Isaia 24:23 - Iaai Bible 1901 (New Caledonia)

²³ Ke ame he ka hmak tehi, me hmehma bi seûno; anyin ame he Iehova tuhan sabaoth ka musi hnyi hmanenang hnyi bucen Ziona, me hnyi Jerusalema, me hnyi hnyimakan anyin wahingat.

Isaia 24:23 ပူးပေါင်းရင်းမြစ်များ

Salamo 97:1

IEHOVA ame musi; e so e hobâ hmeledrany; E so e senyin ta je bomene ae se hia.

Esodo 15:21

Ke haba Miriama ame thu me ha, ka habe, Khumöngö thʼ öbun kö Iehova, anyin a e ame ti hom dökhu; A hia but khûâ hos me at ame tabâ ka hnyi köiö.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 13:10

Anyin a haba ta je okhûiny drany me ta je deo okhûiny, ame ca he ka manen melamidra, ke ame ca he tehi ka oumumelamâ.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 33:17

Ame he li emâkâm ka wâ Than hnyi anyin hmanenang: Ödru me he ka wâ hnyei ae beû hmâ hmonyin.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 52:7

E so hmonyin hon je bucen li can at ame hom ûthumetu ae so, at ame haimemenâ ûsoköu, at ame hom ûthumetu ae kese, at ame haimemenâ ûhomeli; at ame ha kö Ziona, ka habe, Ame musi Khongom!

Isaia 60:1

HÖHÖI thö, umumelam dö; anyin a o but melamâm, ke a o but hom hmanenangi Iehova.

Isaia 60:19

Ame ca he hmetu seûno ka hnân melamâm hnyi lany; ke ame ca he ka omelami u ge melaminy tehi: kʼ ame he Iehova ka olanyi u nyiele balua, ke Khongom a mecâm.

Isaia 60:20

Ame ca he hmetu ka dit ânyâm seûno, ke ame ca he bi ka hia ânyâm tehi: anyin ame he Iehova ka melamâm nyiele balua, ke adre me he ka umo je bonginy tenge a u.

Ezekiela 48:35

Ke haba je hlowe igigilo me eitin thauzan: ke hwân hnyi bong eling haba ien taun, me, Iehova bi eling.

Daniela 7:18

Ke ame he ka kap dokhu hnen tavat ae kap anyi Beönua, mödrin e hu bala bi dokhu, wale nyiele nyiele balua.

Daniela 7:27

Ke haba dökhu, me musi me ûganiny ta je dökhu eang hmeledrany hia, adre me he ka ham ka tavat ae kap anyi Beönua: dökhu ae hmâ dokhon dökhu, ke ame he ta je musi hia ka bi athnyaba me löng kâu.

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Joela 3:15

A lit ut seûno me tehi, ke ame ca melam ta je okhû.

Obadia 1:21

Ke ame he tavat ûhomeli ka o ka hnyi bucen Ziona he ka owisa ka bucen anyi Esau; ke ka anyi Iehova bi dokhu.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Zakaria 14:6

Ke haba hnyi bong eling, ame ca he ka tha e bi lany me melam me menekholom:

Zakaria 14:7

ke ame he ka khaca bong ae manen kö Iehova; ca lany bi, ke ca lit bi: ke so bi hnyi sahac ame he ka lany.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Mataio 24:29

Ke hwaban vec hnyi ûen eling, ame he ka ie menekholom but seûno, ke ame ca he hmetu ka melam tehi, ke ame he ka kolu but ta je okhû, ke adre me he ka jijing ta je man hnyi drany:

Mataio 6:10

E so e o but dokhom dokhu. E so adre me ânyâ wem eang hmeledrany e me ûcû me ethö hnyi drany.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Heberu 12:22

ke so bi, öbun e o but ka hnyi bucen Ziona, ke ka hnyi taun anyin Khong ae möt, wale Jerusalemainy drany, ke ka ta je angela a ca hnân aû,

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 14:1

KE oge me wâ, ke wâ bi Arenio ame tot hon bucen Ziona ke e unyin tavat a wan haded ke fâte foa thauzan, ke adre hia but sihnalimen ien, ke ien Kamen hnyi hon je baridra.

Hna Omanenâ 19:4

Ke haba wahingat a twente foa, ke ta ûnyi a vak ae möt, me ödrin e ta ju me khudrung ka Khong at ame tabâ theron, me ha, ka habe, Amen; Haleluya.

Hna Omanenâ 19:6

Ke oge me löng helâke hwan tavat ae se hia, ke helâke hwan ta je köiö ae se hia, ke helâke hwan hendreng ae gan hmâ ame ha, ka habe, Haleluya: anyin a Than a Khonguta Ataekhanahia ame musi.

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.

Hna Omanenâ 22:5

Ke ame ca he hmetu ka lit; ke ca ûnyi hnathu bi kodra lamepa, me melaminy seûno; anyin a he Than a Khong ka melamidra: ke adre me he ka musi nyiele nyiele balua.