Isaia 27:1 - Iaai Bible 1901 (New Caledonia)

¹ HNYI bong eling ame he Iehova ka bi hwaban ge anyin hele vat ae nâk me gan hmâ me hwege kö leviathana, on ame kec logot, me leviathana on ame hwahwali; ke ame he ka hlingâ tanimo wale hnyi köiö.

Isaia 27:1 ပူးပေါင်းရင်းမြစ်များ

Jobu 26:13

E ame osoâ drany ge hanon; Ke hnyamen ame dâ on ame kec.

Jobu 3:8

E so he ka hangâ e hnen tavat adre me hangâ bong, Tavat ae khanʼ ödra he ka bwebwelâ leviathana.

Jobu 40:19

E beönua hnyi ta je ûnyi a ânyâ Khong: E khana thibi at a op e he ka hakekenyâ kâu hele vat.

Jobu 41:1

E KHANÖ u he ka lelö leviathana ge wage? Me ca bohmen ge tö?

Salamo 104:26

Ame kec eling ta je hu; Ke wale leviathana at u je op he ka walak hnyin.

Salamo 45:3

At ae hwege lö, weikâ ju ânyâm hele vat hon jevam, Wale ânyâm hmanenang me bongon than gam.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Isaia 65:12

me oge me he ka ip öbun hobi kâu hele vat, ke öbun e he hia ka iyâû ka hnyi hna hlingâ: anyin oge hongot, ke öbun e ca ieû; oge me fuc, ke öbun e ca long; ke öbun e ânyâ hulo hnyi hnyimakök, me ûca ûnyi oge me ca wek.

Isaia 65:25

Ame he bi luko ka tha han me nokon mamoe, ke ame he liona ka han thatûnyin hwit helâ me bolok: ke haba sesâiny kânâ, me wale an ta je on. Ke adre me ca he bi ka okongo me ohia hnyi anyik bucen hia ae kap, haingö Iehova.

Isaia 66:16

Anyin ame he Iehova ka ivino me tavat hnen meic, me anyin hele vat: ke ame he ka se hia hani Iehova.

Jeremia 47:6

Hele vat anyi Iehova lö, ie ûen u me he ka laba so? didro hnyi tangâm, menâ ju, ke ca bwebwet bi.

Jeremia 51:13

At ame laba hnyi je köiö ae se hia, me tren omjeû ae gan, ame o but obiny köu, tulutiny behnyekon a u.

Jeremia 51:34

A hia but ön nya hnö Nebukaneza than Babulona, e ame hia but ohmöiöngi nya, e ame wiö nya me kaia ae ba onyen; e ame utö nya helâ me tanimo; e ame osekunâ e ge anyik ta je ûnyi ae ti senem; e ame obö nya kâû.

Ezekiela 29:3

ha thö, ke habe, Walang hna ha hnen Than Iehova, ka habe, Wâ bi, ûcûk u, Farao than Aigupito, a tanimo ae gan at ame laba hnyi je wagewiny, at ame hia but ha, ka habe, Haba anyik wagewe me ka anyik bi, ke oge me ka op e hobi könya bi.

Amosa 9:3

Eja ke ne adre ne lubaduöng ethö hon Karemela, oge me he ka elâm me lili ödrin ûheny e; eja ke ne ödrin e ne oiyongi ödra ge li emakök eû hnyi hmelen köiö, oge me he ka kunâ on he ka ûlû ödra eling,

Hna Omanenâ 12:3

Me ame manen dut ke haten minya hnyi drany; ke wâ bi, wale drakona ae gan ae dra, seven je ban, ke ten je faoiny, ke seven je korona hon je ban.

Hna Omanenâ 13:11

Ke oge me wâ ke meno minya ame o ûnyi eû hnyi kânâ; e hu li fao helâ me arenio, ke e ame fuc helâ me drakona.

Hna Omanenâ 13:4

ke adre me khudrung ka drakona anyin e ame ham maniny man ka meno; ke adre me khudrung minya ju ka meno, haingödra, ka habe, Ie at ae ûcû me meno? ke ie at ae khana he ka vat mē?

Hna Omanenâ 16:13

Ke oge me wâ je hanu ae kong a ödrin kun helâ me je rana ödrin e he but ûnyi hnyi hnyimen drakona, me ûnyi hnyi hnyimen meno, me ûnyi hnyi hnyimen perofeta thoi:

Hna Omanenâ 17:1

KE ame o thö ke at hnyin je angela a seven hnyat ae hu gadrin je kaia a seven, kʼ ame ha könya, ka habe, Aiö u, oge me he ka omanenâ köu hna bi hwaban ka momo hnyi gethen, at ae nua, kʼ ame laba hon je köiö ae se hia;

Hna Omanenâ 17:15

Me e ame ha könya, ka habe, Haba je köiö u je wâ, waleji ame laba hon momo hnyi gethen, wale je tavat, me tavat ae se, me je hnyei, me je hwen hnyei.

Hna Omanenâ 19:21

ke adre me hlingâ je kolon ge hele vat anyin at a tabö hors, wale hele vat ame o but ûnyi hnyi hnyimen: kʼ ame sekon dö je meno ame gâ hia ge je unyidrin.

Hna Omanenâ 2:16

Anyin a wale ietra ju; e ka ba, oge me he ka ie o köu, me vat mʼ ödra ge hele vatiny hnyimök.

Hna Omanenâ 20:2

Ke e ame kât drakona, wale on ehac, a wale Diabolo me Satana, me ame ca e ke ne o but hnyi wan thauzan je huna,