Isaia 27:3 - Iaai Bible 1901 (New Caledonia)

³ Inya Iehova at ame tuö e; oge me he ka labö hû e hnyi je ong ûen hia, oge me he ka tuö e hnyi lit me lany, wâ e nye okongoâ e hnen ke at.

Isaia 27:3 ပူးပေါင်းရင်းမြစ်များ

Genese 6:17

Ke wâ bi, inya oge me he ka oûkhutukhavâ hmeledrany ge uoû, me me he ka ohia unyin hia ae hu hnyin homenâiny möt ûnyi eang hmelen; kʼ ame he ka mokcu ta je ûnyi hia thithö eang hmelen.

Genese 9:9

Wâ bi, inya oge me otilâ anyik ûhihinyköu möbun, me je mâtrân hwaböbun,

I. Je Than 8:59

E na hakekenyâ ju Iehova Khonguta hok ta je hofuc ang, wale oge me sumâtâ hnyi hnyimakö Iehova, hnyi lany me lit, me me he ka owisa ka athnyabainy, me lakeiny a Isaraela, ûnyi ae ûcû hnyi ke bong me ke bong:

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Salamo 46:5

E but Khong hnyi wanben e; kʼ ame ca he ka bwebwet: Ame ie he Khong ka hadruâ e, wale hnyi okubelit.

Isaia 31:5

Haba je meno adre me gâ, me helâe ame he Iehova tuhan sabaoth ka tuö Jerusalema; e ame he ka tuö, me hna e, kʼ ame he ka he me omelo e.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 46:4

ke inya thibi e, ke ne o but öbun e hingat ut, ke oge me he ka kap tilʼ öbun ke ne o but öbun e hûen dut: oge hia but op me oge me he ka kap; eke, oge me he ka kap me omelo.

Isaia 46:9

Ûnykûme ju ta je ûnyi waleji a bân: anyin a inya Khong, ke ba minya ju; inya Khong, ke ba at ae ûcû mönya;

Isaia 49:8

Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Isaia 5:6

ke oge me he ka oûnyibauâ e; ke adre me ca he ka ânyâwia me jien; ke ame he ka kû hnyin e je iwadekong me watetaföcö: ke oge me he ka hûna ka je ûlâ me me ca he ka ta we kâu.

Isaia 58:11

ke ame he bala bi Iehova ka su u, me osekuni u hnyi je dok ae atgec, me ohwegiâ je jeien unyâm; ke u me he ka helâ me hna belök adre hû, ke helâ me an ame ca hme bi köien.

Isaia 60:16

Ke u me he ka he minya ke ijem debainy ta je hnyei, ke ijem je basin ta je than: ke ame he ka khanö u a inya Iehova at ame omeli u, ke at ame ûcû melâm, Mani Jekob.

Ezekiela 34:11

Ke walang hna ha hnen Than Iehova, ka habe, Wâ bi, hamök he ka elâm hnok hnahat mamoe me elelâm.

Ezekiela 34:24

Ke inya Iehova Khongudrin, ke Davita athnyabaik tuhödra; inya Iehova at ame ha.

Ezekiela 37:14

Ke oge me he ka ip hanûk eû hnyi hnyibun, ke öbun e he ka möt, ke oge me he ka ip öbun hnyi ibun hnyei: me öbun e he ka wâ a inya Iehova at ame ha e, me ânyâ e, haingö Iehova.

Ezekiela 37:28

Me ame he je hnyei ka wâ a inya Iehova at ame okabi Isaraela, e ka e bi unyidra anyik dok ae kap nyiele balua.

I. Samuela 2:9

E ame he ka tuö je li can tavat ae kap, Ke e ame he ka ohnyibö hnyat ae ca wisa hnyi menekholom; Anyin ame ca he at ka ton ûnyi ge tang hwegien.