Isaia 26:11 - Iaai Bible 1901 (New Caledonia)

¹¹ Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 26:11 ပူးပေါင်းရင်းမြစ်များ

Jobu 34:27

Anyin a ödrin e degec hmeto e, Me ca ûnykûme bi deny je gethen:

Salamo 10:12

Iehova lö, todrö; Khong lö hai thö hnyamâm: Ca he ka hnying tavat adre ovecâ.

Salamo 21:8

Ame he hnyâmâm ka wâ hia ta je iwahnaihmiony möu: Ame he hnyâmâm a metâm ka wâ tavat adre me hûkötiö u.

Salamo 28:5

Adre me ca ûnykûme ta je huliwa anyi Iehova, Me hna ânyâ hnen li hnyamen, Anyin a wale, e ame he ka hagutʼ ödra: but, kʼ ame ca he ka otilʼ ödra hmetu.

Salamo 78:63

Haba meic ame an wahidröu unyidra; Ke ba khumönginy faipoipo ge wahlu.

Salamo 86:17

Omanenâ thö könya haten ae sa; Me me he ka wâ me hmehma bi hnen tavat adre me hûkötiö nya, Anyin a u Iehova at ame hadruo nya, me otubweli nya.

Esodo 9:14

Anyin a haba hnyi ûen ang oge me he ka kunâ anyik ta je kong hia ka hnyi hnyekom, me hon lathnyabaem, me lakem: me me khanö u ae ba at ae ûcû mönya eang hmelen hia.

Isaia 1:31

Ke ame he at hwege ka helâ me wakunenu, me anyin huliwa helâ me wahleûhleûiny meic; ke adre me he ka tha thong degeci ödru, ke ba at ame he ka ume.

Isaia 10:16

Anyin a wale ame he Than, Than tuhan sabaoth, ka kunâ delâ ka anyin ta je pipikhenya; ke eû hnyi hmelen anyin hmanenang adre me he ka vâc hna hiâ helâ me hna hlâiny meic.

Isaia 10:17

Ke haba melaminy Isaraela ame he ka hnân meic, ke haba anyin Kap hnân bâhlân: ke ame he ka thong me an anyin je iwatetaföcö me iwadekong hnyi bong a khaca.

Isaia 11:13

Ke ame he ka hia ciâ anyi Eferaima, ke adre me he ka subâ degecâ tavat adre me oveci Juda: ame ca he Eferaima ka ciâ ga Juda, kʼ ame ca he Juda ka oveci Eferaima.

Isaia 18:3

Öbun hia thithö tavat adre me laba hnyi hmeledrany, ke tavat laba hon kânâ hia, e ka kap goranyai boûdila hon je bucen, wâ thö; ke e ka tûâ trutru long ju öbun.

Isaia 37:32

Anyin ame he ka he ûheny Jerusalema ta je kolon, kʼ ame he ka he ûnyi hnyi bucen Ziona tavat adre me he ka möt: ame he ka ânyâ e ge weny ae gan ga Iehova tuhan sabaoth.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Isaia 44:18

E ca khanʼ ödra, ke adre me ca wâ ûnykûme: anyin a e ame omûko je emaködra, mʼ adre me ca bwela bi; me je hnyekudra mʼ adre me ca wâhmakhmeto.

Isaia 44:9

E ûnyi baû hia tavat adre me bi hnatheat; ke ba troban anyidra ta je ûnyi adre me hnyok kâu: ke ame ca bwele tavat adre me ohnathu ödra, ke ca khanʼ ödra bi; mʼ adre me he ka hmehma but.

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Isaia 59:17

Ke e ame khavâ hwakecin ae wisa helâke me hna tube ûlâiny, ke e ame bicâ möt; ke e ame khavâ ûkhaûen bihwaban hnân ûkhaû, me khavâ weny ae gan hmâ helâ me ûkot.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Isaia 63:15

Wâ ju ûnyi hnyi drany, me wâ ûnyi hnyi hnyabam ae kap me hmanenang; ewa wem ae hwege me hna ânyâ hnen manâm man? adre hom behânâ medien hnyekom me ânyâm betenge könya.

