Isaia 24:18 - Iaai Bible 1901 (New Caledonia)

¹⁸ Ke ame he ka ta ka hnyi thop at ame kec ge hwan ûnyi hnân ootâ; ke ame he ka hnok hnyi hnewe at ame ölö ûnyi hnyi thop: anyin adre me khong ut je mamalamainy drany, me ame bwebwet dö je taben hmeledrany.

Isaia 24:18 ပူးပေါင်းရင်းမြစ်များ

Genese 19:24

Ke Iehova ame ota we hon Sodoma me Gomora a teio me meic ûnyi hnyi drany ga Iehova;

Genese 7:11

Haba hnyi huna a siks hadediny möt anyi Noa, hnyi tehi a loiny, hnyi bong a seventininy tehi, haba hnyi bong eling ame patrutrua thö ta je pupuainy köiö ae gan hmâ, kʼ adre khong ut je mamalamainy drany.

II. Je Than 7:2

Haba taben, waleji a he cimâ hnyamen than, ame thu ka aten Khong, ka habe, Wâ bi, ame ne he Iehova ka bi mamalama hnyi drany ame ne he ka manen ûnyi e? Ka haingen, ka habe, Wâ bi, u me he ka hnyi wâ e ge li emakâm kʼ u me ca he ka hnyi han.

Jobu 20:24

E ame he ka kec ge ûnyi hnân vat a fao, Kʼ adre me he ka fana e ge cafana bras.

Salamo 18:15

Ke manen dut je deny je di, Kʼ adre me omanenâ ta je taben hmeledrany, Ge hnâm hna thawâ, Iehova, Ûnyi ge homenâiny li hnyingoiâm ae hwege.

Salamo 18:7

Ke ame bwebwet me öbubuny hmeledrany, Ke memeny dö minya taben je bucen, Ke okokok ut, anyin a e hmonyin.

Salamo 18:8

Ame sâ hai ûnyi hnyi li hnyingöiny, Ke meic ame han ûnyi hnyi hnyimen: Kʼ ame möt dö gan ta je walep.

At Khet 9:12

Anyin a haba at, e ca khana bi ûen: helâ me ta je wâ adre me hnok hnyi ert, me ta je meno adre me hnok hnyi hnewe, ke ame hnok dö e ûcû mödra tavat hnyi ûen ae kong, e ka ie o ködra.

Isaia 13:13

Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

Isaia 2:19

Kʼ ame he ka dit tavat ka hnyi hnyin ta je op hnyi je kic, ke eû hnyi hnyin ta je uthankonginy kânâ ûnyi ge hna outö Iehova, ke ûnyi ge anyin hmanenang ae mec, hnyi ûen e ame he ka todrö ka jijingâ hwegiâ hmeledrany.

Isaia 2:21

me me dit ka hnyin je esopiny kic, ke je khekheiny je kic ae ûjejong, ûnyi ge outö Iehova me anyin hmanenang ae mec, e ka todrö ka jijingâ hwegiâ hmeledrany.

Isaia 42:22

Ke hnyei adre hûgûnâ me söh hnyei ang; ke adre nuc ödra hia thithö hnyi je thop, ke adre ikhölʼ ödra hnyi je uma ceat: ödra a tavat hnân hûgûnâ, ke ba at ame tubi ödra; me hnân söh, ke ba at ame ha, ka habe, Ham hmetu but.

Isaia 8:14

Ke e thibi hnân dok ae kap; ke veto hnân setu me kic hnân öhûkötö ka li lap anyi Isaraela, hnân hnewe me ofific ka tavat adre me laba hnyi Jerusalema.

Jeremia 48:43

E but unyâm ot me thop, me hnewe, at ame laba! hnyi Moaba, haingö Iehova.

Jeremia 48:44

Haba at ame kec ge ot, e ame he ka ta ka hnyi thop; ke haba at ame ölö ûnyi hnyi thop, ame he ka hnok hnyi hnewe; anyin oge me he ka oâ kâu, jia Moaba, huna adre senʼ ödra hnyin, haingö Iehova.

Je tenge anyi Jeremi 3:47

Ame o but kohmun ot, me thop, me ba at, me hna ohia.

Ezekiela 11:8

Öbun e hia but outen hele vat; ke oge me he bi nya ka oâ köbun hele vat, haingen Than Iehova.

Ezekiela 12:13

Ke oge me he ka lau ûtök ert hon e, ke e ame he ka hnok hnyi anyik hnewe: ke oge me he ka hom e Babulona ai, ka hnyi hnyei at Kaledaia: ke so bi, e ame ca he ka wâ e, ke e ame he ka mok e.

Ezekiela 15:7

Ke oge me he ka wâhmʼ ödra; adre me he ka kec ge meic, ke ame he bi ka an hnen ke meic; ke öbun e he ka wâ a inya Iehova, iny ka wâhmʼ ödra.

Amosa 5:18

Ekölö gabun tavat öbun e weny bong bongu Iehova! hnân eû bong bongu Iehova köbun? e menekholom bi, ke ca melam bi.

Amosa 5:19

Ke helâ me at ame kec ge liona, kʼ ame ûkhanö bi me bea; ke ame ne dit hnyin uma ke ame ka ip hnyamen hnyi hna up uma, me ame oloû but on.