Isaia 23:9 - Iaai Bible 1901 (New Caledonia)

⁹ Ame ûnykûme e hnö Iehova tuhan sabaoth, hnân he ka oûnyibaûâ bigan anyin tavat hia ae hmanenang, me ohûkötiâ je at hnathuiny hia hmeledrany.

Isaia 23:9 ပူးပေါင်းရင်းမြစ်များ

Jobu 12:21

E ame hingâlâ but ûöhûköti hon je than, Kʼ ame thang wen hnyekon tavat ae hwege.

Salamo 107:40

E ame hingâlâ hna hûkotiâ ka hnyi hon ta je tuhan, Me kunʼ ödra he ka he monu hnyi hnyebuba ae ba getheniny.

Esodo 8:4

kʼ ame he ta je rama ka tabö u me ta je lakom, me je lathnyabaem hia.

Isaia 10:33

Wâ bi ame ke Than, Iehova tuhan sabaoth, ka sö degecâ ta je vheiny ge hna outen: ke haba tavat ae beû goranyai, me adre me he ka öûo, ke adre me he ka ohnyikânâ tavat bi gan.

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 14:24

Haba Iehova tuhan sabaoth ame khemanyin, me ha, ka habe, E hnathu ame he ka helâji me hnok hna ûnykûme; ke ame he ka tethmâ helâji me hnok hna ip hmâ hnyi hnyekuk:

Isaia 14:26

Wale hna ûnykûme adre me ûnykûme hnyi hmeledrany hia: ke wale hnyam adre me hai hon ta je hnyei hia.

Isaia 14:27

Anyin a hia but ûnykûme hnö Iehova tuhan sabaoth, ke ie at bi ame he ka thawâ e? ke ame hai hnyamen, ke ie at ame he ka ohmetu e?

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Isaia 23:10

Hluiny Tasesa lö, vheno thö em hnyei helâ me Nail; e ba hmetu bala wen hnyekom.

Isaia 32:13

Ame he ka kû hnyi kânâ kânân lakeik ta je iwadekong me je iwateta-föcö, eke, hon je umainy senyin hia hnyi tauniny senyin:

Isaia 5:13

Anyin a wale ame he lakeik ka bâ, can e ba ûnyi ae khanʼ ödra: kʼ ame mekihnânen tavat ae beönua gadra, ke mok ge beic hoûmonu gadra.

Isaia 9:15

Haba hingat ae lung so, me wale ban; ke haba obiny, me wale perofeta ame ûne thoi.

Jeremia 13:9

Walang hna ha hn Iehova, ka habe, Helâe oge me he ka okongoâ hnyok bi gan anyi Juda, me hnyok bi gan ae gan hmâ anyin Jerusalema.

Jeremia 51:62

me ha, ka habe, Iehova lö, u je ha ge dok ang he ka ohia, me me ca he ke at ka labā, ame ne at, ame ne meno, ke ame he ka hnyot nyiele balua.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Obadia 1:2

Wâ bi, oge hia but hom ûhnyûkongu u unyin je hnyei: e gan hmâ hna hûkötiö u.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Ta je huliwa 4:28

ke so bi he ka ânyâ thibi ta je unyi adre ip hmâ adrem ge hnyamâm me ânyâm musi he ka mâdrâ.

Efeso 1:11

ke hu minya jekhöûta unyin, ke adre ip öta adrem helâ me weny, wale at ame huliwan ta je ûnyi hia hoton ûnykûmenen weny;

Efeso 3:11

hoton hnen hna ûnykûme bânâ, kâû adrem balua, he ka ânyâ ûnyi ge Keriso Iesu a Tuhöta:

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.