Isaia 23:11 - Iaai Bible 1901 (New Caledonia)

¹¹ E ame hia but hai hnyamen hon köiö, e ame oöbubunyâ je dokhu: a hia but hûna Iehova ge Kanana, mʼ adre me he ka ohia je hnabâiny.

Isaia 23:11 ပူးပေါင်းရင်းမြစ်များ

Genese 9:25

Ke e ame ha, ka habe, E ka mok Kanana; E ame he ka bi athnyabainy lathnya-bainy je liamekeiny më.

Salamo 46:6

Ame imemedien ta je hnyei, kʼ ame bwebwet ta je dokhu: E ame fuc ge hwan, me ame köiö but hmeledrany.

Salamo 71:3

Hamâm bi he ka kicik hnân laba hnyin, me inye labö he bala ka hnyin: U je hia but hûna he ka omeli nya; Anyin a u thibi kicik me hnok hnabâ.

Esodo 14:21

Ke haba Mose ame inâ hnyamen hon köiö; me Iehova ame okhuto köiö hnen ang hwei ae hwege hnyi lit ae bekhöt me omada e, ke haba köiö ame khekhe lo but.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 13:13

Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

Isaia 14:26

Wale hna ûnykûme adre me ûnykûme hnyi hmeledrany hia: ke wale hnyam adre me hai hon ta je hnyei hia.

Isaia 19:5

Ke ame he ka hme köiö, kʼ ame he ka mada me hwahwacit wagewe.

Isaia 2:19

Kʼ ame he ka dit tavat ka hnyi hnyin ta je op hnyi je kic, ke eû hnyi hnyin ta je uthankonginy kânâ ûnyi ge hna outö Iehova, ke ûnyi ge anyin hmanenang ae mec, hnyi ûen e ame he ka todrö ka jijingâ hwegiâ hmeledrany.

Isaia 23:10

Hluiny Tasesa lö, vheno thö em hnyei helâ me Nail; e ba hmetu bala wen hnyekom.

Isaia 23:3

Ke haba hon je köiö ae gan me wale wan Sihora, ke hu gan hna menu hnyi Nail; ke wale hnyaban ûcû anyin je hnyei.

Isaia 25:2

Anyin a u je wia taun me me je hna digic thatûnyi bi; ke taun adre up haginy me me ba wan: ke uma umen je atkanyua me me ca taun hmetu bi; ke adre me ca he bala bi ka op e.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Jeremia 47:7

U ma kâmâu ka laba so, ke Iehova ame hia but hûna kâu? wale ge Asekelona me hobat köiö; wale dok e ame kû.

Ezekiela 26:10

Anyin ae se hia haleny je hors me ame he ka oiyongi u ge sesâiny kânâ gadra: kʼ ame he ka öbubuny ânyâm je hna up haginy ge hwan tavat tabö hors, ke je kat, ke je kariota, e ka didro ka hnyi je homagöulem, helâ me udilidra hnyi taun adre me kia.

Ezekiela 26:4

Ke adre me he ka ohia je hna up haginy, me kia je tap tue hnyin: oge ma aba minya sesâiny, me wia e me kic ae ba leûnen.

Ezekiela 31:16

Oge me oöbubunyâ ta je hnyei ge hwan ûtainy, hnyi ûen oge me khûâ e ka hnyi hedis tha e me tavat adre me dit ka hnyi thop: ke haba je ûöiny hia Edena, je hna ûca me soiny Lebanona, a tavat hia adre me ic köiö, adre me tubet bi eû hnyi kânâ.

Nahuma 1:14

Ke a hia but Iehova hûna gam a gʼ adre me ca he hmetu ka tā hnyat a iâm bi: ke oge me he ka subâ degecâ je khongom a je hnatheat adre me kave me oköiâ ûnyi hnyi umödrin je uma; ke oge me he ka ânyâ ânyâm erkemok; anyin a u kong ut.

Hagai 2:7

ke oge me he ka jijingâ ta je hneyi hia, ke ame he ka o ta je ûnyi wale ame weny ta je hnyei hia, ke oge me he ka öunöngötâ uma eang ge hmanenang, haingö Iehova tuhan sabaoth.

Zakaria 14:21

Eke, ame he ka kap kö Iehova tuhan sabaoth je öt hia hnyi Jerusalema me Juda: ke ame he tavat bihut hia ka he me hom me ölâ: ke ame he ka ba hmetu bi at Kanana hnyi uma umo Iehova tuhan sabaoth hnyi bong eling.

Mareko 11:17

Ke e ame ûne, me ha kodra, ka habe, Hawa, adre me ca sihnalimen, ka habe, Adre me he ka hwenyi ien umök uma, me Uma umen hic hobi kâu ta ogo hnyei hia thithö? ke öbun e hia but wia e me op a umen ta je venöu.

Ioane 2:16

me e ame ha ka tavat ûco je biny, ka habe, Hom dö ta je ûnyi eang ûheny ang; ca wia bi uma umo Cica, me me uma ûcû.