Isaia 22:5 - Iaai Bible 1901 (New Caledonia)

⁵ Anyin a bonginy hmak eling, me iututi, me monumonu ûnyi ge Than, Iehova tuhan sabaoth, hnyi hnyigöulen bucen hna omanenâ; adre me kia je hak veto, me tenge ka je bucen.

Isaia 22:5 ပူးပေါင်းရင်းမြစ်များ

II. Je Than 19:3

Ke ödrin e ha kâu, ka habe, Walang hna ha hnö Hezekia, ka habe, Haba bong ang bonginy vec, me û, me ûhaikonguny: anyin a o ûen o a je wanakat, ke ba tang hwegien he ka hnokoâ.

II. Je Than 25:10

Ke haba utbavat hia anyin at Kaledaia, unyin taben tavat tue, ödrin e hagutâ hnyikânâi hna up haginy Jerusalema igigilö.

Esetera 3:15

Ke ame ie he but tavat wadring ge hna hûna hnen than, ke adre me omanenâ hnanyibu hnyi Susani hnyaban than: ke haba than me Hamana ödru me tha laba he ka ic; ke ame hlohlo but taun Susani.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 22:1

HOK honen hnyigöulen bucen adre me omanenâ hnyin. Ieû gam walang ang a u je tha ölö ka hnyi hon je ban uma me je âtâm hia?

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 37:3

Ke ödrin e ha kâu, ka habe, Walang hna ha hnö Hezekia, ka habe, Bonginy vec, me û, me ûhaikonguny bong ang: anyin a ûen a o ta je wanakat, ke ba at ae hwege he ka hnokoâ.

Isaia 5:5

Ke oge me he ka omanenâ walang ang köbun ûnyi oge me he ka ânyâ hnyi ik hnyei vine: oge me he ka hom degecâ haginy, mʼ adre me he ka an dö e; oge me he ka hagutâ haginy, mʼ adre me he ka uto but e:

Isaia 63:3

Inya oge hia but hake hlic vine; ke ba at unyik ûnyi hnyi ta je hnyei: eke, oge me hlic ödra hnyi anyik hmonyin, ke ututi ödra hnyi anyik wathethot; me ame kong anyik je ûkhaû ge drödra, ke oge hia but okongoâ hia anyik ûkhaû.

Isaia 63:6

Ke oge me ututo tavat hnyi anyik hmonyin, ke omonu ödra hnyi anyik wathethot, ke oge me hingâlâ dren anyidra möt ka hnyi hon kânâ.

Jeremia 30:7

Ekölö! anyin ae gan hmâ bong eling, ke ba ke bong a helâe: wale ûen vec kö Jekob; ke so bi, adre me he ka omelo e hnyin.

Je tenge anyi Jeremi 1:5

E beönua tavat adre me okongoâ e, kʼ ame sot bi je iwahnaihmiony më; Anyin a Iehova ame hia but ovecâ e, can hnen je hna hanyâûâ ae se hia: Adre me hom bâ lakon ae ûhnyûkong hnyi hnyimakan je iwahnaihmiöny.

Je tenge anyi Jeremi 2:2

A hia but Than utâ je hnyaba Jekob hia, ke ame ca betenge bi; E ame hagutâ hnyi anyin hmonyin je hnabâ anyin hluiny Juda; E ame tha ohonâ me kânâ: E ame oikikiâ dokhu me je thaniny.

Je tenge anyi Jeremi 2:8

Iehova ame hia but ûnykûme he ka ohia hna up veto anyin hluiny Ziona; E ame hia but lelö tulut, e ame ca thu hmetu hnyamen hnyi hnen hna ohia: Ke e ame kunâ singiny me hna up veto he ka tenge; kʼ ame tha sēnyin.

Ezekiela 7:7

At ame labâ hnyei lö, ame o but hna saû gam: ame o but ûen, ke hakekeny jut bong; a bonginy imonumonuny ke ca bong bi hnân hongot senyin hon je bucen.

Hosea 10:8

Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju.

Mika 7:4

Haba tavat ae so gadra, me helâ me ûö ae ûdedö: ke haba tavat ae ti fofâ gadra, me kong hon hak ae ûdedö: e but ang bong bongon tavat adre me tuö u, wale ûen he ka senö u; adre me he walang ang ka hlöhlö.

Zefania 1:15

Haba bong eling bonginy hmonyin, bonginy vec me hlöuhlöu, bonginy hnaûhango me öba wan, bonginy lit me menekholom, bong ae hu ûlâ me khömet,

Mataio 24:16

haba hnyi ûen e, e so ame he tavat adre me laba hnyi Juda ka kec ka hnyi bucen:

Luka 23:30

Me adre me he ka hwân he ka ha ka je bucen, ka habe, Kolu takû öhmun ju; me ka ta je hut, Tubi öhmun ju.