Isaia 26:17 - Iaai Bible 1901 (New Caledonia)

¹⁷ Haba momo ame he ka o erkin, me ame vec ke ame kuku ge vec; helâe gahmun Iehova lö, hnyi hnyimâkâm.

Isaia 26:17 ပူးပေါင်းရင်းမြစ်များ

Genese 3:16

Ke e ame ha ka momo, ka habe, Oge me he ka osehia ânyâm vec u ka erkin; u ma he ka hnokoâ hnyi vec; ke u me he ka wem bi hmelen âiâm, ke e ame he ka musi u.

Salamo 48:6

Ame khöû ödra ju eling ge öbubuny; Me vec, helâ me momo ame vec hnyin.

Isaia 13:8

adre me be ka gâ udra; kʼ ame he ka o kodra vec me hlöuhlöu; adre me he ka hmak helâ me momo ame vec hnyekon: adre me he ka ûlâiâköuâ; helâ me bâhlân meic hnyi ta je hnyimakodra.

Isaia 21:3

Anyin a wale a unöngötö li fetrem ge vec; ame hum nya hnen vec helâ me momo ame vec hnyekon ame he ka hnokoâ: inya oge me vec me me ca khanö nya long bi; inya oge me öbubuny me me ca khanö nya bwela bi.

Isaia 37:3

Ke ödrin e ha kâu, ka habe, Walang hna ha hnö Hezekia, ka habe, Bonginy vec, me û, me ûhaikonguny bong ang: anyin a ûen a o ta je wanakat, ke ba at ae hwege he ka hnokoâ.

Jeremia 30:6

Hnö thö walang ang me wâ, a ne baga ame hnokoâ wanakat: anyin a ieû oge me wâ je baga hia adre me ve tot cimâ je jebalainudra helâ me momo ame vec hnyekon, ke löhau hia but ta je hnyimakodra?

Jeremia 4:31

Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.

Jeremia 6:24

Ate hia but long ûthumetu gadra; e sënyin dut ta je hnyamöta: ame hom tilʼ öta hnen hlöuhlöu me vec, helâ me momo ame he ka hnokoâ.

Ioane 16:21

E ka vec dö hnyekon momo a erkin, me e ame hlöuhlöu anyin a o but ûen: ke e ka o but wanakat me e ame ca ûnykûme hmetu anyin vec, anyin ame senyin a ga hnokoâ ke at ka hnyi hmeledrany.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

Hna Omanenâ 12:2

ke ame erkin dut me ame vec hnyekon, ke ame tenge ge vec me me he ka hnokoâ but.