Isaia 26:7 - Iaai Bible 1901 (New Caledonia)

⁷ E wisa gethen deny tavat ae wisa: u thibi at ae wisa ke u je okhabalaûâ gethen deny tavat ae wisa.

Isaia 26:7 ပူးပေါင်းရင်းမြစ်များ

I. Man Ûlabainy Je Than. 29:17

E khanö nya, Khonguk lö, a u at ame elâm hnyok, me senyin hnyi hwakecin ae wisa. Inya oge hia but ham ta je ûnyi hia ang ge wisainy hnyekuk: ke walang ang oge me wâ lakem ang me senyin, kʼ adre me ka hamödra hna köu.

Jobu 31:6

(Ke so adre me tuluti nya hnyi tulut ae wisa, Me me he Khong ka wâ hwakecik ae hnathu;)

Salamo 1:6

Anyin a haba Iehova ame wâ gethen deny tavat ae wisa: Ke haba gethen deny tavat ae monu, me ame he ka ba but.

Salamo 11:4

E bi Iehova hnyi umen uma ae kap, Wale Iehova, ethö hnyi drany anyin theron; Haba li emakan ame wâ, kʼ ame cubec lakon at hnen li bademakan.

Salamo 11:7

Anyin ae wisa Iehova; kʼ ame hnyokâ hwakecin ae wisa; E ame he ka wâ hnyimakan at ae wisa.

Salamo 25:4

Iehova lö, omanenâ thö könya dem je gethen; Nö nya thö ge dem je gethen.

Salamo 25:5

Su nya thö hnyi hnathu gam, ke nö nya thö; Anyin a u thibi Khong at ame omeli nya; Inya oge me halubahing u hnyi je bong hia.

Salamo 27:11

Iehova lö, nö nya thö ge dem gethen; Ke su nya eû hnyi gethen ae wisa hon, Can je iwahnaihmiöny mönya.

Salamo 5:9

Anyin ae ba ke hnathu hnyi je hnyimödra; E kong hmonyin hnyekudra: Haba je jeköwidra, me helâ me erkemok ae memang; Ke adre me ûtakû ge bohmödra.

Ta je Vejec 11:5

Ame he hwakecin at ae wisa ae ba hnyi kongon ka kû deny gethen: Kʼ ame he at ae kong ka ta ge anyin bi hulo.

Ta je Vejec 20:7

Haba at ae wisa, wale at ame he hnyi anyin wisa, Me hnahic bi lakon hwaban.

Ta je Vejec 21:8

E ti hwali gethen deny at ame hijen monu: Ke haba at ae kalaöt hnyekon, me wisa anyin huliwa.

Ta je Vejec 3:6

Ûnykûme ju kâu hnyi dem ta je gethen hia, Me e ame he ka owisa dem ta je gethen.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 52:12

Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

Isaia 57:2

E ame dit ka hnyi hnahic; kʼ adre me ve menâ hon hnödra hna mokut, wale tavat adre me vheno hwakecidra ae fofâ.

Jeremia 10:23

Iehova lö, e khanö nya but a ca hanymen bi at deny gethen: e ca hanymen at ame he ka owisa hnen je hna okca.

Hosea 14:9

Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.

I. Ioane 3:7

Je wanakat lö, ca he ka omonu öbun hnen ke at: e wisa at ame ânyâ hwakecin ae wisa, helâ më ae wisa: