Isaia 26:4 - Iaai Bible 1901 (New Caledonia)

⁴ Labageju thö kö Iehova nyiele balua: anyin a haba Than Iehova, me kic nyiele balua.

Isaia 26:4 ပူးပေါင်းရင်းမြစ်များ

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

II. Man Ûlabainy Je Than. 32:8

haba e unyin, me benyin at; ke unyitin Iehova Khongutin he ka hadruʼ otin, me vâtâ anyitin je vat. Ke haba tavat me adre me labageju ka hofuc ho Hezekia than Juda.

Jobu 9:19

Adre ne ha ge maniny tavat ae hwege, wâ bi, e bi e! Ke adre me ne ha ge hna owisa, ie ame he ka thu ûen könya?

Salamo 125:1

HABA tavat adre me labageju kö Iehova, Ödra ûcû me bucen Ziona, wale at ame ca bwebwet, kʼ ame tethmâ nyiele balua.

Salamo 18:2

Iehova thibi kicik, me hnok hnabâ, me at ame omeli nya; Khonguk, kicik ae hmâ, oge me he ka labageju kâu; Becik, me faoiny meno hnân omeli nya, me anyik tap ae beû goranyai.

Salamo 46:1

KHONG thibi hnöta hnabâ me tang hwegiöta, E ûhadruo ae hakekeny hmonyin hnyi vec.

Salamo 55:22

Khûâ but kö Iehova ûnyi u me hmak gan, ke e ame he ka ci u; E ame ca he balua ka hna at ae wisa he ka bwebwet.

Salamo 62:11

Khaca thibi hofuc ame ha Khong, Lo li hofuc oge me long, ka habe, E unyin thibi Khong tang hwege.

Salamo 62:8

Tavat lö, labageju thö kâu hnyi je bong; Hingâlâ but je hnyekubun hnyi hnyimakan: Khong thibi hnöta hnabâ. [Sela.

Salamo 62:9

Ta je thatûnyi bi houmonu, ke thoi bi tavat ae ûnyi hnathu: Ödra hâhâ hnyi tulut; Ödra tha hâhâ hon thatûnyi.

Salamo 66:7

E ame musi nyiele balua hnen hwegien; Ke haba li emakan ame tuö ta je hnyei; Ca he tavat ûkhin fuc ka bi gan. [Sela.

Salamo 93:1

IEHOVA ame musi; e ame khavâ ge hmanenang; Iehova ame khavâ, e ame oweikâ e ge hwege: Adre otethmâ minya hmeledrany, me ma ca khana he ka bwebwet.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 17:10

Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 30:29

Öbun e he ka hu khumöng helâ me hnyi lit hnyi j hna ânyâ bijeû; ke ame he ka senyin hnyok, helâ me at ame hom utkowi he ka he ka hnyi bucen anyi Iehova, ka Kici Isaraela.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 45:17

Ke adre me he ka omeli Isaraela unyi Iehova hnyi möt ame ca ba balua: öbun e ca he ka hmehma me hlohlo nyiele balua.

Isaia 45:24

Ame he ka ha könya ke at, ka habe, E hu but gak thibi ûnyi ga Iehova wisa me hwege: ame he ka o tavat kâu, ke adre me he ka hmehma, waleji tavat adre me hmönyidra kâu.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 51:5

E hakekeny jut hwakecin ae wisa, a he but anyik ûhomeli, ke ame he li benyik ka owisa ta je hnyei; ke ame he ta je bomene ka halubahing nya, me labageju ka hnyi benyik.

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Daniela 3:17

A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 3:28

Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Deuteronomi 33:27

Haba hnyabam, me, Khong a nyiele balua; Ke eû hmelâm li benyin a nyiele balua; E ame obâ iwahnaihmiony hnyi hnyimâkâm, Ke haingen, ka habe, Ohia but.

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

I. Samuela 2:2

E ba at ae kap helâ me Iehova; Anyin ae ba at bi ke hake thibi u Ke ba kic helâ me Khonguta.