Isaia 26:21 - Iaai Bible 1901 (New Caledonia)

²¹ Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Isaia 26:21 ပူးပေါင်းရင်းမြစ်များ

Jobu 16:18

Kânâ lö, ca ikhâlâ bi drök, E na ca he ju anyik khöû ka laba.

Jobu 20:27

Ame he drany ka omanenâ hwakecin ae kong, Ke ame he hmeledrany ka tot metâ kâu.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 18:4

Anyin a walang hna ba hnö Iehova könya, ka habe, Oge me he ka laba wia, me wâ hnyi hnyabak; helâ me hlöng ae gan e ka o seuno, ke helâ me hauiny ûlâ e ka hlöng hnyi ûen menu.

Isaia 22:14

Ke haba Iehova tuhan sabaoth ame omamenâ ka hnyi li hnyikönyök, ka habe, E hnathu adre me ca he ka hna köbun hulo eang ke ne o but öbun e mokcu, ame ha Iehova tuhan sabaoth.

Isaia 29:6

Ame he Iehova tuhan sabaoth ka senâ e tha e me hwan than, me hwiöi, me hwan ae gan hmâ, me hou, me weneû, me bâhlân meic ame han.

Isaia 65:6

Wâ bi, a sihnalimen dut hnyi hnyimakök: oge me ca he ka laba hnyibû, ke oge me he ka bi hwaban, eke, oge me he ka bi hwaban ka hnyi je ûlaidra,

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Isaia 66:6

Hwan mede hnyi taun, hwan hofuc hnyi uma kap, ho Iehova ame bi hwaban ka je iwahnaihmiony mē.

Ezekiela 8:6

Ke e ame ha könya, ka habe, Nokon at lö, u je wâ but ûnyi adre me ânyâ? wale ûnyi ae ikiki ame ânyâ eang ge lap anyi Isaraela, me inye he ka ûsâkâûö me anyik dok ae kap? ke u me he eâu ka wâ minya je ûnyi ae ikiki.

Luka 11:40

Öbun je monu, haba at ame mâdrâ hoton, hawa ame ca mâdrâ minya hnyin?

Luka 11:50

mʼ adre me he ka hnö dren ta je perofeta hia thithö unyin dö ang, waleji adre me hingâlâ hwân hnyi hna bi taben hmeledrany;

Hna Omanenâ 16:6

anyin a adre me hingâlâ dra dren wakap me ta je perofeta, ke u je habelidra ge dra: ae ûcû kodra.

Hna Omanenâ 18:24

Ke adre me wâ gan dren ta je perofeta me wakap, me tavat hia adre hia but hlingâ hnyi hmeledrany.