Isaia 25:5 - Iaai Bible 1901 (New Caledonia)

⁵ U me he ka hom ûhnyûkongo mede anyin je atkanyua, helâ me kahwa hnyi dok ae hwahwacit; adre me he ka hom ûnyûkongo khumöng anyin tavat ae hwege hnyimakodra helâ me kahwa hnyi baten hmenon ûlâ.

Isaia 25:5 ပူးပေါင်းရင်းမြစ်များ

Salamo 105:39

E ame ulolo ûlâ hnân tube, Me meic he ka hûnû ödra hnyi hnyinghet.

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 14:19

Ke haba u, me adre digic u helâ me anginy ae ikiki ke ba erkemok gam, ke helâ ûkhaûen komok, adre dâ ge hele vat, adre me utut ka hnyi ta je veten thop; ke helâ me komok adre; me uto hmelen je cadrin.

Isaia 18:4

Anyin a walang hna ba hnö Iehova könya, ka habe, Oge me he ka laba wia, me wâ hnyi hnyabak; helâ me hlöng ae gan e ka o seuno, ke helâ me hauiny ûlâ e ka hlöng hnyi ûen menu.

Isaia 25:6

Ke ame he Iehova tuhan sabaoth ka ânyâ hnyi bucen ang hobi kâu ta je hnyei hia thithö bijeû ge ta je ûnyi ae pipikhenya, bijeû waina adre tha ip me kolon, ke adre ânyâwia.

Isaia 49:10

Adre me ca he ka mekihnânem me beic; ke ame ca he ka li ödra kahwa, me seûno: anyin ame he at a betenge gadra ka hum ödra, me su ödra ka hnyi an ame pupua.

Ezekiela 38:9

Ke u me he ka ölö me o helâ me weneû, u me he ka helâ me ûlâ ame tube hnyei, u, me ânyâm je deö vat hia, me je hnyei ae se hia tha ödra möu.