Isaia 25:8 - Iaai Bible 1901 (New Caledonia)

⁸ E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 25:8 ပူးပေါင်းရင်းမြစ်များ

Salamo 116:8

Anyin a u je hia but omelo hanuk me me ca mok, Me li emakök me me ca tenge, Me li cak me me ca ta.

Salamo 69:9

Anyin a hia but uto nya hnen weny ae gan ka hnyi umâm uma; Kʼ ame ta but huk ta jeʼ ûhiö anyin tavat adre me hiö u.

Isaia 26:19

Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Isaia 30:19

Anyin ame he tavat ka laba hnyi Ziona wale Jerusalema: u me ca he ka tenge hmetu; ke e ame he ka betenge gam hnyi hnâm hna hongot; ke ka long, me ame be ka thu köu.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 37:3

Ke ödrin e ha kâu, ka habe, Walang hna ha hnö Hezekia, ka habe, Bonginy vec, me û, me ûhaikonguny bong ang: anyin a ûen a o ta je wanakat, ke ba at ae hwege he ka hnokoâ.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Isaia 54:4

Ca ot bi; anyin a u me ca he ka hmehma: ke ca hlohlo bi; anyin adre me ca he ka ohmehmai u: anyin a u me he ka hnying hmehma waleji u ka tiga ûhnyûkong, ke u me ca he bi ka ûnykûme hna ohmehmai u waleji u tiga safac.

Isaia 60:15

Anyin a adre hia but digic u me hûkötiö u, waleling me me ca he ke at unyâm, awe, oge me he bi nya ka wiö u hnân hnyei ae mec nyiele balua, ke hnân senyin hnyi ta je dö ae se hia.

Isaia 61:7

Ame he ka lo li hwaban köbun, hwaban anyibun hmehma; ke hwaban imonumonuny adre me he ka senyinâ jekhöûdra; anyin a wale adre me he ka olo hu hnyi idra hnyei: kʼ adre me he bi ka senyin nyiele balua.

Isaia 65:19

Ke oge me he ka senyinâ Jerusalema, me hobâ ta je atök: ke adre me ca he hmetu ka long hwan thungaû, me tenge.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Jeremia 31:16

Walang hna ha hnö Iehova, ka habe, Soju hwâm hwatenge, me khula a li deköiâm: anyin adre me he ka bi troban ânyâm huliwa, haingö Iehova; ke adre me he ka hmetu ûnyi hnyi hnyei iny je iwahnaihmiony.

Hosea 13:14

Oge me he ka hûgûnʼ ödra ûnyi hnyi maniny erkemok; oge me he ka omeli ödra ûnyi ge mok: Mok lö, ewa ânyâm je ûokonguny? Erkemok lö, ewa hnâm hna ûhangö? adre me he ka ikhâlâ ietra ge li emakök.

Luka 1:25

A mâdrâ helâe könya Than hnyi ta je bong e ame ō nya hnyin, he ka degec anyik hmehma hnyi hnyimakan tavat.

I. Korinito 15:26

Haba iwahnaihmiöny a biliny e ame he; ka ohia, me mok.

I. Korinito 15:54

Ke at ka hia but khavâ hna bobot eang ge hna ca bobot bi, me hna mok eang ge hna ca mok bi, awe, ame he ka hwâdâ thö hna sihnalimen, ka habe, Ame utâ but mok hnen dokhu.

II. Timoteo 1:10

ke manen walang ang ge ioiny At omeli öta a Keriso Iesu, waleji at a ohia mok, me omanenâ möt, me ca mok hmetu bi hnen ûthumetu ae so,

I. Peteru 4:14

Adre ne haikongu öbun can ien Keriso, hnobun hnahic; anyin ame laba unyibun Hanon hmanenang me Hanon Khong.

Hna Omanenâ 20:14

Me adre me khûö mok me Hedis ka hnyi nem a meic. Wale mok a loiny, a nem a meic.

Hna Omanenâ 21:4

ke e ame he ka kot degecâ ta je deköiö hia ûnyi hnyi ta je emaködra; ke ba hmetu bi mok; keʼ ba hmetu bi hnyok ae hmak, me tenge, me vec: a hia but ta je ûnyi a bân.

Hna Omanenâ 7:17

anyin ame he Arenio ka hat ödra, waleji a e hnyi wanben theron, ke e ame he ka lili ödra ka hnyi köiöiny möt ame pupua: ke ame be Khong ka kot degecâ ta je deköiö hia ûnyi hnyi ta je emaködra.