Isaia 24:1 - Iaai Bible 1901 (New Caledonia)

¹ WÂ bi, Iehova ame öba ûnyi hnyi hmeledrany, me öba waniny, me ohnyimenâ e hnyikânâi, me oveseâ tavat adre me labā e.

Isaia 24:1 ပူးပေါင်းရင်းမြစ်များ

II. Je Than 21:13

Ke oge me he ka lelö hon Jerusalema tulutiny Samaria, me tulut adre otilâ anyin lap anyi Ahaba: ke oge me he ka kot Jerusalema helâ me at ame khut kaia, ame kot e me wia hnyimen hnyikânâi.

Nehemia 1:8

Ö u ûnykûme thö hofuc waleji u je hûna kö Mose a athnyabaem, ka habe, Öbun, ka he ka ânyâ hwakecin ae kong, me oge me he bi nya ka ovesei öbun ka hnyi je hnyei:

Salamo 146:9

Iehova ame tuö ta je atkanyua; E ame cö je nakahme, me je safac; Ke e ame ohnyimenâ hnyikânâi gethen; deny tavat ae kong.

Isaia 13:13

Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

Isaia 13:5

Ûhedra hnyi hnyei ae sâkâû, ûnyi hnyi je can drany, wale Iehova, a tha e me je omjehen anyin hmonyin, he ka ohia hia hnyei.

Isaia 2:19

Kʼ ame he ka dit tavat ka hnyi hnyin ta je op hnyi je kic, ke eû hnyi hnyin ta je uthankonginy kânâ ûnyi ge hna outö Iehova, ke ûnyi ge anyin hmanenang ae mec, hnyi ûen e ame he ka todrö ka jijingâ hwegiâ hmeledrany.

Isaia 24:19

A ti mou but hmeledrany, a aû but hia hmeledrany, a ti bwebwet hmeledrany.

Isaia 24:20

Ame he ka he ta tot hmeledrany helâ me at ae monu ge grâg; me bwebwet helâ me uma menâ; kʼ ame he ka hmak hon e je hna hanyâûâ, me ame he ka ta, kʼ ame ca he hmetu bi ka tot.

Isaia 27:10

Anyin ame hake laba taun adre up haginy, hnyaba ae ba wan kʼ adre degec ut, helâ me hnyebuba: ame he ka han tot eling nokon kau, kʼ ame he ka mokut eling, me an ta je anginy.

Isaia 29:16

Öbun e ohnyimenâ hnyikânâi ta je ûnyi! Hawa, adre me he bi ka ûnykûme ka at up kaia, me helâ me kânâ ae kece; me me he bi ûnyi adre tibet ka ha ka at ânyâ, ka habe, E ame ca up nya; me he ûnyi adre me tretrao ka ha ka at ame tretrao, ka habe, E ba metâ gan?

Isaia 29:2

me oge me he ka ovecâ Ariela, ke ame he ka hu hlöuhlöu me tenge: ke e ame he ka hing Ariela könya.

Isaia 30:32

Ko haba je hna hna hia ge uci at a i hanymen, wale ame he Iehova ka ip hon, ame he ka tha e me je bwinybet me kitara: ke e ame he ka vat mē ge je vat ae hwege.

Isaia 32:12

Adre me he ka khaû ûlaidra can ta hnyei ae kese, me can vine ae wa.

Isaia 33:9

Ame tenge me sēnyin hnyei: e hmehma Lebanona, ke meleca thö: ke ûcû but Sarona me hnyebuba; ke ame öbubuny Basana me Karemela.

Isaia 34:10

Adre me ca he ka ume e hnyi lit me lany; ame he bala bi ka o hainy: ame he ka ba wan e, hwân hnyi ke dö ke ne o but ka hnyi ke dö; e ba at ame he ka vheno e nyiele balua.

Isaia 34:2

Anyin a e but hmonyin anyi Iehova hon ta je hnyei hia, me anyin wathethot hon anyidra ta je utbavat hia: e a hia but ohiʼ ödra, e a hia but hnʼ ödra, inʼ adre me he ka hlingʼ ödra.

Isaia 42:15

Oge me he ka oba wan je bucen me je hut, ke omeleca anyidra ta je khölak; ke oge me he ka wia ta je wagewe me me je bomene bi, ke oge me he ka ohmö je an.

