Isaia 26:3 - Iaai Bible 1901 (New Caledonia)

³ U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

Isaia 26:3 ပူးပေါင်းရင်းမြစ်များ

I. Man Ûlabainy Je Than. 5:20

Ke adre hadruʼ ödrin he ka vat mödrin, ke adre hna ködrin at Hagara, me je lahiödrin hia: anyin a ödrin e hongot kö Iehova hnyi vat, me e ame ling ödrin; anyin a ödrin e labageju kâu.

II. Man Ûlabainy Je Than. 13:18

Me adre me hom ûhnyûkongo at Isaraela hnyi ûen eling, ke hwege but at Juda, anyin a ödrin e labageju kö Jehova Khongon lakamödrin.

II. Man Ûlabainy Je Than. 16:8

Hawa, e ca utbavat ae gan hmâ hmonyin at Aithiope, me Lubi, me se hia hmonyin je kariota me tavat tabô hors? ke so bi anyin a u je labageju kö Iehova, me e ame hnʼ ödrin ka hnyi hnyamâm.

Salamo 119:165

E gan hmâ hnahic hnen tavat adre me hnyokâ ânyâm hnanyibu; Ke ba ûnyi hnân ohaûʼ ödra.

Salamo 125:1

HABA tavat adre me labageju kö Iehova, Ödra ûcû me bucen Ziona, wale at ame ca bwebwet, kʼ ame tethmâ nyiele balua.

Salamo 9:10

Ke haba tavat ae khanʼ ödra iâm, me adre me he ka labageju köu; Anyin a haba u, Iehova, u je ca hna degecâ tavat waleji adre me elöm u.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 26:12

Iehova lö, u me he ka otilâ ûsoköu hobi kohmun: anyin a u je hia but ânyâ hobi kohmun anyihmun ta je huliwa hia thithö.

Isaia 27:5

Ke walang khaca, e so e ame kât tang hwegiök, me me ûsoköu mönya.

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 32:17

Ke haba troban hwakecin ae wisa, wale ûsoköu, ke haba obiny hwakecin ae wisa wale laba hnahic me laba khötkic nyiele balua.

Isaia 32:18

Ke ame he lakeik ka laba hnyi dok ae ûsoköu, me je uma adre me laba khötkic hnyin, me je hna menâ wale je dok adre me laba wia hnyin.

Isaia 42:19

Ie wadröu, wale athnyabaik? me ie wejiji helâ me anyik ûthumetu oge me kunâ? ie wadröu helâ ma at ame ûsoköu mönya? ke wadröu helâ me athnyabai Iehova?

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 48:2

Anyin a adre me ka hawʼ ödra a hanen taun ae kap, ke adre me ka laba kece ka Khongu Isaraela; Iehova tuhan sabaoth ien.

Isaia 49:8

Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 66:12

Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Jeremia 39:18

Anyin ae hnathu oge me he ka omeli u, ke u me ca he ka ta ge hele vat, ke ame he ânyâm mot ka jekhom: anyin u je hia but labageju könya, haingö Iehova.

Daniela 3:17

A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 3:28

Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Daniela 6:23

Me haba than ame senyin gan hmâ, me ûkhûnöng he ka öû Daniela ûnyi hnyi thop. Me adre me öû Daniela ûnyi hnyi thop, ke ba aat adre me wâ gan, anyin a e ame labageju ka Khongon.

Mika 5:5

Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Filipi 4:7

Ke haba ûsoköu ûnyi ge Khong ûnyi ae nua hon ta je ûnykûme hia, ame he ka tuö je hnyekubun me je ûnykûmenöbun hnyi Keriso Iesu.