Isaia 26:19 - Iaai Bible 1901 (New Caledonia)

¹⁹ Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Isaia 26:19 ပူးပေါင်းရင်းမြစ်များ

Jobu 14:8

Eja ke ne ka kueny ju wân eû hnyi kânâ, Ke a bobot dö hnyiban eû hnyi kânâ;

Jobu 29:19

Ame iyâû anyik je wân ka hnyi köiö, Ke ame mokut dân hau hon vheik hnyi hnyinghet hia:

Salamo 110:3

Haba lakem adre me he ka hudo me hnyekudra bi hnyi bonginy manâm man; Hnyi ta je hmanenang ae kap ûnyi hnyi tangen hnökuiny haolany, E bi unyâm dân hauiny ânyâm hidröu,

Salamo 22:15

E atgec dö tang hwegiök helâ me wataginy kaia; Ke ame kece bohmök ka hnyi wahicok; Ke u je hia but hum nya ka hnyi sesâiny kânâiny mok.

Salamo 22:29

Ame he hia tavat ae pipikhenya eang hmeledrany ka han me khudrung: Kʼ ame he ka nom kâu tavat hia adre me he ka hnyi kânâ, Wale at ae ca khana he ka omelo e bi.

Salamo 71:20

Haba u at ame omanenâ kohmun je vec ae hwege ke se hia, Me u me he ka hmetu ka omeli ohmun, Me hum ohmun hmetu goranyai ûnyi hnyi je dok a diliny hmeledrany.

Salamo 88:11

Hawa, adre me he ka ha ânyâm ibetengiö eû hnyi erkemok? Me ânyâm hnathu hnyi Hnaûhango?

Isaia 18:4

Anyin a walang hna ba hnö Iehova könya, ka habe, Oge me he ka laba wia, me wâ hnyi hnyabak; helâ me hlöng ae gan e ka o seuno, ke helâ me hauiny ûlâ e ka hlöng hnyi ûen menu.

Isaia 25:8

E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 51:17

Jerusalema lö, hmak dö, hmak dö, todrö, at ame ic ûnyi hnyi beli Iehova wale kaiainy anyin hmonyin; u je hia but ijem onyen kaiainy ta tot, me ijehmö e.

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Hosea 13:14

Oge me he ka hûgûnʼ ödra ûnyi hnyi maniny erkemok; oge me he ka omeli ödra ûnyi ge mok: Mok lö, ewa ânyâm je ûokonguny? Erkemok lö, ewa hnâm hna ûhangö? adre me he ka ikhâlâ ietra ge li emakök.

Hosea 14:5

Oge me he ka helâ me dân hau kö Isaraela: e ame he ka vhong hela me obedila, me sit ut helâ me Lebanona.

Hosea 6:2

Hwaban lo li bong e ame he ka omeli öta: ke hnyi bong a kuniny e ame he ka höi öta, mʼ ate me he ka mot hnyi hnyimakan.

Zakaria 8:12

Anyin ame he ka hu hatonginy ûsoköu; ame he vine ka wa, ke kânâ ame he ka oâ jeûiny, ke ame he drany ka ham dân hau; ke oge me he ka kunâ je kolon tavat ang ka hu ta je ûnyi hia eling.

Mataio 27:52

ke ame memang ut ta je erkemok; ke se hia ta je unyin tavat ae kap a tavat adre me mokut, me adre me möt hmetu thö,

Mataio 27:58

haba at ang ame he but kö Pilato me sumâtâ unyi Iesu. Haba Pilato ame hûna bi he ka bâm.

Ta je huliwa 24:15

ke oge me geju ka Khong wale adre me kap minya, a gʼ ame he ka möt hmetu tavat ae wisa me tavat ae ca wisa bi.

I. Korinito 15:20

Ke so bi adre hia but omeli Keriso hmetu thö ûheny hnyi hua mok, ke e at a bân ka möt ge tavat adre me mokut.

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Deuteronomi 32:2

Ame he ka khula bongon ûûneik helâ me we, Ame he ka ta ifucik helâ me hau; Helâ me we ae menyik hon je bö ae mita, Ke helâ me khukhula hon sa khölak:

Deuteronomi 33:13

Ke e ame ha ga Josefa, ka habe, E so e hnahic bi iny hnyei ga Iehova; Ge ta je ûnyi hnathuiny drany, ke ûnyi ge hau, Me dok minya ae dit ame mokut eû,

Deuteronomi 33:28

Ke Isaraela ame laba khötkic, Hake e pupuainy Jekob, Hnyi hnyei ae hu hwit me waina; Eke, ame ta hau ûnyi hnyi anyin drany.

Filipi 3:10

mʼ oge me he ka wâhmakhmetoâ e, me maniny möt hmetu a e, me he ka tha hnyok mē hnyi vec, me tha ûcû më hnyi imekiny;

Filipi 3:21

at ame he ka ohâtâ hmetoâ ta je unyita ae kong, mʼ adre me ûcû me unyin ae hmanenang, hoton man at ae khana he ka hom ûhnyûkongoâ ta je ûnyi hia thithö kâu bi.

I. Samuela 2:6

Iehova ame hlingâ, ke e ame omelö: E ame hagutâ hedis ai me ogöranyâ hmeto.