Isaia 5:6

ke oge me he ka oûnyibauâ e; ke adre me ca he ka ânyâwia me jien; ke ame he ka kû hnyin e je iwadekong me watetaföcö: ke oge me he ka hûna ka je ûlâ me me ca he ka ta we kâu.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 40:15

Me haba Johanana nöku Karea ame ha duöngâ kö Gedalia hnyi Mizepa, ka habe, Ö u më hnö nya but, me oge me he ka hlingö Isamaela nöku Nethania, ke ba at ame he ka wâ: can ieû e ame he ka hlingö u? ke ame he ka vese but at Juda tavat adre me ûkhacaköu köu, me ame he ka hia je kolon at Juda?

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 51:34

A hia but ön nya hnö Nebukaneza than Babulona, e ame hia but ohmöiöngi nya, e ame wiö nya me kaia ae ba onyen; e ame utö nya helâ me tanimo; e ame osekunâ e ge anyik ta je ûnyi ae ti senem; e ame obö nya kâû.

Jeremia 9:16

Ke oge me he ka ovesei ödra ka hnyi ta je hnyei a ca wâ bi gadra me hnen lakamödra: ke oge me he ka kunâ hotudra hele vat, ke ne o but oge hia but öaûʼ ödra hia.

Ezekiela 12:20

Ke ame he ka iny wau ta je taun adre me labâ, ke ame he ka ba aten hnyei; ke ame he ka khanʼ öbun a inya Iehova.

Ezekiela 24:11

Hwaban e otilâ e ae ba onyen hon je walep ae möt, me me kahwa, me hlâ brasiny, me me köiö but konginy eû hnyin, me me ohia vi hnyin.

Ezekiela 35:14

Walang hna ha hnen Than Iehova, ka habe, E ka senyin hia hmeledrany, me oge me he bi nya ka oba wan gam.

Ezekiela 5:14

Ke haba khaca, oge me he ka oba wan gam, ke adre me he ka haikongu u, unyin je hnyei igigili u, hnyi hnyimakan tavat hia adre me he unyâm.

Ezekiela 5:2

Haba ke keihen a kuniny, u me he ka thong ge meic hnyi wanben taun, e ka um dö je bonginy thelöng; ke u me he ka hom ke hanen a kuniny me kokot tilâ ge hele vat; ke haba ke hanen bi a kuniny, me u ma khûâ ka hnyi ang, ke oge me he bi nya ka oc hele vat he ka hnu hoton.

Ezekiela 6:14

Ke oge me he ka hai hnyamok hudra me oba wan hnyei me wia ka hnyot, hwân hnyi hnyebuba hnyi Dibela, hnyi je hnyabadra hia: ke ame he ka khanʼ ödra a inya Iehova.

Ezekiela 6:6

Kʼ ame he ka ba wan je taun öbun e labâ, ke ba öoyen anyibun je dok ae gorany; me me ba at ke kong ut anyibun je taben hut, me me monumonu ke hia anyibun je idola, me suba degecâ anyibun je hna theati seûno, me ohia anyibun je huliwa.

Ezekiela 7:12

Ame o but ûen, e hakekeny jut bong: e so ame ca senyin at ame ûcû, ke hlöuhlöu at ame kap mone: anyin ae bi hmonyin hon tavat ae se hia.

Ezekiela 7:14

Adre hia but tûâ trutru, me penapena hia; ke ba at ame hnyi he ka hnyi vat: anyin a e bi hon ûseidra hia anyik hmonyin.

Nahuma 1:5

Ame öbubuny je bucen gan, ke ame köiö but je hut; ke ame khibi goranyai kânâ hnyi hnyimakan, eke, hmeledrany, me tavat adre me labâ e.

Nahuma 2:10

E ba onyen e, adre me öba onyen, iny jut wau: ke ame köiö but hnyok, kʼ ame öbubuny je boucadra, ke vec hia thö je hnyidra, ke löhau but ta je hnyimakodra hia.

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Ta je huliwa 17:6

Ke adre me ca ō ʼdru, me adre me lili Jasona me ke je liamekeiny ka tavat muso taun, kʼ adre me fuc hwege, ka habe, Haba hnyat ang a tavat adre me omonumonoâ hmeledrany, me ödrin e o but minya eang;

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.

Deuteronomi 32:26

Oge ha, ka habe, Oge me he ka ovesei ödra, Oge me he ka bi obiny hna ûnykûmi ödra ge tavat:

Deuteronomi 4:27

Ke ame he Iehova ka ovesei öbun ka hnyi ta je hnyei, kʼ ame he ka wakhalet biju kolon gabun unyin ta je hnyei ame he Iehova ka lili öbun ka hnyin.

Iakobo 1:1

INYA Iakobo athnyabainy Khong me Than Iesu Keriso, anyik italofa ka ta je tribu a twelv adre vese ehee.