Isaia 25:1 - Iaai Bible 1901 (New Caledonia)

¹ IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 25:1 ပူးပေါင်းရင်းမြစ်များ

Salamo 111:4

E ame hia but wia me hnân ûnykûme anyin ta je huliwa hnân lâiâ: E menyik Iehova me unöngöt ge ibetengiö.

Salamo 118:28

U thibi Khonguk, ke oge me he ka ole köu: U thibi Khonguk, oge me he ka ogöranyi u.

Salamo 145:1

KHONGUK lö, Than, Oge me he ka oganö u: Ke oge me he ka haisoâ iâm nyiele nyiele balua.

Salamo 146:2

Oge me he ka oganö Iehova inye tiga möt. Oge me he ka khumöng oganâ Khonguk e me tiga inya ang.

Salamo 31:15

Haba bonguk ta je bong me eû hnyi hnyamâm: Ö u omeli nya ûnyi hnyi hnyamen ta je iwahnaihmiony mönya, me tavat adre me sedö nya.

Salamo 40:5

Iehova Khonguk lö, e se hia ânyâm ta je huliwa hnân lâiâ u je ânyâ, Me hnâm ta je hna ûnykûme kohmun: Ca hnân he ka ha gaga köu; Oge ne beomanenâ me ha, Me ti se hia hmönvin a ca hnân bi aû.

Salamo 40:6

E ca wem hut adre me hlingâ me bwihlany; U je koû li hnyikönyök: U je ca hawâ hudiny leû me hudiny hulo.

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Salamo 75:2

Iny ka he ka wâ ûen adre thu, Me oge me he ka owisa hnyi wisa.

Salamo 78:4

Ate me ca he ka ikhâlâ ge ta je mâtrânidra, Kʼ adre me he ka ha gaga je hna oganö Iehova ka dö ame he ka o but, Ke tang hwegien, me ta je ûnyi hnân lâiâ gan waleji e ame ânyâ.

Salamo 89:1

OGE me he bi nya ka khumöngö ibetengiö anyi Iehova nyiele balua: Oge me he ka omanenâ ânyâm hnathu ge hnyimök ka ta je dö hia.

Salamo 98:1

KHUMÖNGÖ thö kö Iehova khumöng a teb ûnyi; Anyin a e ame hia but ânyâ ta je ûnyi hnân lâiâ: Haba hnyamen a metân, me benyin ae kap ödru me hia but ânyâ ûhomeli hobi kâu e.

Salamo 99:5

Ogöranyi Iehova thö a Khonguta, Ke khudrung ju hnyi taben li hnyeûcan: E kap thibi e.

Esodo 15:2

Ja, a tang hwegiök me anyik khumöng, Ke e thibi ûhömelik: Wale thibi e Khonguk, ke oge me he ka haisoâ; Khongu cica, kʼ oge me he ka ogöranyâ.

Isaia 11:5

Ke wen hnyekon hwakecin bi ae wisa, ke wen fetriny hwakecin bi ae hnathu.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 26:13

Iehova Khonguhmun lö, adre hia but musi öhmun hnen ke je than minya; ke hake u ke thibi, mʼ öhmun e he ka ogânâ iâm.

Isaia 26:8

Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Isaia 28:29

Ame o minya ûnyi ga Iehova tuhan sabaoth, at ae khana bongon hnân lâiâ, ke e gan hmâ anyin metâ.

Isaia 40:27

Anyin a ieû gam Jekob u me ha, ke u Isaraela u me fuc, ka habe, E iyong kö Iehova dek gethen, ke a he but ûnyi ge Khonguk hna owisa könya?

Isaia 46:10

at ame haimemenâ obiny ûnyi hnyi can, ke ame ha ehac ta je ûnyi a ödra, tiga ca ânyâ bi; kʼ ame ha, ka habe, Ame he ka tethmâ anyik musi, ke oge me he bi nya ka ânyâ hia wek:

Isaia 46:11

at ame hawâ meno ame gâ ae behan ûheny jimeio, ûheny hnyi hnyei ae sâkâû, waleji at oge me ûsabö mē; eke, oge hia but ha, me oge me he ka ohwâdâ e; oge hia but ip hnyi hnyekuk, me oge me he bi ka ânyâ.

Isaia 49:4

Ke haingök, ka habe, Oge hia but huliwa baû, ke a dit ut hwegiök, ke ba troban ke ûnyi baû bi: ke so bi, e hnathu, hamö Iehova be ka owisa könya, ke e unyin Khonguk hwabök bi.

Isaia 49:5

Ke walang ang ame ha Iehova, at a up nya ûnyi hnyi hnyok mʼ inya athnyabainy, he ka ohmetu Jekob kâu, me me ûkhacaköu hmetu Isaraela unyin: (anyin a inya at adre ogânâ hnyi hnyimakö Iehova, ke haba Khonguk me wale tang hwegiök:)

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 7:13

Ke e ame ha, ka habe, Lap anyi Davita lö, long ju walang ang; hawa, ûnyi ae ûhnyûkong e öbun e ovecâ at, ke öbun e he minya ka ovecâ Khong?

Joela 2:26

Ke öbun e he ka han me sekubun, me ogânâ iö Iehova Khongubun, at ame hia but ânyâ ûnyi hnân lâiâ unyibun: ke ame ca he balua bi lakeik ka hmehma.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Efeso 1:11

ke hu minya jekhöûta unyin, ke adre ip öta adrem helâ me weny, wale at ame huliwan ta je ûnyi hia hoton ûnykûmenen weny;

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.

Hna Omanenâ 19:11

Ke oge me wâ drany adre khong; ke wâ bi hors ae hau, ke haba li ien at ame tabâ e me Wisa me Hnathu; ke e ame hnei me vat hnyi hwakecin ae wisa.

Hna Omanenâ 7:12

me ha, ka habe, Amen: Hobi kâu Khonguta hna haisoâ, me hmanenang, me metâ, me ole, me hna ogânâ, me man, me hwege nyiele nyiele balua. Amen.