Isaia 23:12 - Iaai Bible 1901 (New Caledonia)

¹² Ke e ame ha, ka habe, U me ca he hmetu ka hobelöu, u hluiny Ziona adre me okongu u: tödrö, he thö Kitim ai; ke ba bi hna menâ eling hobi köu.

Isaia 23:12 ပူးပေါင်းရင်းမြစ်များ

Genese 10:4

Ke haba laku Javana; Elisa, me Tasesa, me Kitim, me Dodanima.

Genese 49:13

Ame he Zebulona ka laba hnyi wasaû: Kʼ ame he ka khöp unyin ta je hu; Kʼ ame he ka o hnyigöulen hnyi Zidona.

Isaia 23:7

Hawa, wale tauniny anyibun senyin, ae kâû adrem hwân, waleji ame labö hom e ge li can ka hnyi dok ae sâkâû he ka mē laba?

Isaia 37:22

awe, walang hofuc ho Iehova ame ha gan, ka habe, A hûkötiö u me hlumö u hnen hlu wale hlu Ziona; ke ame nyinyikâ ban gam hnen hlu Jerusalema.

Isaia 47:1

UTUT, ke laba ju hnyi sesâ, u hlu Babulona; laba ju eû hnyi kânâ ke ba but theron, u hlu anyin at Kaledaia: anyin adre me ca he hmetu ka haiö u a u menyik me mita.

Isaia 47:5

Hlu nokon at Kaledaia lö, laba hnyibû ju, ke he thö ka hnyi dok ae lit: anyin adre me ca he hmetu ka hawo u momo thaniny je dokhu.

Jeremia 14:17

Ke u me he ka ha kodra hofuc ang, ka habe, E so ame hingölö ûnyi hnyi li emakök deköiö hnyi lany me lit, me ca he ka menâ; anyin a aat dö hluiny ik hnyei, ke gan hmâ aat, ke gan hmâ hna kot.

Jeremia 2:10

Ke he thʼ öbun ka hnyi je bomeneiny Kitim, me wâ; me ûkhûnöng dö Kedara ai me ûnykûme wia; mʼ adre me wâ ame ne hu ûnyi helâe ehac.

Jeremia 46:11

Ölö thö Gileada ai, me hok basama, u hluiny Aigupito: e ûnyi baû bi hnâm hna bi bubuny ae se hia; e ba bi eny hobi köu.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Je tenge anyi Jeremi 1:3

A bâ but Juda can ûöveci me huliwa ae hmak; E ame laba unyin je ethen, kʼ ame ca wâ bi hna menâ: Haba tavat hia adre me ovecâ e, me adre me khaû e hnyi dok ae hnek.

Je tenge anyi Jeremi 4:15

Adre me hongot kodra, ka habe, He thʼ öbun ae ikiki I he thö, he thö, ca kâlâ bi: Hnyi ûen adre me kec ut ke he monu, me haingen tavat aten ta je hnyei, ka habe, Adre me ca he hmetu ka me laba eang.

Ezekiela 27:6

Adre hia but ânyâ ânyâm je wi a je iwajoiny Basana; adre hia but tibet ânyâm je tap ge utö tasura adre me omecâ ge nyon elefan, ûnyi hnyi je bomeneiny Kitim.

Daniela 11:30

Anyin ame he je huiny Kitim ka he ûcon; anyin a wale, e ame he ka hmak, me hmetu me hmonyin ka ûhihinyköu ae kap, me ânyâ weny bi: e ame he ka hmetu me tha ûhnenamö me tavat adre rae degec ûhihinyköu ae kap.

Numera 24:24

Ke ame he ka khöp je hu ûheny Kitim, Me adre me he ka oveci Asura, me oveci Heberu, Kʼ adre me he ka ohia e bi hnyi obiny

Josua 11:8

Ke Iehova ame hnʼ ödra ka at Isaraela, me adre me kuc ödra, me hnu ödra ke ne o but Zidona ae gan, ke ne o but Miserefo-maim, me hnyigöulen bucen Mizepa e deiö; me adre me kuc ödra ke ne o but ame ba but kolon.

Hna Omanenâ 18:22

Ke adre me ca he hmetu ka löng unyâm hwan tavat khumöngö kitara, me ta je ûnyi khumöng, me tavat adre me tûö kowi, me tavat adre me tûö khoto; ke adre me ca he hmetu ka wâ unyâm at ame huliwan je huliwa; ke adre me ca he hmetu ka löng unyâm hwan veto hnân oamamâ;