Isaia 24:10 - Iaai Bible 1901 (New Caledonia)

¹⁰ Adre me hagutâ taun ae monumonu: adre hlöng je uma hia me me ca he bi at ka dit.

Isaia 24:10 ပူးပေါင်းရင်းမြစ်များ

Genese 11:9

Anyin a wale, adre me hwenyi ien e, Babela; anyin a Iehova ame omonoâ eling hwan hmeledrany hia: ke Iehova ame ovesei odra ûheny e ka hnyi hmeledrany hia.

II. Je Than 25:4

Ke adre me kia taun, me ame kec tavat vat hia hnyi hnyinghet, ödrin e gethen hnyi homagöule wanben li hak veto, hnyi utkânâ iny than: (ke e bi at Kaledaia cicö taun igigilo:) ke haba than ame kec hnyi getheniny dok ae tha hon.

Isaia 23:1

HOK honen Turo. Je huiny Tasesa lö, kuku tenge thö; anyin ae ba wan e, ke ba uma, ke ba hna dit: adre me omanenâ e kodra ûnyi hnyi Kitim.

Isaia 24:12

E ba onyen hnyi taun, ke adre kot homagöule ge hnaûhango.

Isaia 25:2

Anyin a u je wia taun me me je hna digic thatûnyi bi; ke taun adre up haginy me me ba wan: ke uma umen je atkanyua me me ca taun hmetu bi; ke adre me ca he bala bi ka op e.

Isaia 26:5

Anyin a e ame hia but öüo tavat adre me laba ethö, wale taun ae gorany: e ame ohnyikânâ e, me othahonâ e me sesâ.

Isaia 27:10

Anyin ame hake laba taun adre up haginy, hnyaba ae ba wan kʼ adre degec ut, helâ me hnyebuba: ame he ka han tot eling nokon kau, kʼ ame he ka mokut eling, me an ta je anginy.

Isaia 32:14

anyin adre me he ka hna bi uma ae mec, adre me he ka degec taun ae ti hu aten; ame he dok ae hut me tap tue ka hnân op nyiele balua, hnân senyin hnen je asinainy hnyot, hnân han tot hnen ta je hnahat meno;

Isaia 32:19

Ke ame he ka ta we ae wahma, hnyi ûen ame he ka û hnyot; ke ame he ka hnyikânâ taun.

Isaia 34:11

Ke ame he ka iny kati me kifoda, ke ame he ka labā e mun me oreba: ke e ame he ka inâ hon e tulutiny imonumonuny, me tulutiny e ba onyen.

Jeremia 39:4

Ke a ō ʼdra but Zedekia than Juda, me tavat vat hia, me adre me kec me he hnyi hnyinghet, ûnyi hnyi taun, hnyi gethen ûheny hnyi utkânâ iny than, hnyi homagöule wanben li hak veto: ke e ame vheno gethen ûheny hnyebuba.

Jeremia 39:8

Ke haba at Kaledaia adre me thong uma umen than, me je uma umen tavat ge meic, me kia hna up haginy Jerusalema.

Jeremia 52:7

Ke adre me kia taun, me ame kec tavat vat hia me he but hnyi hnyinghet unyi hnyi taun adre gethen hnyi homagöulen wanben li hak adre up veten, hnyi utkânâ anyin than; (ke e bi at Kaledaia igigilo taun:) ke adre me kec hnyi gethen ûheny hnyi dok ae tha hon.

Mika 2:13

Ame he at thö hnyi hnyimakodra: adre me hia but utut me be thö ka hnyi homagoule, me didrut hnyin: ke haba tuhödra ame he hnyi hnyimakodra, ke Iehova a hnyimakan kodra.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Luka 19:43

Anyin ame he ka o köu je bong, kʼ ame he je iwahnaihmiony möu ka okhibi kânâ igigili u, me tot igigili u, me hling u,

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Hna Omanenâ 18:2

Ke e ame ha ge hwan ae hwege, ka habe, A ū but, a ū but Babulona ae gan, kʼ adre wia e hnân hnyaban ta je demoni, me uma umen ta je hanu hia ae kong, me uma umen ta je meno hia ame gâ ae ikiki kʼ adre hûkotiâ.