Isaia 24:5 - Iaai Bible 1901 (New Caledonia)

⁵ E ikiki hnyei hmelen tavat adre me labā e; anyin adre me hanyâûâ ta je hnanyibu, me wia hna otilâ, me thu hna ûhihinyköu a nyiele balua.

Isaia 24:5 ပူးပေါင်းရင်းမြစ်များ

II. Samuela 23:5

Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.

II. Je Than 21:12

anyin a wale, walang hofuc ho Iehova, Khongu Isaraela, ka habe, Wâ bi, oge me he bi nya ka oâ ûokonguny hnyi Jerusalema me Juda, me me he ka umet hnyikonyen tavat, ödrin ka long.

II. Je Than 21:15

Anyin a ödrin e hia but ânyâ ûnyi ae kong hnyi hnyimakök, me ohmönyini nya, hwân hnyi bong a o hnyin lakamödrin ûheny Aigupito, ke ne o but hnyi bong ang.

II. Man Ûlabainy Je Than. 33:9

Ke haba Manase ame omono at Juda me tavat adre me laba hnyi Jerusalema, me ödrin e ânyâ hulo ae gan hon ta je hnyei, waleji a ohia ga Iehova hnyi hnyimakan lakon Isaraela.

Salamo 105:10

E ame otethmâ kö Jekob me hnân hnanyibu, Kö Isaraela hnân ûhihinyköu a nyiele balua:

Salamo 55:5

Ame o but könya ot me öbubuny, Kʼ ame hûlûlûö nya hnen gâon.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 30:9

Anyin a ödra tavat ûkhin fuc, tavat thoi, tavat höcö long hnanyibu anyi Iehova:

Isaia 33:8

E ba but aten je hna cit gethen, kʼ ame ca ngenu tavat: e ame hia but thu ûhihinyköu, e ame hia but hûkotiâ je taun, e ame ca ûnykûme at.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Jeremia 11:10

Adre me hmetuhmetu but ka je hulo anyin lakamödra waleji adre me höcö long hok ta je hofuc; ke adre me hnu hoton ke je khong he ka bi athnyaba ködrin: a hia but lap anyi Isaraela me lap anyi Juda thamuâ ûhihinyköu, waleji oge khemanyinâ ka lakamödra.

Jeremia 50:5

Adre me he ka hnö ge Ziona me hnyimakodra kâe, me ha, ka habe, Ai öbun, ate me he ka ûkhacaköu unyi Iehova, hnyi ûhihinyköu a nyiele balua, ke ca hnân hnying.

Ezekiela 16:59

Anyin a walang hna ha hnen Than Iehova, ka habe, Oge me he bi nya ka ânyâ köu helâ me hnâm hna ânyâ, anyin a u je hûkotiâ hna khemanyin me thamuâ ûhihinyköu.

Ezekiela 20:13

Ke haba lap anyi Isaraela adre me ûkhin fuc mönya hnyi hnyebuba: adre me ca vheno anyik je hnanyibu, ke adre me hûkotiâ hnok je hna owisa, waleji a e ka he at ka mâdrâ, me ame he ka möt hnyin; ke adre me okongoâ gan hmâ anyik je sabath: me oge me ha a oge me he ka hingâlâ anyik hmönyin hudra hnyi hnyebuba, he ka ohiʼ ödra but.

Ezekiela 20:24

anyin adre me ca hia but ânyâ hnok je hna owisa, ke adre me hûkotiâ anyik ta je hnanyibu, kʼ adre me okongoâ anyik ta je sabath, ke adre me hnyimakodra ka ta je idola anyin lakamödra.

Ezekiela 37:26

Ke oge me he ka ânyâ mʼ ödra ûhihinyköu ûsoköu: me ûhihinyköu a nyiele balua mʼ ödra: me oge me he ka ti ödra, me osehiʼ ödra, me ip unyidra anyik dok ae kap nyiele balua.

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Daniela 9:10

kʼ öhmun e ca hia but long hoton ifuci Iehova Khonguhmun, he ka vheno anyin je hnanyibu, waleji e ame ip hnyi hnyimaköhmun a deny lathnyabainy a ta je perofeta.

Daniela 9:5

öhmun e hia but ânyâ hulo, ke hwakecin ae hwali, ke hwakecin ae kong, ke ûkhin fuc, ke saû ûnyi hnyi hnâm je hna hûna ke hnâm hna owisa:

Hosea 6:7

Ke adre hia but hanyâûâ ûhihinyköu helâ me Adamu: kʼ adre me iyawo nya eling.

Levitiko 20:22

Anyin a wale öbun e he ka tuö anyik je hnanyibu, me hnok je hna owisa hia, me ânyâ e: me ca he hnyei ka hmita degeci öbun, wale oge me hum öbun ka hnyin he ka labâ.

Levitiko 26:35

Hnyi ûen itremacat e hia e ame he ka menâ; anyin a e ame ca menâ hnyi anyibun je sabath, walʼ öbun e labâ.

Mika 2:10

Todrʼ öbun, ke he thö; anyin ae ba hna menâ köbun eang: can ûnyi ae kong, at ame ohia, wale at ame ti ohia.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Deuteronomi 32:20

Me e ame ha, ka habe, Oge me he ka ikhâlâ hnyimakök gadra, Oge me he ka wâ ieû obiny ködra: Anyin a ödra me dö ae ûjöng, Je wanakat ae ba labageju.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 9:1

E HNATHU, haba ûbihinyköu a bân, me e hu hnyin ta je hanymen hmi, me dok ae kap, a wale hnyi hmeledrany.

Josua 23:16

Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.

Josua 24:25

Me haba Josua ame ûhihinyköu me tavat hnyi bong eling, me otilâ hobi ködra hnanyibu me hna owisa hnyi Sekema.