Isaia 26:16 - Iaai Bible 1901 (New Caledonia)

¹⁶ Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Isaia 26:16 ပူးပေါင်းရင်းမြစ်များ

Salamo 142:2

Inya oge me hingâlâ hnyi hnyimakan je ûnykûmenök; Oge me ha anyik vec hnyi hnyimakan.

Salamo 27:8

Hnyi ûen u je ha, ka habe, Elâm dʼöbun hnyimakök; me ame ha hnyekuk, ka habe, Iehova lö, oge me he ka elâm hnyimâkâm.

Salamo 42:4

Oge me ûnykûme ta je ûnyi eling, me hingâlâ hanuk eû hnyi hnyekuk, Waleji ge hnok hna tha he me bunyen, me hum ödra ka hnyi uma umen Khong, Tha ohmun me hwan senyin me oganâ, at se hia adre me tuö bong ae kap.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 77:3

Oge me ûnykûme ge Khong, ke iny hlohlo: Oge me ha gaga anyik vec, kʼ ame bahihingölö hanuk. [Sela.

Salamo 78:34

Hnyi ûen e ame hlingʼ ödra, me adre me elâm dö e: Adre me hmetuhmetu, me hwege hnö Khong.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Isaia 37:3

Ke ödrin e ha kâu, ka habe, Walang hna ha hnö Hezekia, ka habe, Bonginy vec, me û, me ûhaikonguny bong ang: anyin a ûen a o ta je wanakat, ke ba at ae hwege he ka hnokoâ.

Jeremia 2:27

wale tavat adre me ha ka hnyiban utö, ka habe, Kamök u; me ka veto, U je hnöku nya: anyin adre me hotudra könya, me ca hnyimakodra bi; ke hnyi ûen anyidra vec, adre me he ka ha, ka habe, Todrö me omeli ohmun.

Jeremia 22:23

At ame laba hnyi Lebanona lö, at ame bi umen uma hnyi je arasi, nakaem, e ka o vec köu, wale vec helâ me momo ame vec hnyekon e ka he ka hnokoâ.

Jeremia 29:12

Ke öbun e he ka hao nya, me öbun e he ka he me hic könya, me oge me he ka ling öbun.

Je tenge anyi Jeremi 2:19

Todrö, hongot dö hnyi hnyinghet hnyi je hna hmak a bân; Hingâlâ but hnyekom helâ me köiö hnyi hnyimakan Than; Hai thö kâu li hnyamâm ge melen lakom a je wanakat, Wale adre me ta mok hnen hmiâ hnyi je hna saû hnen je gethen hia.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Hosea 7:14

Ke ame ca hia but tenge je hnyekudra könya, ke adre me kuku tenge bi hon hnödra je hna mokut: adre me ûkhacaköu ge hwit me waina, kʼ adre me ûkhin fuc mönya.

Numera 21:7

Me ame he tavat kö Mose, me ha, ka habe, Öhmun e hia but ânyâ hulö, anyin a ohmun e fuc hwege kö Iehova, mʼ u: ö u hic dö kö Iehova, me me he ka ohia je on unyihmun. Ke Mose ame hic hobi kâu tavat.

Hna Omanenâ 3:19

Oge me nâ me kot tavat oge me betenge gadra: anyin a wale, hwege thʼ öbun me ietra ju.

Owisa 10:15

Haba lakon Isaraela ödrin e ha kö Iehova, ka habe, Ohmun e ânyâ hwakecin ae kong, hamâm he ka ânyâ hia kohmun ûnyi ae so köu; ke so bi ö u omeli ohmun thibi hnyi bong ang.

I. Samuela 1:15

Haingö Hana ame thu, ka habe, Eba, than lö, inya momo ae vec hnyekon, ke oge ca ic waina bi me grâg, ke so bi oge me hingâlâ hnyekuk hnyi hnyimakö Iehova.