Isaia 24:11 - Iaai Bible 1901 (New Caledonia)

¹¹ Adre me tenge eû hnyi gethen can waina; e lit ut senyin hia, e hia but hobâ anyin tavat.

Isaia 24:11 ပူးပေါင်းရင်းမြစ်များ

Salamo 144:14

Hnyi ûen adre me hijen je hok ae gan haleta je bolok; Ke ba hmetu ûhagutö ka hnyi taun me hna utut hnyou ai, Ke ba hwatenge hnyi deta ta je gethen;

Ta je Vejec 31:6

Ham bi grâg ka at ame he but ka mok, Me waina ka at ae vec hnyekon:

Isaia 16:10

Ke adre me hom degecâ senyin me hobâ ûnyi hnyi hnyei ame wa wan; ke ame ca he ka hu hmetu khumöng, me hongot senyin hnyi je hnyei vine: ame ca he at ka uto waina hnyi je taben, a at ame ututo; oge hia but bi obiny kuku senyin.

Isaia 32:10

Öbun e he ka öbubuny hnyi je bong ae se hia hon khaca huna, öbun je momo ae monu: anyin ame he ka ba wan vine, ame ca he ka o hna menu.

Isaia 32:13

Ame he ka kû hnyi kânâ kânân lakeik ta je iwadekong me je iwateta-föcö, eke, hon je umainy senyin hia hnyi tauniny senyin:

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Isaia 9:19

Ame le degecâ hnyei ûnyi ge wathethot anyi Iehova: ke haba tavat, me helâ me uto hnân hiâ hnyi meic; ke ba at ame betenge ge liamekeiny mē.

Jeremia 14:2

Juda ame tenge, ke je homagouleny ame hlöuhlöu, adre me laba, ke hlit bi hon kânâ; ke ame o thö hwan tenge hnyi Jerusalema.

Jeremia 46:12

A long ut ta je hnyei ânyâm hmehma, kʼ ame unöngötö hnyei ge ûtengiâm: anyin a at ae hwege ame haû ge at ae hwege, kʼ ödru me tha ta ju.

Jeremia 48:33

Ke adre hom degecâ senyin me hobâ ûnyi hnyi hnyei a wa so ke ûnyi hnyi hnyei Moaba, ke oge hia but öba waina hnyi hna hlec wan vine: e ba at ame he ka utö me hongot senyin; haba hongot senyin, me helâ me ba hongot senyin.

Hosea 7:14

Ke ame ca hia but tenge je hnyekudra könya, ke adre me kuku tenge bi hon hnödra je hna mokut: adre me ûkhacaköu ge hwit me waina, kʼ adre me ûkhin fuc mönya.

Joela 1:12

E meleca thö vine, ke ba but meta; a mok dö rimona, me pama, me tapua, wale je ûöiny hia hnyei: anyin ame aû but senyin unyin tavat.

Joela 1:15

Ekölö ge bong! anyin ame he jem bong bongi Iehova, ke e ame he ka o helâ me hnaûhango ûnyi ge Ataekhanahia.

Luka 16:25

Ke haingö Aberahama, ka habe, Nokuk, ûnykûme ju a gʼ ame hu köu ânyâm ta je ûnyi ae so hnyi ânyâm möt, ke Lazaro thibiji ae kong anyin ta je ûnyi: ke walang ang e ame senyin, me u me vec biju.