Isaia 25:4 - Iaai Bible 1901 (New Caledonia)

⁴ Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Isaia 25:4 ပူးပေါင်းရင်းမြစ်များ

Salamo 107:41

Ke so bi e ame ogöranyâ at ae vec ûnyi hnyi vec, Me osehiâ anyin lap helâ me hnahat mamoe.

Salamo 119:31

Oge me kece ka hnâm ta je hna ohnathoâ: Iehova lö, ca ohmehmai nya but.

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 121:5

Iehova thibi at ame tuö u: Iehova thibi hmenom hnyi hnyamâm a metâm.

Salamo 35:10

Ame he je jeiok hia ka ha, ka habe, Iehova lö, ie at ae ûcû möu, At ame omelo at ae vec ûnyi ge at ae hwege hon, Eke, me at ae vec me theduoc ûnyi ge at ame söh e.

Salamo 55:8

Oge me he ka logot ka tung Ûnyi ge ang ae gan me weneû.

Salamo 72:13

Ke e ame he ka betenge ge at ae vec me at ae theduoc, Kʼ ame he ka omelo je hanon tavat ae ba ta ûnyi.

Salamo 72:4

E ame he ka owisa tavat ae vec hnyi hnyei, E ame he ka omelo lakon tavat ae ba ta ûnyi, Me thu omomono at ame ûokonguny.

Salamo 9:10

Ke haba tavat ae khanʼ ödra iâm, me adre me he ka labageju köu; Anyin a haba u, Iehova, u je ca hna degecâ tavat waleji adre me elöm u.

Salamo 91:1

HABA at ame laba hnyi hna lubaduöng anyi Beönua, Me ame he ka laba bala huyi hmenon Ataekhanahia.

Isaia 11:4

ke e ame he ka owisa ka ta je theduoc hnyi hwakecin ae wisa, me nâ hnyi tulut ae ûcû ka tavat ae menyik eang hmeledrany: ke e ame he ka kot hmeledrany ge osöiny hnyimen, me hlingâ tavat ae kong ge homenâ ûnyi hnyi hnyimen.

Isaia 14:32

Ke ieû hnân thu ka je ûthumetuiny je hnyei? ame ha, ka habe, A hia but Iehova bi taben Ziona, ke ame he ta je aten adre me vec ka lubaduöng hnyin e.

Isaia 16:3

Ha ju bongon, owisa thö; bi hmenom ju helâ me lit hnyi jebigo: ikhâlâ ju je hna obâ; ca he ka hâiâ tavat adre kec.

Isaia 17:10

Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 27:5

Ke walang khaca, e so e ame kât tang hwegiök, me me ûsoköu mönya.

Isaia 28:6

me hnân hanuiny hna owisa ka at ame laba hnyi tap owisa, me hnân tang hwege kodra adre me ohmetuhmeto vat ûnyi hnyi homagöule.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 29:20

Anyin adre me oûnyibaûâ at ûöveci, ke a obiny jut at hlumö at, ke adre me subâ degeci ödra hia thithö adre me hmâkâ hwakecin ae kong:

Isaia 29:5

Ke ame he ka ûcû me sesâ ame gâ ûganiny je iwahnaihmiony möu, ke ame he ka helâ me unen hwit ame oû ang ûseiny tavat ae hwege hnyimakodra: eke, e ame he ka ie o helâ me thuthubademak.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 33:16

awe, e ame he ka laba hnyi dok ae gorany: ke hnen hna lubaduöng bi je kic a je hnabâ: adre me he ka hûn e; ame he ka tethmâ hna habelen e.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 37:36

Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Isaia 57:13

U ka tenge, me hamen je hnyat u je ûkhacaköuâ he ka omeli u; ke so bi, ame he ka tûʼ ödra hnen ang, ame he homenâ ka hom degeci ödra hia thithö: ke ame he bi ka hu hnyei hnen tavat adre me labageju könya, ke idra bi anyik bucen ae kap.

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Isaia 8:14

Ke e thibi hnân dok ae kap; ke veto hnân setu me kic hnân öhûkötö ka li lap anyi Isaraela, hnân hnewe me ofific ka tavat adre me laba hnyi Jerusalema.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Ezekiela 38:9

Ke u me he ka ölö me o helâ me weneû, u me he ka helâ me ûlâ ame tube hnyei, u, me ânyâm je deö vat hia, me je hnyei ae se hia tha ödra möu.

Zefania 3:12

Ke oge me he ka ip hnyi wanbâm ta je hna ovecâ me theduoc, ke adre me he ka labageju ka iö Iehova.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.