Isaia 24:22 - Iaai Bible 1901 (New Caledonia)

²² Ke adre me he ka ûkhacaköu ödra helâ me hna ûkhacaköuâ tavat adre cʼ ödra hnyi thop, kʼ adre me he ka hlöng hwanuma hnyi uma ceat, ke hwaban ta je bong ae se hia, me adre me he ka senʼ ödra.

Isaia 24:22 ပူးပေါင်းရင်းမြစ်များ

Isaia 10:4

Adre me he bi ka tha iyâû thibi me ta je bâ, me tha ta me tavat adre me hlingâ. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Isaia 2:19

Kʼ ame he ka dit tavat ka hnyi hnyin ta je op hnyi je kic, ke eû hnyi hnyin ta je uthankonginy kânâ ûnyi ge hna outö Iehova, ke ûnyi ge anyin hmanenang ae mec, hnyi ûen e ame he ka todrö ka jijingâ hwegiâ hmeledrany.

Isaia 24:17

Aten hmeledrany lö, e but unyâm ot, me thop, me hnewe.

Isaia 42:22

Ke hnyei adre hûgûnâ me söh hnyei ang; ke adre nuc ödra hia thithö hnyi je thop, ke adre ikhölʼ ödra hnyi je uma ceat: ödra a tavat hnân hûgûnâ, ke ba at ame tubi ödra; me hnân söh, ke ba at ame ha, ka habe, Ham hmetu but.

Ezekiela 38:8

Ke hwaban je bong ae se hia adre me he ka senö u: ke hnyi je huna a biliny u me he ka o ka hnyi hnyei adre ohmeto ûnyi hnyi hele vat, wale adre ûkhacaköu ûnyi hnyi je hnyei ae se hia, hon je bucen Isaraela ae itremacat but ehac: ke adre hom e ûnyi hnyi je hnyei, ke adre me he ka laba khotkic ödra hia thithö.

Zakaria 9:11

Ke haba u, can dren ûhihinyköu möu, me oge hia but kunâ tavat adre ca gam ûnyi hnyi thop ae ba köien.

Zakaria 9:12

Hmetu ju ka hnyi hnabâ, öbun tavat adre ca a tavat gejon: inya oge me ha hnyi bong ang a oge me he, ka ibi olo ham köu.

Hna Omanenâ 20:2

Ke e ame kât drakona, wale on ehac, a wale Diabolo me Satana, me ame ca e ke ne o but hnyi wan thauzan je huna,