me ta tot hnyi hna owisa.

Isaia 5:11

Ekölö ge tavat adre me vesâkong hnyi hnyomakatu he ka hnu hoton grâg; ke adre me laba ke ne o but hnyi hnyinghet mʼ adre me monu ge waina!

Isaia 5:22

Ekölö ge tavat a ödra hwege ka ic waina, me tavat hwege he ka ûhaniken tap grâg:

Isaia 8:4

Anyin ae ka tiga ca khana wanakat he ka ha, ka habe, Cica ke bai, me adre me he ka hom je omjeûiny Damaseko me je hna söh hnyi Samaria hnyi hnyimakan than Asuria.

Isaia 9:11

Anyin a wale ame he Iehova ka otilâ gorany kâu je iwahnaihmiony me Rezina, me obwebwelâ anyin je iwahnaihmiony;

Isaia 9:8

Than ame kunâ hofuc kö Jekob, ke ame bi bi hon Isaraela.

Isaia 9:9

Ke ame he ka khana hnen tavat hia, wale Eferaima, me tavat adre me laba hnyi Samaria, tavat adre me ha ge hnyok bi gan me begörany, ka habe,

Hosea 4:11

Haba ûnyi ame hûgûnâ hnyok, me wale bi ûnyi monu, ke waina, ke waina ae teb ûnyi.

Hosea 5:5

Ke haba bi gan anyin Isaraela ame ohnathoâ hnyi hnyimakan: anyin a wale ame he ka tha ta Isaraela me Eferaima hnyi anyidru hulo; kʼ ame he minya Juda ka ta unyidru.

Hosea 5:9

Ame he ka ba wan Eferaima hnyi bong û: oge hia but omanenâ ka je tribuiny Isaraela ûnyi ame he ka o.

Hosea 6:10

Oge hia but wâ hnyi lap anyi Isaraela ûnyi ae ti kong hmonyin; wale bi ûnyi monu anyi Eferaima, ke kong minya but Isaraela.

Hosea 7:5

Ke haba hnyi bong bongon tuhöta ame mok je taben ge ûkahwâiny waina; e ame ûkhöû hnyam me tavat ûhiö.

Levitiko 26:19

Ke oge me he ka thu biganiny manibun man, ke oge me he ka wia anyibun drany me me helâ, me fao, me könöbun kânâ me me helâ me bras:

Amosa 2:12

Ke öbun e habelen je Nazeri ge waina, ke öbun e hûna ka je perofeta, ka habe, Ca he öbun ka perofeta.

Amosa 2:8

ke adre me mokulec je ûkhaû adre me ham hnân haten, hnyi hmelen ta je taben hut hia, kʼ adre me ijem waina anyin tavat adre me takoû ge hnanyibu hnyi uma umen Khongudrin.

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Amosa 6:1

EKÖLÖ ge tavat adre me laba wia hnyi Ziona, me tavat adre me laba khotkic hnyi je buceniny Samaria, je at hnathu hnyi je hnyei ae beonuâ, wale ame he ködrin lap anyi Isaraela!

Amosa 6:4

tavat adre me mokut hon je hna mokut a nyon elefan, me hlöhlöu hon hnöjra je ong hna mokut, tavat adre me an lakon je hnahat mamoe, me lakon kau ûnyi hnyi hnyin uma;

Amosa 6:6

tavat adre me ijem waina ûnyi hnyi je utkaia, kʼ adre me ka sûâ wakaco ae so; ke adre me ca hmak bi ge vec anyin Josefa.

Amosa 6:8

A hia but Than Iehova khemanyin ame ka ha gan bi, me haingo Iehova Khongon sabaoth, ka habe, Oge me höcö ge beönuâ anyin Jekob, me hûkotiâ je uma umen tuhan: anyin a wale oge me he bi nya ka hna taun me onyen.