Isaia 27:9 - Iaai Bible 1901 (New Caledonia)

⁹ Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Isaia 27:9 ပူးပေါင်းရင်းမြစ်များ

II. Je Than 10:26

Ke ödrin e hom kâû je veto ame tot ûnyi hnyi uma umö Baala, me le degecâ e.

II. Je Than 23:14

Ke e ame kot omomono je veto ame tot, me sö degecâ je Aseira, me ounöngötâ hnödrin je hna tot hnyin ge je jeien je komok.

II. Je Than 25:9

me e ame thong degecâ uma umo Iehova, me uma umen than; me je uma hia hnyi Jerusalema, wale je uma ae gan, e ame thong degecâ ge meic.

II. Man Ûlabainy Je Than. 14:5

Ke e ame ohia minya je dok ae gorany me je hna theati seûno ûnyi hnyi je tauniny Juda: ke ame laba wia dokhu hnyi hnyimakan.

II. Man Ûlabainy Je Than. 34:4

Ke ödrin e thö degecâ hnyi hnyimakan je taben hut anyi Baala; ke e ame sö degecâ je hna theati seûno ethö hudrin; ke e ame oamamâ je Aseira, me je hnatheat adre kave, me hna oköiâ, me omomono, me khûâ ka hnyi hon je erkemok anyin tavat bihut ködrin.

II. Man Ûlabainy Je Than. 36:19

Me ödrin e thong degecâ uma umen Khong, me thö degecâ hak veto hnyi Jerusalema, me thong degecâ ge meic je uma umen than, me okongoâ hia je kaiainy ae so.

Salamo 119:67

Oge me he monu waleji hnyi ûen a iny tiga ca vec; Ke walang ang inya oge me vheno hwâm hofuc.

Salamo 119:71

E hu soik ûnyi hnyi hna oveci nya; Me inye he ka nâ ânyâm ta je hnanyibu.

Esodo 34:13

ke so bi öbun e he ka thö anyidra je taben hut, me sa omomono anyidra je veto ame tot, me sö degecâ anyidra je Aseira:

Ta je Vejec 20:30

Adre me hneû degecâ hulo ge je hna kot ame aatâ: Kʼ ame dit ka hnyi hnyin hnyok ta je hna kot.

Isaia 1:29

Ke adre me he ka hmehma ge je iwajo öbun e weny, ke öbun e he ka monumonu can ta hnyei öbun e ûca.

Isaia 17:8

Ke e ame ca he ka bwela ka hnyi ta je taben hut, huliwa anyin li hnyamen, ke ame ca he ka wâ ta je ûnyi a ânyâ hnen je banyen, je Aseira, me je hna theati seûno.

Isaia 30:22

Ke öbun e he ka oikikiâ sileva tubwiny anyibun je hnatheat, me gol adre okoiâ hmanenanginy anyibun je idola: u me he ka degec helâ me ecmano ae ikiki; u me he ka ha kâu, ka habe, Kec dö u.

Isaia 4:4

e ka hia but Than hneû ikikiny wahluiny Ziona, me kot degecâ dren Jerusalema ûnyi hnyi wanben e hnen homenâiny owisa, me homenâiny kahwa.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 48:10

Wâ bi, oge hia but cubic u, ke ca helâ me sileva; oge ûco u hnyi hna meicin seda.

Ezekiela 11:18

Ke adre me he ka he kâe, me degec e je ûnyi ae ikiki me kong hia.

Ezekiela 20:38

ke oge me he ka kot degecâ tavat ûkhin fuc unyibun, me tavat ae kong hwakecidra könya; oge me he ka lili ödra ûnyi hnyi hnyei adre me me laba hnyin, ke adre me ca he bi ka dit ka hnyi hnyei Isaraela: ke öbun e he ka wâ a inya Iehova.

Ezekiela 6:4

Ke ame he ka ba onyen anyibun je taben hut, kʼ adre me he ka thu anyibun je hna theati seûno; ke oge me he ka ota tavat adre hlingâ unyibun hnyi hnyimakan anyibun je idola.

Daniela 11:35

Ke ame he keihen tavat ae metâ ka ta, madre me cubic ödra, me ânyâwia, me ohawâ, ke ne o but ûen obiny: anyin ame he ka e hnyi ûen adre thu.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Levitiko 26:30

Ke oge me he ka ohia anyibun je dok ae görany, me subâ degecâ hnöbun hna theati seûnö, me khûâ degecâ je unyibun a mokcu ka hnyi hon anyibun je idola ae mok; ke oge me he ka hûköti öbun.

Mika 5:11

ke oge me he ka subâ degecâ je taun hnyi em hnyei, me hagutâ ânyâm je hnabâ hia:

Zakaria 13:2

Ke hnyi bong eling haingö Iehova tuhan sabaoth, me oge me he ka ohia ta je ien je idola hnyi hnyei, mʼ adre me ca he hmetu ka ûnykûme ködrin: ke haba khaca oge me he ka obâ ta je perofeta me ta je hanu ae ikiki hnyi hnyei.

Roma 11:27

Ke wale hnok hna ûhihinyköu mödra, Iny ka he ka hom degecâ anyidra hulo.

I. Korinito 11:32

Ke at ka owisʼ öta, me ame kuc öta Than, mʼ ate me ca tha hnaûhango bi me hmeledrany.

Deuteronomi 12:3

ke öbun e he ka kia anyidra je taben hut, me khûâ oamemâ anyidra je veto ame tot, me thong degecâ anyidra je Aseira ge meic; ke öbun e he ka sö degecâ je hnatheatiny anyidra je khong; ke öbun e he ka ohia je iödra ûnyi hnyi dok eling.

Heberu 12:6

Anyin a haba at ame hnyokâ hnen Than, me e ame nâ, Ke e ame osöâ lakon e ame kap.