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Isaia 66:24

Ke adre me he ka he me wâ ta je unyin tavat adre mokcu, a tavat adre hia but ûkhiny fuc mönya: anyin ame ca he ka mok hnödra waahnyöng, kʼ ame ca he bi ka mok anyidra meic; ke ame he bi tavat hia thithö ka hûköti ödra.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Isaia 9:18

Anyin a haba hwakecin ae kong ame han helâ me meic; ke ame an je iwadekong me watetaföcö: eke, e ame möt hnyi je nedronginy hnyot, ke adre me sâ khekhenyi goranyai hainy e.

Isaia 9:19

Ame le degecâ hnyei ûnyi ge wathethot anyi Iehova: ke haba tavat, me helâ me uto hnân hiâ hnyi meic; ke ba at ame betenge ge liamekeiny mē.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 44:28

Ke haba tavat adre me kec mot ge hele vat, me adre me he ka hmetu ûnyi hnyi hnyei Aigupito ka hnyi hnyei Juda, a ödra wakhalet thiju; ke ame he ka khana je köluiny at Juda hia tavat adre me be ka hnyi hnyei Aigupito he ka më labā, a ho ia hofuc ame he ka ton, ame ne hok, ame ne hodra.

Jeremia 5:3

Iehova lö, hawa, ame ca wâ ûnyi ae hnathu hnen li emâkâm? u je kuc ödra ke adre me ca vec bi; u je öaûʼ ödra, kʼ ödra höcö bi he ka kap hna nâ: adre hia but onâkâ je hnyimakodra hon veto; ödra höcö bi he ka hmetu.

Mika 5:9

E so ame gorany hnyamâm hon tavat adre me oveci u, ke so adre me subâ degecâ je iwahnaihmiöny hia möu.

Mika 7:10

Ke ame he je iwahnaihmiöny mönya ka hnyi wâ, ke ame he ka takoû e hnen hmehma; waleji at ame ha könya, ka habe, Ewa Khongom? Ame he li emakök ka wâ e; walang ang adre me he ka ututo e helâ me hmudra eû hnyi gethen.

Mika 7:16

Ame he je hnyei ka wâ me hmehma ge manidra man hia: adre me he ka kât je hnyimödra, kʼ ame he ka wejiji je hnyikönyödra.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Luka 16:23

Ke e ame vec hnyi Hedis, me bwele goranyai, me ame ō Aberahama hnyi dok ae sâkâû, me Lazaro minya hyni ûlainy.

Ta je huliwa 28:27

Anyin ae pipikhenya but hnyekon tavat ang, Ke hmak je hnyikönyödra he ka long, Ke mook ji emaködra; Wâ adre nye wâ ge je emaködra, Me long ge je hnyikönyödra, Me wâ ûnykûme ge je hnyekudra, Me hmetuhmetu but, Ke wâ oge nye he ka omeli ödra.

II. Thesalonika. 1:8

hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso:

Heberu 10:27

ke so bi he ka halubahingen me ot ae gan hmâ, ge hna he ka ûhnö, me wathethot ame ubâhlâ, wale ame he ka an ohia je iwahnaihmiony.

I. Peteru 3:16

ke e hu gabun ûnykûm sa ae so; waleling me me hmehma ju tavat adre me haikongo hwakecibun ae so unyin Keriso: anyin adre me haikongu öbun.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.

I. Samuela 6:9

Ke wâhmakhmeto ju ame ne he ka gethen hnyi hing hnyigöulen, Bethe-semes ai, awe, e ame hia but ânyâ kötin ta je hna okongo eang ae gan: ke ame ne ca helâe, awe, ame he ka khanʼ ota a ga ca kuc otin ge hnyamen; ke ame ka o baû bi kötin.