Isaia 26:15 - Iaai Bible 1901 (New Caledonia)

¹⁵ Iehova lö, u je hia but osehiâ hnyei, u je osehia hnyei; adre hia but oganö u: u je oc ûsâkâûöâ je hnyigöuleny hnyei hia.

Isaia 26:15 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 13:16

Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

I. Je Than 8:46

Ödrin e ne ânyâ hulö köu, (anyin ae ba at ame ca ânyâ hwakecin ae kong;) ke u je hmönyâm ködrin, me hnʼ ödrin ka je iwahnaihmiony, mʼ adre me hum ödrin ka hwenbâ ka hnyi hnyeiny je iwahnaihmiony, ame ne dok ae sâkâû, ame ne hakekeny;

II. Je Than 17:23

ke ne o but Iehova ame hom Isaraela but ûnyi hnyi hnyimakan, helâ me hnen hna ha a deny je athnyabainy hia a ta je perofeta. Me adre me hom at Isaraela ûnyi hnyi idrin hnyei Asuria ai, ke ne o but hnyi bong ang.

II. Je Than 17:6

Ke hnyi huna a naini Hosea, haba than Asuria ame hûgûnâ Samaria, me hom Isaraela Asuria ai, me ip ödrin hnyi Hala, me Habora, hnyi wagewe Gozana, me je taun anyin at Madai.

II. Je Than 23:27

Ke haba Iehova ame ha, ka habe, Oge me he ka hom Juda ûnyi hnyi hnyimakök, helâ me hnok hna hom Isaraela, ke oge me he ka degec taun ang oge ûca wale Jerusalema, me uma wale oge ha gan, ka habe, Ame he ka hnen e iök.

Nehemia 9:23

Ke u je osehia je lakudrin helâ me je okhûiny drany, me hum ödrin ka hnyi hnyei, waleji u je ha ka lakamödrin, mʼ ödrin e he ka he ka hnyin he ka hu.

Jobu 12:23

E ame osehia ta je hnyei, me ohiʼ ödrin hmetu: E ame olauâ ta je hnyei me odili ödrin hmetu.

Isaia 10:22

Anyin a eja ke ne a ne helâ me öny eû hnyi köiö lakem Isaraela, ame he ka hmetu thibi koluidra: adre me ip hmâ he ka ohia, ke wale ame badedö but hwakecin ae wisa.

Isaia 33:17

Ame he li emâkâm ka wâ Than hnyi anyin hmanenang: Ödru me he ka wâ hnyei ae beû hmâ hmonyin.

Isaia 40:5

ke adre me he ka omanenâ hmanenangi Iehova, ke ame he ka tha wâ hnen tavat hia thithö: anyin a ha hnen hnyimö Iehova.

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 6:12

ke Iehova ame hom but sâkâû ai tavat, ke e gau hmâ hna hna degecâ hnyei.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 9:3

U je hia but osehia hnyei, ke u je ogânâ senyin: kʼ adre me senyin hnyi hnyimâkâm helâ me senyin hnyi menu, ke helâ me hna senyin ge tavat adre me khenâ je hna söh.

Jeremia 30:19

Ke ame he ka o gadra hwan ole, me hwan tavat adre me senyin: ke oge me he ka osehiʼ ödra, ke adre me ca he ka wakhalet; ke oge me he ka ogânʼ ödra, kʼ adre me ca he bi ka ûhnyûkong.

Jeremia 32:37

haingen, ka habe, Wâ bi, oge me he ka hlu ödra ûnyi hnyi ta je hnyei hia, waleji oge obʼ ödra ka hnyin hnyi anyik hmonyin, me anyik wathethot, me hmonyin ae gan hmâ; ke oge me he ka ohmetu ödra ka hnyi dok ang, me olaba khötkici ödra:

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Ezekiela 5:12

Ke ame he ke keihâm a kuniny ka mok ge mok ae cap, ke ame he ka oaûʼ ödra hnyi wanbâm ge hmiâ; ke ame he ke keihâm a kuniny ka ta ge hele vat igigili u; ke haba ke keihâm oge me he ka oveseâ ka hnyi ta je ang hia, ke oge me he ka oc hele vat he ka hnu ödra.

Numera 23:10

Ia ae khana he ka aû sesâi Jekob, Me ha ûseiny ke keihen a vakiny Isaraela? E na he ju mekik ka helâ me mekiny at ae wisa, Me obiny melik helâ me obiny melen.

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Ioane 15:8

Hnân ogânö Cica, öbun ka he ka wa gan hmâ; ke helâe öbun e he ka bi latök.

Ioane 17:1

IESU ame ha ta je ûnyi e; ke e ame bwele hnyi drany ai me ha, ka habe, Cica lö, a o but ûen; ogânâ thö Nokom, me me oganö u minya bi Nokom:

Deuteronomi 10:22

Ame he lakâmâm Aigupito ai ehac a ödrin sevente tavat ke walang ang Iehova Khongom ame wiö u mʼ u me helâ me je okhûiny drany ae se hia.

Deuteronomi 28:25

Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.