Isaia 26:8 - Iaai Bible 1901 (New Caledonia)

⁸ Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Isaia 26:8 ပူးပေါင်းရင်းမြစ်များ

II. Samuela 23:5

Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.

Salamo 106:3

Hnahic hnen tavat adre me vheno hna owisa, Ke at ame ânyâ bala hwakecin ae wisa.

Salamo 130:5

Inya oge me halubahing Iehova, ame ûlubahing hanuk, Ke inya oge me gejon hwan hofuc.

Salamo 18:23

Ke ba hnyikonguk minya gan, Ke oge me tuö nya bi ge anyik hulo.

Salamo 42:2

E beic hanuk ka Khong, ka Khong ae möt: Ie ûen oge me he ka o me manen hnyin hnyi hnyimakan Khong?

Salamo 65:6

Wale at ame otethmâ je bucen hnen maniny man; Ke ame weikâ hwege:

Salamo 73:25

Anyin a ca hobi könya hnyi drany ethö? Ke ba wek ge at eang hmelen ke hake u ke.

Salamo 84:2

Ame ti weny hanuk, eke, ame mokhon ae behe ka hnyi je hnyeule Iehova; Ame khumöng senyin hnyekuk me vik ka Khong ae möt.

Esodo 3:15

Ke Khong ame ha minya kö Mose, ka habe, U ma he ka ha helâng ka lakon Isaraela, ka habe, A hia but kunö nya köbun Iehova, Khongon, lakamöbun, a Khongu Aberahama, me Khongu Isaaka, me Khongu Jekob; wale iök nyiele balua, ke wale hnân ûnykûmi nya hnyi ta je dö hia.

Khumöng Hwanyi Solomona. 5:8

Je wahluiny Jerusalema lö, inya oge me ha hwegiâ köbun, ka habe, Öbun e ne wâ oûnykûmik, Thumeto thö e, a oge me moko ibe-tengiö.

Isaia 12:4

Ke haba hnyi bong eling öbun e he ka ha, ka habe, Oleâ thö kö Iehova, hawâ thö ien; omanenâ thö unyin ta je hnyei anyin ta je huliwa, ke thumeto thö ae beönua thibi ien.

Isaia 24:15

Anyin a wale, oganö Iehova thö hnyi jimeio, ke hnyi je bomene hnyi köiö, wale iö Iehova, a Khongon Isaraela.

Isaia 25:1

IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 26:13

Iehova Khonguhmun lö, adre hia but musi öhmun hnen ke je than minya; ke hake u ke thibi, mʼ öhmun e he ka ogânâ iâm.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 51:4

Lakeik lö, ling nya ju; ik hnyei lö,, tevehlöng ju könya: anyin ame he ka he but ûheny unyik hnanyibu, ke oge me he; ka ip hnok hna owisa hnân melaminy ta je hnyei.

Isaia 56:1

WALANG hna ha hnö Iehova, ka habe, Vheno thö ûnyi ae ûcû, ke ânyâ thö ûnyi ae wisa: anyin ae hakekeny jut he ka o anyik ûhomeli, me he ka omanenâ anyik wisa.

Mika 4:5

Anyin a tavat adre me ve he hnyi ien ta je khongudrin, ke ate me he bi öta ka he hnyi iö Iehova Khonguta nyiele nyiele balua.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Malaki 4:4

Ûnykûme thʼ öbun hnanyibu anyi Mose athnyabaik, waleji oge me hûna kâu hnyi Horeba hobi kâu at Isaraela hia, wale je hna otilâ, me hna owisa.

Numera 36:13

Wale je hna hûna me je hna owisa, waleji Iehova ame ha ka lakon Isaraela a deny Mose, hnyi dok ae tha hon hnyi Moaba wale baten Joridano hnyi Jeriko.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Ta je huliwa 1:4

ke hnyi ke ûen e ame tha laba mödrin me hûna ködrin a ödrin e ca he ka vese ûhedrin Jerusalema, ke ödrin e he bi ka halubahingen ûnyi ame ha bânâ Kamen, haingen, ka habe waleji öbun e long ûnyi gak:

Roma 8:25

Ke ate ne gejon hnöta hna ca wâ, ate me halubahingen e me hokhnyok.

II. Thesalonika. 3:5

Ke so ame he Than ka owisa je hnyekubun ka hnyi ibetengiö anyin Khong, me hokhnyok ûnyi ge Keriso.