Isaia 25:6 - Iaai Bible 1901 (New Caledonia)

⁶ Ke ame he Iehova tuhan sabaoth ka ânyâ hnyi bucen ang hobi kâu ta je hnyei hia thithö bijeû ge ta je ûnyi ae pipikhenya, bijeû waina adre tha ip me kolon, ke adre ânyâwia.

Isaia 25:6 ပူးပေါင်းရင်းမြစ်များ

Salamo 36:8

Adre me he ka sekudra gan hmâ ge ta je ûnyi ae pipikhenya hnyi umâm uma; Ke u me he ka habelidra ge wageweiny ânyâm senyin.

Salamo 63:5

Ame he ka sekon hanuk helâ me hnen onyen je jö me pipikhenya; Ke ame he hnyimök ka oganö u hnen li esongodiny senyin;

Salamo 78:68

Ke e ame ûca tribu Juda, Wale bucen Ziona e ame hnyok kâu.

Khumöng Hwanyi Solomona. 1:2

E so e ame ûcimhnyimak mönya ge je ûûcimhnyimakiny hnyimen: Anyin ae so ânyâm ibetengiö hon waina.

Khumöng Hwanyi Solomona. 1:4

Lili nya thö; mʼ ohmun e he ka wadring hotom: Than ame su nya ka hnyi je hnyeuleny: Öhmun e he ka senyin me hobi u, Öhmun e he ka ha gânâ ge ânyâm ibetengiö hon waina: Adre me hnyok köu hnyi wisa.

Khumöng Hwanyi Solomona. 5:1

INYA oge me o ka hnyi ik hnyei, waek, öiök: Oge hia but auk anyik muro, ke anyik je ûö ae bo so; Oge me an anyik hani adre ca hlec tha e me hani; Oge me ijem anyik waina me debai. Je lahanök lö, han ju; Öbun laoûnykûmik lö, ijem gânâ thö.

Isaia 1:19

Öbun e ne hmehmela me long, me öbun e he ka an so ûnyi hnyi kânâ:

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Jeremia 48:11

Haba Moaba ame hia but laba menâ hwân ke tiga hidröu, me laba hon anyin je atmen, ke adre ca hingâlâ e ûnyi hnyi ke kaia ka hnyi ka kaia, ke adre ca hia but hom hwenbâ e: anyin a wale e bi hnebwiainy, ke ame ca wia bi bunen e.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Mataio 26:29

Ke inya oge me ha köbun, ka habe, oge me ca he hmetu ka hnyi ijem wan vine eang, ke ne o but hnyi bong oge me he ka tha ijem mʼ öbun hnyi dökhu dokhon Kamök.

Mataio 8:11

Ke inya oge me ha köbun, ka habe, E se hia tavat adre me he ka he ûhedra jimeyö me jimeû he ka tha laba me Aberahama, me Isaaka, me Jekob, hnyi dökhu hnyi drany:

Mareko 16:15

Ke haingen ködrin, ka habe, He thʼ öbun ka hnyi hmeledrany hia thithö ka khetâ evangelia ka tavat hia adre op.

Luka 22:30

mʼ öbun e he ka han me ic hnyi anyik laulau hnyi dökhuk dokhu; ke öbun e he ka ve laba hon je theron he ka owisa ta je tribu anyin at Isaraela a twelv.

Luka 5:39

Ke ba at ame ijem waina ae kueny jut me ame he bi ka weny tebûnyi, ke haingen dö, ka habe, E so ûnyi ae kueny.

Heberu 12:22

ke so bi, öbun e o but ka hnyi bucen Ziona, ke ka hnyi taun anyin Khong ae möt, wale Jerusalemainy drany, ke ka ta je angela a ca hnân aû,

Hna Omanenâ 19:9

Ke haingen könya, ka habe. Sihnalimen ju, ka habe, Hnödra hnahic adre me hawâ ka hnyi bijeûiny faipoipo anyin Arenio. Ke haingen könya, ka habe, Wale hofuc ae hnathu hwan Khong.