Isaia 23:1 - Iaai Bible 1901 (New Caledonia)

¹ HOK honen Turo. Je huiny Tasesa lö, kuku tenge thö; anyin ae ba wan e, ke ba uma, ke ba hna dit: adre me omanenâ e kodra ûnyi hnyi Kitim.

Isaia 23:1 ပူးပေါင်းရင်းမြစ်များ

Genese 10:4

Ke haba laku Javana; Elisa, me Tasesa, me Kitim, me Dodanima.

I. Je Than 10:22

Anyin ae hu hnyi köiö ta je hu hon than ûheny Tasesa, tha e me je hu hu Hirama: ke ame labö khop ta je huiny Tasesa hnyi je ve obiny ta hnna a kun, kʼ adre me hok gol, me sileva, me je nyon elefan, me ta je cako, me je pikâk.

I. Je Than 22:48

Ke haba Jehosafata ame tibet je huiny Tasesa, me me he Ofira ai he ka haudin gol: kʼ ame ca kec bi je hu, anyin a hmouca but je hu hnyi Eziona-gebera.

I. Je Than 5:1

KE haba Hirama thaniny Turo ame kunâ lathnyabainy kö Solomona; anyin a e ame long a gʼ adre hû me me than hwaban kamen: anyin a Hirama ame labö hnyokö Davita.

II. Man Ûlabainy Je Than. 9:21

Anyin e hu ta je hu hon than ame labö he Tasesa ai me lathnyabai Hirama: kʼ ame labö khop je huiny Tasesa hnyi obiny je huna a kun, me hom gol, me sileva, me nyon elefan, me je cako, me je pikâk.

Salamo 48:7

U je ohmouca je huiny Tasesa. Ûnyi ge ang hwei.

Isaia 15:8

Anyin ame hia but hwan tenge he igigilo je hnyigöulen Moaba; me anyin kuku tenge ke ne o but Egelaim, me anyin kuku tenge ke ne o but Beer-elima.

Isaia 2:16

ke hon je huiny ʼhia Tasesa, ke hon ta je ûnyi adre tretrau hia ae kese.

Isaia 23:12

Ke e ame ha, ka habe, U me ca he hmetu ka hobelöu, u hluiny Ziona adre me okongu u: tödrö, he thö Kitim ai; ke ba bi hna menâ eling hobi köu.

Isaia 23:6

He thʼ öbun Tasesa ai; kuku tenge thö, öbun tavat öbun e labā bomene.

Isaia 24:10

Adre me hagutâ taun ae monumonu: adre hlöng je uma hia me me ca he bi at ka dit.

Isaia 60:9

E hnathu, ame he je bomene ka halubahing nya, kʼ ame he ka bân je huiny Tasesa he ka hom lakom obaga ûnyi hnyi dok ae sâkâû, ke e unyidra anyidra sileva me gol, hobi kâu iö Iehova a Khongom, me Kabi Isaraela at ame ohmanenangi u.

Jeremia 2:10

Ke he thʼ öbun ka hnyi je bomeneiny Kitim, me wâ; me ûkhûnöng dö Kedara ai me ûnykûme wia; mʼ adre me wâ ame ne hu ûnyi helâe ehac.

Jeremia 25:15

Anyin a walang hna ha hnö Iehova Khongu Isaraela könya, ka habe, Hom dö tap wainainy hmonyin ang ûnyi hnyi hnyamok, me habelen je hnyei hia waleji oge me he ka kunö u ka hnyin.

Jeremia 25:22

me ta je thaniny hia Turo, me ta je thaniny hia Sidona, me je thaniny bomene hnyi ke keihen hoton köiö;

Jeremia 47:4

can bong ame o he ka söh at Filisiti hia, me subâ degecâ e hnyi Turo me Zidona ta je ûhadruo a laba biju: anyin ame he Iehova ka söh at Filisiti, ta je kolon bomene Kafetori.

Ezekiela 26:1

KE hnyi huna a eleveniny, hnyi bong a bâniny tehi, ame o but könya hofuc ho Iehova, ame ha, ka habe,

Ezekiela 26:2

Nokon at lö, anyin a Turo ame hia but ha ge Jerusalema, ka habe, Öhö, e hmetru but at eji a homagöuleny ta je hnyei; e ame hnyimakan dö könya: oge me he ka unöngöt, ke ba but wan gan:

Ezekiela 27:30

ke adre me he ka olungâ anyidra hwatenge gam, ke adre me he ka tenge hwege, me konâm je bödra ge kânâ, me hinö hnyi dröu:

Ezekiela 27:6

Adre hia but ânyâ ânyâm je wi a je iwajoiny Basana; adre hia but tibet ânyâm je tap ge utö tasura adre me omecâ ge nyon elefan, ûnyi hnyi je bomeneiny Kitim.

Daniela 11:30

Anyin ame he je huiny Kitim ka he ûcon; anyin a wale, e ame he ka hmak, me hmetu me hmonyin ka ûhihinyköu ae kap, me ânyâ weny bi: e ame he ka hmetu me tha ûhnenamö me tavat adre rae degec ûhihinyköu ae kap.

Jona 1:3

Me haba Jona ame tpdrö me kec Tasesa ai ge hnyimakö Iehova; ke e ame he Jopa ai, me wâ ke hu ame he Tasesa ai: ke e ame bi hwaban hna houden e, me dit hnyi hnyin hu, he ka tha kec mʼ ödrin Tasesa ai, ame kec ge hnyimakö Iehova.

Numera 24:24

Ke ame he ka khöp je hu ûheny Kitim, Me adre me he ka oveci Asura, me oveci Heberu, Kʼ adre me he ka ohia e bi hnyi obiny

Luka 10:13

Ekölö gam Korazin! ekölö gam Bethesaida! anyin adre ne ânyâ hnyi Turo me Sidona ta je huliwa ae man adre ânyâ eang unyibun, adre me ne hia but ietra me laba me ecmano ae gan nân me hnabadröu.

Josua 19:29

ke ame khenyi hnyigot Rama ai ke ne o but Turo wale taun ae hwege; ke ame khenyi hnyigot Hosa ai; ke adre umo e hnyi köiö hnyi ke keihen hnyei Akeziba: