Isaia 25:9 - Iaai Bible 1901 (New Caledonia)

⁹ Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 25:9 ပူးပေါင်းရင်းမြစ်များ

Genese 49:18

Iehova lö, oge hia but halubahingen ânyâm ûhomeli.

Salamo 100:1

JE hnyei hia thithö lö, hongot senyin dö kö Iehova.

Salamo 20:5

Ohmun e he bi ka hobâ hnyi ûhomeli gam, Me otilâ anyihmun je boûdila hnyi ien Khongutin: E na he ju Iehova ka ohwâdâ hia hnâm je hna sumâtâ.

Salamo 21:1

IEHOVA lö, ame he than ka senyinâ hwegiâm; Ke haba ânyâm ûhomeli, shaiba ge hnen hna senyinâ!

Salamo 27:14

Halubahing Iehova ju: Hwege ju, ke so ame he hnyekom he ka hwege; Eke, e so u ma halubahing Iehova.

Salamo 33:20

A hia but je hanuta lubahing Iehova: E thibi at hadruʼ ota me becita.

Salamo 33:21

Ame he je hnyekuta ka senyin kâu, Anyin a otin e labageju ka ien ae kap.

Salamo 40:17

Ke iny vec me theduoc; Ke so bi Than ame ûnykûmi nya: U thibi at ame hadruo nya me omeli nya; Khonguk lö, ca he ka bec.

Salamo 9:14

Me inye he ka haimemenâ je hofuc hia hnân oganö u: Ke oge me he ka senyinâ ûhomeli gam, Hnyi je homagouleny hlu nöku Ziona.

Salamo 95:1

AI öbun ate me he ka khumöng ko Iehova: Ate me he ka hongot senyin ka kic at ame omeli ota.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 35:1

AME he hnyebuba me dok ae atgec ka senyin; kʼ ame he hnyot ka hobâ me vhong helâ me obedila.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 37:20

Iehova lö, Khonguhmun, walang ang ö u omeli öhmun dö ûnyi gan, me me khana hnen je dokhu hia eang hmeledrany a u thibi Iehova, a hake u ke.

Isaia 40:9

At ame omanenâ ûthumetu ae so kö Ziona lö, ölö thö ka hnyi bucen ae beû gorany; at ame omanenâ ûthumetu ae so kö Jerusalema lö, fuc hwege thö; fuc hwege thö goranyai ca ot bi; ha thö ka je tauniny Juda, ka habe, Wâ bi, Khongubun!

Isaia 41:16

U me he ka ulic ödra, kʼ ame he ang ka tûâ degeci ödra, kʼ ame he hou ka ovesei ödra: ke u me he ka senyini Iehova, ke u me he ka hobâ Kabi Isaraela.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 60:16

Ke u me he ka he minya ke ijem debainy ta je hnyei, ke ijem je basin ta je than: ke ame he ka khanö u a inya Iehova at ame omeli u, ke at ame ûcû melâm, Mani Jekob.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 64:4

Anyin a haba hwân kâû adrem, ame ca löng bi hnen tavat, me ca tevehlöng bi, ke ame ca wâ hnen ecmak ke Khong, ke hake u ke thibi, at ame huliwa kodra adre me halubahingen e.

Isaia 65:18

Ke so öbun e senyin me hobâ balua hnyi ûnyi oge me op: anyin a wâ bi, oge me op Jerusalema, hnân senyin, ke ta je aten hnân hobâ.

Isaia 8:17

Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Habakuka 3:18

Ke so bi oge me he bala bi nya ka hobâ kö Iehova, Oge me he ka senyin ka Khong at ame omeli nya.

Zakaria 10:7

Ke ame he at Eferaima ka helâ me at ae hwege, ke ame he je hnyekudra ka senyin helâ me tavat adre ic waina: eke, ame he je lakudra ka wâ me senyin; ame he je hnyekudra ka hobâ kö Iehova.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Filipi 3:1

HNYAT me lakeiny lö, walang obiny, ka habe, senyin dö hnyi Than. E ca gan huliwa könya he ka sihnalimen köbun ta je ûnyi a khaca bongon, ke so bi hnân otethmʼ öbun.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Tito 2:13

me halubahingen geju ae hnahic, me he ka manen dut hmanenanginy Khonguta ae beönua me At omeli öta Iesu Keriso;

I. Peteru 1:6

Wale öbun e senyin gan hmâ hnyin, ke so bi Öbun e ne hmak hnyi je ûcûbic ae ve bongon hnyi ong ûen walang ang, a ne ûcû,

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

II. Peteru 3:12

me tavat halubahingen me webun he ka o but bong bongon Khong, wale ame he ka thong drany me me he ka oköiâ e, ke ame be ka köiö but ge kahwa ae gan hmâ ta je ûnyi hia thithö?

Hna Omanenâ 1:7

Wâbie ame he ka o hnyi ta je ûlâ; kʼ ame he bi ka wâ e hnen ta je ecmak hia, me tavat waleji adre me dâ e; ke ame he ta ie tribu hia eang hmeledrany ka tenge thungaû gan. Eke, Amen.

Hna Omanenâ 22:20

Haba at ame ha wia ta je ûnyi eang, me e ame ha, ka habe, Eke: oge me he ka ie o. Amen: Than lö, Iesu, aiö u.